Matthías Freyr Matthíasson @mattimatt

Textalýsing Skýrslan

Hvað réði úrslitum? Veit eiginlega ekki hvað réði úrslitum. Ætli megi ekki segja að þrjóska Steven Lennon við að sætta sig ekki við að skora ekki í leiknum. Nóg af færum fékk hann og liðsfélagar hans en loksins á 78. mínútu tókst það. Bestu leikmenn 1. Aron Snær Friðriksson Án nokkurs vafa besti maður vallarins. Þrátt fyrir að vera markmaður í tapliðinu í kvöld, varði Aron ítrekað í dauðafærum sem FH fékk og hélt Fylkismönnum á lífi eftir fyrri hálfleikinn. 2. Gunnar NIelsen Það sama má segja um Gunnar og Aron, hann hélt sínu liði á floti með þremur geggjuðum vörslum úr geggjuðum færum sem Fylkismenn náðu að skapa sér. Atvikið Þau eru nokkur en eru öll í fyrri hálfleik og er þá um að ræða 4 færi sérstaklega sem geta flokkast sem dauðafæri en Aron Snær ver frábærlega í öll skiptin.

Hvað þýða úrslitin? Sigur var lífsnauðsynlegur fyrir FH. Ekki búnir að vinna deildarleik síðan í Maí og var auðséð á Ólafi Jóhannessyni að honum var létt í leikslok. Sigurinn þýðir að FH er komið í 6 sæti og lyftu sér upp yfir Fylki sem fara í 7 sæti deildarinnar. Vondur dagur Sóknarlína FH fær þetta og það þrátt fyrir að Lennon hafi skorað í kvöld. Miðað við gæði í framlínu FH hefðu þeir átt að setja nokkur mörk, sérstaklega í fyrri hálfleik en ekkert gekk. Dómarinn - 8,5 Vel dæmdur leikur hjá Ívari Orra.