Sverrir Örn Einarsson @SEinarsson

- Meðalaldur 25 ár

Textalýsing Skýrslan Viðtöl

Hvað réði úrslitum? Hvað skal segja um það er heila málið. Voru það vallaraðstæður sem gerðu liðunum erfitt fyrir að spila árángursríkan fótbolta? Nei varla þar sem leikmenn á Íslandi eru flestir vanir allskonar aðstæðum þó þær hafi vissulega áhrif. Heilt yfir hugsa ég að taktík þjálfara hafi ráðið þar mestu, þar sem þeir náðu að núlla flestar ógnir hvors liðs fyrir sig nokkuð vel út. Fyrir vikið var leikurinn lokaður og hægur og þvi fór sem fór. Bestu leikmenn 1. Arnar Þór Helgason Fannst hann vinna svona þúsund einvígi á vellinum í dag hvort heldur sem er í loftinu eða á grasinu. Hefði alveg geta pikkað einhvern annan út en miðvörður er augljósa valið eftir svona 0-0 leik. 2. Bjarki Aðalsteinsson Gæti gert copy/paste á textann hér fyrir ofan og sagt það sama orð fyrir orð. Bjarki var solid til baka og gerði flest sitt mjög vel í kvöld. Atvikið Grótta fékk besta færi leiksins þegar þeir sleppa tveir gegn Aroni í marki Grindavíkur. Aron gerði þó vel þar og mætti vel út á móti og lokaði markinu og varði. Mark þar og mögulega hefðu leikar farið að æsast en svo varð þó ekki.

Hvað þýða úrslitin? Grindavík fer í fjögur stig en Grótta tvö og sitja í öðru og áttunda sæti deildarinnar. Engu við það að bæta. Vondur dagur Mig langar að biðja fólk um að hunsa algjörlega þá staðreynd að reiturinn beri heitið vondur dagur. Get ekki sakað neinn um að vera slakur eða eitthvað sérstaklega óheppinn í dag. Ætla frekar að nýta þennan reit til að hrósa Stinningskalda stuðningsmannasveit Grindavíkur sem sá alfarið um stuðið á vellinum í kvöld. Syngjandi og trallandi leikinn út í gegn. Stemmingin hefur ekki oft verið svona góð á vellinum í Grindavík svo ég muni ansi lengi og mikið gleðiefni fyrir félagið ef það er að breytast. Dómarinn - 7 Fór lítið fyrir honum að mínu mati í dag. Slatti af gulum spjöldum en ég held að ekki nokkur maður geti kvartað yfir þeim svona í fljótu bragði. Fínn leikur hjá Jóhanni.

- Meðalaldur 4 ár