Sverrir Örn Einarsson @SEinarsson

Textalýsing Skýrslan Viðtöl

Hvað réði úrslitum? Heimamenn í Keflavík vildu þetta bara meira, lögðu meira á sig og virkuðu mikið betur stemmdir í þennan leik. Á sama tími var leikur KA þungur og hægur og ekki í karakter við það sem liðið hefur sýnt framan af sumri. Bestu leikmenn 1. Joey Gibbs Þegar hann finnur færin þá nýtir hann þau. Vinnur lúmska vinnu í varnarlínu gestanna og er hrikalega góður í því að klára færin. 2. Ingimundur Aron Guðnason Vinnusemi og aftur vinnusemi. Yfirferðin á Ingimundi er oft á tíðum ótrúleg. Skilar helling til liðsins og lagði upp í dag. Atvikið Sérstakt atvik átti sér stað undir lok leiks þegar KA hélt að þeir væru að minnka munin í 3-2 þegar Ásgeir Sigurgeirsson fylgdi eftir skot Elfars Árna en var þó klárlega fyrir innan þegar skotið reið af. Aðstoðardómarinn lyfti ekki flaggi sínu en á sama tíma flautaði Egill dómari markið ekki heldur á. Við tóku smá fundarhöld og að endingu fór flaggið á loft.

Hvað þýða úrslitin? Bikarinn er voðalega einfaldur. Keflavík er áfram en KA ekki. Vondur dagur KA liðið var ákveðin vonbrigði í dag svo þjálfari liðsins Arnar Grétarsson fær vondan dag á sig. Vont að horfa upp á liðið sitt jafn andlaust og það var á köflum þá sérstaklega í bikarleik þar sem allt er undir. Dómarinn - 7 Vel dæmdur leikur hjá Agli almennt. Eitt og eitt smáatriði sem má gagnrýna en heilt yfir bara fínt.