Gríðarlega vel útfærður leikur hjá FH mestan part leiksins. Voru grimmir í pressunni og fastir svo fyrir í vörninni þegar leið á leikinn og Blikar fóru að sækja meira. Blikar virkuðu sérstaklega í fyrri hálfleik nokkuð stressaðir og óöryggir og eins og spennustigið væri ekki rétt. Óskar Hrafn sagði í viðtali eftir leik að stundum eru menn ekki besta útgáfan af sjálfum sér

Vítaspyrnan sem Breiðablik fékk á 77 mínútu. Árni Vill fékk boltann þá til sín inn í teig FH, tók snúning og féll við eftir viðskipti við Gumma Kristjáns. Víti dæmt og það rétt. Árni tók vítið sjálfur og skaut hátt yfir markið.

FH eru enn í 6 sæti deildarinnar og hafa unnið 6 af síðustu 7 leikjum. Virkilega vel spilað í dag og þeir ætla sér að byggja á þessu fyrir næsta tímabil. Blikar hinsvegar duttu úr bílsstjórasætinu um titilinn eftir úrslit dagsins og sagði Óskar Hrafn að handritið hefði verið skrifað þannig í dag að annað lið ætti að verða Íslandsmeistari

Gísli Eyjólfsson átti ekki góðan dag en það sama mátti segja um allt lið Blika i fyrri hálfleik.

Vel dæmdur leikur.