Þetta var best spilaði leikur Vestra í sumar. Héldu bolta afar vel og komust í góðar stöður sem Grindvíkingar náðu að verjast vel lengst af. Misstu ekki dampinn eftir að hafa fengið mark í andlitið og snéru þessu við. Eftir að Vestri skipti yfir í 5-3-2 hafa úrslitin byrjað að koma og varnarleikurinn batnað svo um munar.

Kairo Edwards-John féll í teignum seint í síðari hálfleik og vildi vítaspyrnu. Ég sá þetta ekki nógu vel en þetta var stórt atvik sem féll með heimaliðinu að þessu sinni.

Vestri komast upp að hlið Grindvíkinga og eru farnir að sjá grilla í toppsætin. Grindavík missir af tækifæri til að komast upp í annað sætið.

Miðjan hjá Grindavík var ekki sérlega góð í dag. Heimamenn náðu að halda boltanum mikið án nægilegrar pressu en aftur á móti var miðjumönnum Grindvíkinga ekki að takast að halda boltanum nógu mikið og ná upp almennilegum spilköflum. Hefðu þurft á því að halda í stöðunni 0-1 að geta dregið úr Vestramönnum.

Leyfði mikið sem mér fannst hjálpa leiknum. Stundum skrítnir dómar inn á milli. Grindvíkingar vildu vítaspyrnu en ég sá ekki hvort það var rétt ellegar ekki.