Selfyssingar lokuðu vel á Leiknismenn. Þeir voru hættulegir í skyndisóknum og nýttu færin mun betur. Leiknir R. komust aftur og aftur í ágætis stöður í seinni hálfleik en það vantaði oft uppá lokasendinguna.

Fyrsta mark Selfoss var ansi skrautlegt. Jón Vignir tekur aukaspyrnu langt fyrir utan teig og ætlar að koma með fyrirgjöf. Vindurinn hélt þó ekki og fleytti boltanum yfir pakkann og yfir Viktor Frey markmann Leiknis í leiðinni og endaði boltinn í netinu.

Fyrstu stig Selfyssinga komin í hús og eiga þeir erfiðan leik í næstu umferð gegn Fjölni. Leiknir R. halda í sín 3 stig sem þeir unnu fyrir í 1. umferð gegn Þrótti.

Viktor Freyr stóð sig heilt yfir ágætlega í marki Leiknis en gerir dýr mistök í fyrsta marki gestanna og kom Selfyssingum á bragðið.

Nokkrir furðulegir dómar hér og þar en ekkert stórvægilegt.