Alexandra Bía Sumarliðadóttir @alexandrabia95

- Meðalaldur 26 ár

- Meðalaldur 27 ár

Hvað réði úrslitum? Fyrri hálfleikur var tíðindalítill og lokaður. Bæði lið vörðu markið sitt vel og tóku fáa sénsa. Þegar leið á seinni hálfleikinn fór að færast líf í leikinn og eftir að Afturelding komst yfir varð leikurinn mun opnari. Það setti strik í reikninginn að KR misstu leikmann af velli á 56. mínútu og léku manni færri út leikinn. Bestu leikmenn 1. Hildur Karítas Gunnarsdóttir (Afturelding) Átti frábæran leik og var allt í öllu í sóknarleik Aftureldingar. Braut ísinn fyrir Aftureldingu þegar hún skoraði með geggjuðum skalla eftir hornspyrnu. 2. Sigrún Gunndís Harðardóttir (Afturelding) Fyrirliðinn lagði allt í þennan leik og öskraði liðið sitt áfram. Skallaði alla bolta úr teignum og var örugg í miðri vörninni. Hægt að nefna nokkrar fleiri í liði Aftureldingar, Ísafold og Kristín Þóra mjög flottar og það kom mikill kraftur með innkomu Guðrúnar Elísabetar og Elenu. Rasamee og Guðmunda Brynja stóðu upp í liði KR. Atvikið Þegar Birna Sævarsdóttir leikmaður KR fékk sitt annað gula spjald. Það var markalaust og leikurinn í járnum fram að því en Afturelding gekk á lagið í kjölfarið.

Hvað þýða úrslitin? Afturelding sækir gríðarlega mikilvæg þrjú stig, eru áfram í 9. sæti en eru komnar í 12 stig, stigi frá Þór/KA og öruggu sæti, en Þór/KA á leik til góða. KR eru áfram á botninum með 7 stig og missa Aftureldingu 5 stigum frá sér. Þetta verður erfitt fyrir bæði lið sem þurfa að safna stigum og treysta á önnur úrslit til að halda sér uppi í deild þeirra bestu. Vondur dagur Þetta var hörkuleikur þar sem allt var undir og það er ómögulegt að taka út einhverja sem áttu vondan dag. Klaufalegt samt hjá Birnu að láta reka sig útaf og koma KR í vandræði. Dómarinn - 8.5 Flottur leikur hjá dómaratríóinu. Atli Haukur setti línuna snemma og hélt henni nokkuð vel.

- Meðalaldur 21 ár

- Meðalaldur 20 ár