HK leyfðu Breiðablik að vera með boltann en gáfu mjög fá færi á sér og vörðust frábærlega og áttu svo frábærar skyndisóknir og sóknarlotur sem þeir nýttu. Aðdáunarvert að sjá þennan karakter og vilja í vörn HK í þessum leik.

Fjórða mark HK og rothöggið fyrir Blika. Breiðablik minnkar muninn og virðast vera með momentið en HK svarar markinu þeirra strax í næstu sókn nánast og drepa mómentið algjörlega fyrir Blikum.

HK styrkir stöðu sína í 6.sætinu og færist nær FH sem sitja í 4.sætinu. Breiðablik eru að dragast aftur úr og hafa núna ekki unnið leik í deildinni í heilan mánuð en sitja þrátt fyrir það áfram í 3.sæti deildarinna en gætu misst Víkinga 10 stigum frá sér þegar uppi er staðið í þessari umferð.

Hafsentapar Breiðabliks átti ekkert spes dag. Í tvígang var skorað með því að krossa bolta í svæðið á milli þeirra. Viktor Örn átti svo hræðilega hreinsun sem fór af Alexander Helga og til Arnþórs Ara sem skoraði svo þeir hafa átt betri daga.

Var mjög góður í þessum leik. Fjölmörg spjöld fóru á loft en enginn rekinn útaf svo það er alltaf kostur. Enginn ákvörðun sem ég man eftir í fljótu sem var augljóslega röng.