Sverrir Örn Einarsson @SEinarsson

Textalýsing Skýrslan Viðtöl

Hvað réði úrslitum? Gestirnir frá Akureyri voru einfaldlega grimmari, voru búnar að lesa leik Keflavíkur gríðarlega vel og tókst að núlla út sóknarleik Keflavíkur að mestu í leiknum. Sanngjarn sigur að öllu leyti. Bestu leikmenn 1. Colleen Kennedy Skapaði usla í vörn Keflavíkur nánast í hvert sinn sem hún fékk boltann og tók á rás. Fær skráðar á sig tvær stoðsendingar þar sem á henni var brotið þegar aukaspyrnan sem skorað var úr var dæmd og þar að auki skilaði góður sprettur hennar í bland við klaufalegan varnarleik marki númer tvö fyrir Þór/KA 2. Arna Sif Ásgrímsdóttir Varnarlína Þórs/KA gæti öll tekið þetta þar sem þær héldu sóknarmönnum Keflavíkur vel í skefjum. Arna var með hina sterku Aerial Chavarin í vasanum í allt kvöld og komst sóknarmaðurinn sterki hvorki lönd né strönd. Atvikið Fyrsta mark leiksins fær þann heiður í kvöld grípum niður í lýsingu mína frá 21. mínútu. Jakobínu er alveg sama hvort ég hafi haldið að þetta væri fyrirgjafarstaða og lætur bara vaða á markið yfir Tiffany og boltinn steinliggur í netinu, Virkilega fallegt mark og frábær spyrna en verð að setja spurningamerki við Tiffany þar sem skotgeirinn var þröngur.

Hvað þýða úrslitin? Þór/KA fer í 11 stig upp í sjöunda sæti deildarinnar og þar með uppfyrir Keflavík sem situr sæti neðar með 9 stig. Vondur dagur Aerial Chavarin mátti sín lítils gegn sterku miðvarðarpari gestanna í kvöld og tókst ekki að skapa þann usla sem hún hefur verið vön að gera í síðustu leikjum. Dómarinn - 5 Guðmundur Páll Friðbertsson átti ekki sinn besta dag á flautunni í dag en líklega ekki þann versta heldur. Hafði engin áhrif á úrslit leiksins en mér fannst línan oft á tíðum óljós og lítið samræmi á milli dóma.