Það gustaði ágætlega í kvöld og liðin voru í smá brasi með að ná stjórn á boltanum. Það voru svo KR sem nýttu færin og þar við sat. Stöngin út fyrir Blika en gríðarlega sterkur sigur hjá KR.

Flugeldasýning, heiðursvörður og Blikafánar flögrandi um í upphafi leiks þegar nýkringdir Íslandsmeistarar Breiðabliks gengu út á völl.

Má færa rök fyrir að þetta hafi verið þýðingarlítill leikur fyrir bæði lið. Breiðablik þegar orðnir Íslandsmeistarar og KR geta mest náð 4.sæti sem gefur félaginu afskaplega lítið. KR er fyrsta liðið til þess að sigra Blika á útivelli síðan þeir sjálfir gerðu það í fyrstu umferð á síðasta tímabili.

Það var enginn sem bar sérstaklega af í dag og að sama skapi þá var enginn sem á endilega skilið sæti hérna. Sóknarleikur Blika átti slæman dag.

Það voru nokkur atriði í leiknum sem hægt var að setja spurningarmerki við. Flestir vafadómar féllu með KR í kvöld.