Yfirburðir Blikakvenna í spili og fótboltagetu var það sem réði úrslitum í dag. Eins sterkar og Tindastóll voru í þessum leik sást munurinn á fótboltagetunni vel en hjartað risastórt í norðankonum í kvöld eins og alltaf.

Rosalega lítið um atvik að ræða í þessum leik þannig að atvikið er hreinlega bara eina mark leiksins. Flott mark og eina atvik leiksins þannig séð.

Tindastóll eru ekki lengur taplausar en sitja í 4. sæti deildarinnar eftir þrjá leiki með 4 stig. Þær eiga þó leik inni gegn Fylki eftir að honum var frestað vegna smits á Sauðárkróki. Blikar hefðu getað misst af topplestinni mjög snemma ef þær hefðu ekki unnið í dag en með sigri eru þær í 3. sæti, 3 stigum á eftir Selfossi á toppi deildarinnar en fullt eftir af þessari deild.

Engin, ég get ekki hugsað mér einn leikmann á vellinum sem átti vondan dag. Mjög flottur leikur hjá báðum liðum og allir leikmenn flottir.

Guðmundur dæmdi leikinn vel en samt lítið til að dæma á. Smá vafi með brot á Murielle í lok leiks en yfir allt vel dæmt hjá tríóinu.