Sverrir Örn Einarsson @SEinarsson

- Meðalaldur 8 ár

- Meðalaldur 20 ár

Textalýsing Skýrslan Viðtöl

Hvað réði úrslitum? Augnabliks einbeitingarleysi í varnarleiknum eftir fast leikatriði kostaði gestaliðið í dag. Tökum þó ekki af Keflavík að þær spiluðu gríðarlega vel í síðari hálfleik eftir dapran fyrri hálfleik og áttu sigurinn fyllilega skilið. Bestu leikmenn 1. Amber Kristin Michel Aldrei spurning í mínum huga. Amber varði eins og berserkur í síðari hálfleik og það stundum úr dauðafærum eða skot sem stefndu beint í vinkilinn. Frábær leikur hjá henni sem telur þó ekki neitt þegar hún heldur stigalaus heim á Sauðárkrók. 2. Natasha Moraa Anasi Natasha á hvert einasta strá á HS-Orkuvellinum þegar hún er í essinu sínu eins og í dag. Hleypti sóknarmönnum gestanna hvorki lönd né strönd og dreif sínar konur áfram. Atvikið Á 94.mínútu átti Amber sína bestu vörslu. Aníta Lind Daníelsdóttir á þá skot af talsverðu færi sem stefnir hraðbyri í markvinkilinn. Ég veit ekki hvernig en Amber flaug af stað og sló boltann í horn með tilþrifum. Frábær varsla þó hún hefði eflaust skipt henni út fyrir allavega 1 stig.

Hvað þýða úrslitin? Keflavík fer í 9 stig og lyftir sér upp í 6. sæti deildarinnar allavega um stund. Tindastóll situr enn á botninum með 4 stig. Vondur dagur Tilnefni tvær í dag. Fyrsta ber að nefna Aerial Chavarin. Það er þó ekki vegna þess að hún spilaði illa. Á köflum í síðari hálfleik lék hún sér að vörn gestanna og kom sér í frábær færi og átti góð skot sem á eðlilegum degi hefðu legið í netinu ef ekki væri fyrir títtnefnda Amber í marki gestanna. Aldís María Jóhannsdóttir fær sinn sess hér sömuleiðis og aftur ekki að hún hafi spilað illa en það er alltaf vont að fá rautt spjald þó ég skilji hana vel að taka sénsinn á ögurstundu í leiknum. Dómarinn - 6 Nokkur skipti sem hans ákvarðanir voru helst til skrítnar en heilt yfir þokkalega vel dæmdur leikur hjá Arnari og hans mönnum.

- Meðalaldur 9 ár

- Meðalaldur 22 ár