Þetta var leikur föstu leikatriðinna. Heimamenn skoruðu eftir tvær hornspyrnur og í upphlaupi eftir fast leikatriði Gróttumanna. Grótta skoraði eftir aukaspyrnu. Í raun voru fá færi sem komu ekki eftir fast leikatriði. Gróttumenn tefldu djarft með að senda marga fram í hvert skipti og eftir nokkrar hótanir fyrr í leiknum náði Silas að refsa þeim fyrir það og klára leikinn.

Annað mark Madsen vakti heimamenn sem höfðu byrjað síðari hálfleikinn illa. Eftir það náðu þeir vopnum sínum og unnu verðskuldað.

Gróttu mistekst að halda í við toppliðin og eru utan seilingar í fjórða sæti sem stendur. Vestri fer upp í miðja deild, þremur stigum frá Seltirningum.

Framlína Gróttu. Þeir tóku Vestra í bakaríið í fyrri leiknum en 5 manna varnarlína heimamanna sá við öllu sem þeir reyndu í dag. Þeim er vorkunn þar sem sendingar aftur fyrir vörnina voru ónákvæmar og þeir náðu í raun ekkert að ógna að ráði í dag.

Nokkrir skrýtnir dómar inn á milli og menn voru orðnir reiðir út í hann á endanum.