Leikurinn byrjaði rólega en Ásgeir Sigurgeirsson kom KA mönnum yfir snemma leik og eftir það tóku Leiknismenn yfir leikinn og áttu nokkur mjög góð færi sem Steinþór (Stubbur) varði vel í marki KA. Síðari hálfleikurinn var rólegri en Leiknismenn þó sterkari.

Sólon Breki féll í teig KA manna á 77.mínútu eftir fyrirgjöf inn á teiginn en Erlendur Eiríksson dæmdi ekkert og má segja að KA menn hafi verið heppnir þar.

Leiknismenn eru komnir niður í sjöunda sæti deildarinnar eftir þetta tap í dag en liðið er með 17.stig. KA menn lyfta sér upp í fjórða sætið og eru að blanda sér aftur í toppbaráttunal. Liðið er núna fjórum stigum á eftir toppliði Vals.

Sævar Atli Magnússon (Leiknir) - Sævar Atli var ekki á deginum sínum í dag. Fékk tvö góð færi sem hann náði ekki að klára sem hefur verið óvenjulegt að sjá. Fyrir utan færin var Sævar Atli ekki eins mikið í boltanum og sést hefur í undanförnum leikjum.

Erlendur Eiríksson var fínn í dag fyrir utan mögulega vítaspyrnu sem Leiknismenn áttu að fá í síðari hálfleik þegar Sólon féll inn á teig KA.