Arnar Laufdal Arnarsson @AddiLauf

Textalýsing Skýrslan

Hvað réði úrslitum? Tommaso Pobega leikmaður AC Milan sem er á láni hjá Spezia kláraði þennan leik í dag með tveimur flottum mörkum þar sem seinna markið kom 2 mínútum fyrir leikslok... Bestu leikmenn 1. Tommaso Pobega Hann vann leikinn upp á eigin spýtur með tveim frábærum mörkum, þegar ekkert var í kortunum þá kom hann með tvö frábær mörk 2. Nicolo Rovella Gjörsamlega frábær á miðjunni í dag og stjórnaði spili Ítala eins og hershöfðingi, aðeins 18 ára gamall og steig varla feilspor í dag því miður.. Atvikið Seinna mark T. Pobega sem kom á 88. mínútu, flott mark fyrir utan teig sem fór af Alexi Þór Haukssyni og þaðan í fjærhornið, ótrúlega svekkjandi fyrir strákana okkar....

Hvað þýða úrslitin? Ítalir halda 1. sætinu og eru komnir 4 stigum á undan okkur með 19 stig eftir 8 leiki spilaða, íslenska liðið er í því 4. með 15 stig eftir 8 leiki spilaða og það er ennþá möguleiki að komast á EM þar sem 2. sæti riðilsins getur gefið umspilssæti.. Vondur dagur Erfitt að setja þetta á einhvern en ég neyðist til að setja þetta á Róbert Orra sem var heilt yfir flottur en hann kom með lélega hreinsun í fyrri hálfleik sem leiddi til þess að Ítalir skoruðu fyrsta mark sitt.. Dómarinn - 3 Afleit frammistaða hjá Grikkjanum í dag, ótrúlega skrítin lína sem hann setti, flautaði alltof mikið en sleppti svo augljósum dómum og hefði getað dæmt víti fyrir okkur Íslendinga...