Sæbjörn Þór Þórbergsson Steinke @saebjornth

Textalýsing Skýrslan Viðtöl

Hvað réði úrslitum? Breiðablik þjarmaði að Tindastól allan leikinn og tókst að nýta eina af sautján hornspyrnum og einstaklingsgæði Öglu komu svo í ljós í öðru markinu. Það hefði verið fróðlegt að sjá þennan leik með Murielle inn á frá fyrstu mínútu. Hún er frábær í báðum vítateigum en ákveðið var að byrja með hana á bekknum í dag. Breiðablik var það lið sem sótti meira og skapaði meira en Tindastóls liðið má vera stolt af sinni frammistöðu. Bestu leikmenn 1. Agla María Albertsdóttir Skoraði og lagði upp í 2-1 sigri. Hún hefði bæði getað lagt upp fleiri og skorað. Gífurleg gæði. 2. Amber Kristin Michel Amber hafði nóg að gera í dag, varði ófá skot og þurfti reglulega að grípa inn í. Hún spilaði auk þess sárþjáð í markinu. Atvikið Annað mark Breiðabliks, algjört augnakonfekt. Langur bolti fram völlinn úr varnarlínu Blika á Öglu Maríu sem tekur vel á móti boltanum og vippar laglega yfir Amber sem kom út í úthlaup. Agla skoraði svo með skoti í autt markið.

Hvað þýða úrslitin? Breiðablik er komið í 8-liða úrslit Mjólkurbikarsins en Stólarnir geta nú horft eingöngu á deildina. Vondur dagur Jacqueline Altschuld þarf að komast oftar í boltann. Virkaði svolítið týnd varnarlega og gerðist lítið sóknarlega þar sem Tindastóll lá mikið til baka. Dómarinn - 8 Fínasti leikur hjá Agli. Hrós fyrir að dæma leikbrot þegar leikmaður Tindastóls var hindraður í hlaupi sínu inn á teiginn.