Sverrir Örn Einarsson @SEinarsson

Textalýsing Skýrslan

Hvað réði úrslitum? Keflvíkingar voru hreinlega betri heilt yfir svona fljótt á litið. Hlupu meira, börðust harðar og gerðu bara meira til þess að verðskulda sigur í kvöld. Blikaliðið var ólíkt sjálfu sér og náði sér aldrei almennilega á strik þó sumir kaflar leiksins hafi verið betri en aðrir. Bestu leikmenn 1. Sami Kamel Mikið rosalega er daninn góður í fótbolta. Mörkin frábær en yfirsýnin og róin sem hann býr yfir á velli er aðdáunarverð. Ekkert óðagot bara gæði. 2. Frans Elvarsson Það sem Frans getur hlaupið og barist er ótrúlegt. Með bandið í dag og bar það með góðu fordæmi. Fór í alla bolta til þess eins að vinna þá og gerði það líka yfirleitt. Atvikið Væri auðvelt að velja aukaspyrnu Sami en seinna markið var áhrifameira. Eftir að hafa verið undir smá pressu í upphafi síðari háfleiks henti Keflavík í þungann krók beint framan í lið Blika. Hárrétt tímasett pressa skilar unnum bolta hátt á vellinum, Dagur Ingi rekur boltann áfram og finnur Sami í teignum sem að snýr boltann glæsilega í netið framhjá Brynjari. Rétt tæpur klukkutími búinn og Blikar í alvöru brekku.

Hvað þýða úrslitin? Keflavík verður í pottinum þegar dregið er í 16 liða úrslit á morgun en Breiðablik ekki. Vondur dagur Benjamin Stokke var arfadapur í dag og hreinlega sást ekki. Sömuleiðis var andleysi Blika í fyrri hálfleik algjört. Algjörlega úr öllum takti við það sem maður á að venjast frá þessu frábæra liði. Vissulega voru breytingar á liðinu frá síðasta deildarleik og lykilmenn á bekknum. En það voru ekki bara Pétur og Páll sem komu inn í staðinn. Allt saman gæðaleikmenn sem að eiga að geta miklu miklu betur. Dómarinn - 7 Heilt yfir var leikuinn vel dæmdur að mínu mati og fátt sem hægt var að kvarta yfir. Skrýtið að segja það en ef rangi rangstöðudómurinn hefði einhverju skipt væri einkunninn líklega talsvert lægri.