Þróttarar bara miklu betra fótboltalið þessa stundina og þeir voru betri í þessum leik. Sjálfstraustið er meira hjá Þrótturum og það sást. Mögulega hefðu Haukarnir átt að taka meiri áhættu eftir fyrsta markið, fara úr fimm manna vörn og hrista aðeins upp í þessu.

Fyrsta markið setti tóninn fyrir þennan leik. Eftir það voru þetta engin vandræði fyrir Þróttara.

Þróttarar eru komnir upp og leika í Lengjudeildinni að ári. Þeir geta fagnað vel í tjaldinu í Laugardalnum í kvöld. Haukar voru að tapa fimmta leik sínum í röð og eru í neðri hluta deildarinnar.

Það er erfitt að vera stuðningsmaður Hauka í dag, bæði karla- og kvennaliðið hafa átt erfitt sumar. Haukarnir voru aldrei líklegir til afreka í dag og frammistaðan í raun frekar léleg frá upphafi til enda. Fimm manna vörnin var ekki að virka nægilega vel í dag og spurning hvort það hefði ekki verið betra að fara aðeins hærra með liðið, sérstaklega eftir fyrsta markið. Þeir höfðu engu að tapa í þessum leik.

Allt í lagi dæmdur leikur. Fannst Þróttarar eiga að fá víti í seinni hálfleik en það skipti ekki öllu máli í þessum leik.