Sölvi Haraldsson @Breiiiiiiiiiii

- Meðalaldur 7 ár

- Meðalaldur 23 ár

Textalýsing Skýrslan Viðtöl

Hvað réði úrslitum? Það var mjög mikið. Í stöðunni 3-1 benti ekkert til þess að Þróttarar væru að fara að skora og hvað þá tvö en allt getur gerst í fótbolta. Ég ætla að segja samt sem áður að skiptingarnar hans Ian Jeffs hafi ráðið úrslitum. Hann setur t.a.m. Ágús Karel og Stefán inn á sem búa til jöfnunarmarkið í blálokin. Hann breytti líka um leikkerfi þegar það voru 10 mínútur eftir. Þá fór hann í þriggja hafsenta kerfi sem Fjölnismenn réðu illa við. Bestu leikmenn 1. Sigurvin Reynisson Finnst þetta mjög erfitt val. Hann spilaði vissulega ekki allan leikinn en var allt í öllu á miðsvæðinu hjá Fjölni og átti stórkostlega frammistöðu. Mér fannst takturinn hjá Fjölnisliðinu fara þegar hann þurfti að fara útaf en þá var einmitt staðan 3-1 fyrir Fjölni. 2. Júlíus Mar Júlíusson Hef sjaldan séð jafn skemtilegan hafsent og Júlíus. Hann skoraði auðvitað annað mark Fjölnis og var geggjaður á boltanum og án hans. Hann er auðvitað hafsent í liði sem fær á sig 3 mörk en það er erfitt að setja þessi mörk á hann. Hann getur verið stoltur af frammistöðu sinni í kvöld. Atvikið Annað mark Þróttara. Eftir að Hinrik setur boltann í autt markið frá miðju fengu Þróttarar auka gír og nýttu sér hann heldur betur. Það benti ekkert til þess að Þróttarar væru að fara að skora í stöðunni 3-1 en fá þetta annað mark gefins og þá opnuðust flóðgáttirnar heldur betur.

Hvað þýða úrslitin? Fjölnir fara á toppinn í kvöld en verða þar ekki lengi þar sem umferðin er ekki búinn. Einnig eru Þróttarar komnir á blað en þeir fara upp í níunda sætið eftir leikinn í kvöld. Vondur dagur Sigurjón Daði. Fyrsta markið kemur beint úr horni og auðvitað er það erfitt að verja svona spyrnu en maður gerir þær kröfur á markmanninn sinn að taka svona bolta. Hann átti líka annað markið þar sem hann fór í skógarhlaup til þess að hreinsa boltann í burtu en hreinsuninn var bara alls ekki góð. Síðan sá ég ekki alveg nógu vel hvernig skallinn hans Ágústar í lokin fór á markið en við fyrstu sín hefði hann átt að gera betur þar líka. Sigurjón er geggjaður markmaður en hann var bara óheppinn í kvöld og átti vondan dag. Dómarinn - 5 Ég er sammála Úlla í viðtali eftir leikinn þar sem hann fer yfir það hversu óskýr línan er hjá Vilhjálmi þegar það kemur að gulum spjöldum. Síðan hefði hann átt að vera búinn að flauta leikinn af áður en Þróttarar jafna en var bara fínn annars. Fær létta fimmu.

- Meðalaldur 6 ár

- Meðalaldur 27 ár