Sæbjörn Þór Þórbergsson Steinke @saebjornth

Textalýsing Skýrslan

Hvað réði úrslitum? Vítaspyrna í uppbótartíma. Staðan var jöfn og nokkuð sanngjarnt fannst mér þegar ÍBV fékk víti í uppbótartíma. Eiður Aron skoraði og það réði úrslitum. Meira um það hér að neðan. Bestu leikmenn 1. Felix Örn Friðriksson Frábær sem vinstri vængbakvörður í dag, upp og niður kantinn allan leikinn. Fyrirgjöfin í fyrra markinu algjört konfekt. 2. Sverrir Páll Hjaltested Erfitt val, Höskuldur, Elvis og Eiður koma allir upp í hugann. Sverrir með tvö ,,assist" í dag í 2-1 sigri. Það er vigt í því ofan á öll hlaupin fremst. Atvikið Vítaspyrnudómurinn í lokin. Viktor Örn rennir sér og kemst fyrir fyrirgjöf frá Sverri. Vítaspyrna er dæmd. Virkaði við fyrstu sýn eins og hendi, hendurnar á Viktori fara upp í loftið. Í endursýningu er ómögulegt að meta þetta og Viktor fullyrðir í viðtali að boltinn fór ekki í höndina.

Hvað þýða úrslitin? Fyrstu stig ÍBV komin á töfluna og Íslandsmeistararnir hafa tapað tveimur af fyrstu þremur deildarleikjum sínum. Vondur dagur Patrik Johannessen var ekki mikill hluti af spili Breiðabliks í leiknum, Jason Daði virðist enn eiga smá í land og vallaraðstæður hjálpuðu honum alls ekki. Svo er mjög vont að fá á sig vítaspyrnu í uppbótartíma, sérstaklega ef það er rangur dómur. Dómarinn - 3,5 Eftir að hafa heyrt þau rök að Jóhann hafi metið að boltinn hafi farið af andliti Viktors og þaðan í höndina er ég viss um að dómurinn sé rangur og þá sé verið að dæma út frá líkum. Ofan á það var línan skrítin í leiknum, ekkert hræðileg en skrítin, spjaldað fyrir sumt en álíka brotum sleppt.