Elvar Geir Magnússon @elvargeir

- Meðalaldur 14 ár

- Meðalaldur 26 ár

Textalýsing Skýrslan

Hvað réði úrslitum? Breiðablik spilaði af miklu hugrekki í þessu einvígi og komst einfaldlega verðskuldað áfram. Liðsheildin var algjörlega upp á tíu og leikmenn fíluðu sig afskaplega vel. Báðir leikirnir voru stórskemmtilegir og flottur leikstíll Blika ekki eitthvað sem við höfum vanist að sjá frá íslensku liði í Evrópukeppnum. Bestu leikmenn 1. Kristinn Steindórsson - Breiðablik Mark og stoðsending. Tvö frábær mörk frá Blikaliðinu og alvöru frammistaða. Annars er hægt að hrósa öllu Blikaliðinu. 2. Damir Muminovic - Breiðablik Damir er að fíla Sambandsdeildina í botn og var feikilega öflugur varnarlega. Atvikið Austria Vín fékk mark á silfurfati eftir hrikalega sendingur Viktors Arnar Margeirssonar. Það mark hleypti spennu í einvígið en flestar tilraunir gestaliðsins til að knýja fram jöfnunarmarkið voru frekar máttlausar.

Hvað þýða úrslitin? Breiðablik er komið í þriðju umferðina þar sem mótherjinn verður Aberdeen frá Skotlandi. Fyrri leikurinn verður á fimmtudaginn í næstu viku, á Kópavogsvelli. Vondur dagur Leikmenn Austria Vín voru ákaflega pirraðir og létu mótspyrnuna fara mikið í taugarnar á sér. Um tíma voru þeir farnir að hvæsa á hvorn annan innbyrðis og þetta allt saman hjálpaði bara Blikunum. Dómarinn - 6,5 Lítið yfir Íranum að kvarta. Nokkrar umdeilanlegar ákvarðanir en á heildina fínasta dómgæsla.