Breiðablik var mikið með boltann og þetta var þolinmæðisverk fyrir þær, en að ná inn marki rétt fyrir hálfleikinn skipti rosalega miklu máli. Það hafði mikil áhrif á það hvernig þessi leikur endaði. Fylkir hafði varist vel fram að því en að ná inn þessu marki var dýrmætt fyrir Blika. Þær sigldu þessu svo heim í seinni hálfleiknum þrátt fyrir að Fylkir hafi fengið ágætis færi inn á milli.

Fyrra markið sem Breiðablik skorar hafði mikil áhrif á úrslit leiksins. Laglegt mark sem kom á besta tíma fyrir Breiðablik og á versta tíma fyrir heimakonur í Fylki. Svo skipti vítaspyrnudómurinn miklu máli.

Breiðablik er á toppnum með fullt hús stiga, rétt eins og Valur. Þessi lið mætast á Kópavogsvelli 24. maí. Föstudagskvöld 'under the lights'. Þetta verður eitthvað rosalegt og ég hvet fólk til að mæta á völlinn. Þetta verður popp og kók leikur. Fylkir er með fimm stig eftir fimm leiki en þær eru fjórum stigum fyrir ofan fallsvæðið.

Vigdís Lilja Kristjánsdóttir, fyrsti leikurinn sem hún skorar ekki í þetta sumarið. Nei, djók, Vigdís var góð í þessum leik þó hún hafi ekki skorað. Það gekk illa hjá Fylkisliðinu að halda í boltann og sendingarhlutfallið hjá þeim er eflaust ekki gott og það er klárlega eitthvað sem þær þurfa að laga. Tinna Harðardóttir og Kayla Bruster þurftu að fara snemma af velli meiddar og var þetta ekki góður dagur fyrir þær. Svo skrái ég þetta líka á Halldór Steinsson, liðsstjóra Fylkis, sem fékk sitt annað rauða spjald í sumar. Hann þarf aðeins að róa sig.

Mér fannst ÞÞÞ og hans teymi heilt yfir dæma leikinn vel en vítaspyrnudómurinn var vafasamur. Undirritaður var ekki sérlega sammála. Hann kom líka úr hornspyrnu sem leit ekki út eins og hornspyrna. Dreginn niður fyrir það. Var samt með ágætis tök á leiknum heilt yfir, en þetta var stórt atvik.