Lítið var um varnarleik og liðin fengu afar mörg færi. Vestri gafst ekki upp þrátt fyrir að lenda undir í tvígang og sóttu verðskuldað jafntefli með marki rétt undir lokin.

Fullt af atvikum í þessum leik, en mark Vestra þar sem þeir minnka muninn í 1-2 er máski atvikið sem gerir þetta að alvöru leik. Þeir virkuðu kraftlausir fram að því og fátt benti til annars en að Kórdrengir myndu taka þægileg 3 stig.

Kórdrengir enda í fjórða sæti eins og var nánast öruggt fyrir leikinn. Jöfnunarmark Vestra undir lokin setur þá yfir Gróttu í fimmta sæti. Flott tímabil hjá báðum liðum.

Vörn Kórdrengja, sem oftast er einkar traust var galopin í dag. Lásu illa í vindinn í fyrri hálfleik og stöðvuðu afar fáar sóknir heimamanna þeim síðari þar sem markvörður þeirra bjargaði oft vel. Markvörður Vestra fékk sinn fyrsta leik í dag og lenti í vandræðum, ekki vænlegt að fá á sig mark beint úr hornspyrnu.

Vítið virtist réttur dómur, engin önnur stór atvik.