Arnór Gauti er maskína og það réði úrslitum vörn Þróttara réð ekkert við hann og hann hefði alveg getað sett fleiri mörk ef eitthvað er.

Vítaspyrnudómurinn á 4 mínútu. Þróttarar vildu meina að það hefði verið ,,soft" en þó að þetta var engin ofsa tækling þá var þetta bara klaufalegt og hárréttur dómur.

Afturelding færir sig upp í 8. sæti með 22 stig og eru þar með tryggðir áfram í Lengjudeildinni. Þróttarar eru hinsvegar áfram í 11.sæti með 11 stig og ef Þórsarar ná einu stigi úr leik sínum gegn Fjölni sem er í gangi þegar þetta er skrifað þá eru Þróttarar fallnir.

Vörn Þróttara. Þessir varnarmenn eiga líkast til eftir að hafa martraðir af skallanum á Arnóri Gauta þar sem hann fór illa með það trekk í trekk.

Þorvaldur Árnason og hans teymi gerðu mest allt rétt og þegar það færðist smá harka í leikinn var hann góður að láta leikinn fljóta. Topp frammistaða hjá þessum mönnum.