Breiðablik voru einfaldlega bara betra liðið á öllum sviðum leiksins í kvöld. Komust snemma yfir sem gaf þeim andrými til þess að spila bara sinn leik án nokkurar pressu og sigla þessu þægilega heim.

Þriðja markið var einkar glæsilegt. Flott vinnsla í Hafrúni Rakel sem kom sér svo í flott skotfæri og lét vaða sem fór af bakinu á Öglu Maríu sem var að reyna beygja sig undir skotið og boltinn skoppaði þaðan í slánna og inn.

Breiðablik heldur toppsætinu og Tindastóll er enn stigi frá fallsæti.

Murielle Tiernan var afskaplega einmanna í framlínu Tindastóls. Í þau fáu skipti sem eitthvað mögulega gat gerst þá var hún ein á móti öllum aftast en það er svo sem ekki mikið við hana að sakast þar. Tindastóll virkaði bara númeri of lítið í þessum leik.

Frábærlega dæmt. Enginn vafamál eða neitt sem hægt er að setja út á.