HK-ingar byrjuðu leikinn mun betur, eftir því sem leið á leikinn tóku Valsarar völdin og stýrðu leiknum. Gæðin í liði Vals létu HK-inga elta á tímum og þreyttu þá. Í fyrri hálfleik fengu bæði lið góð færi sem hefði mátt nýta betur. Gæðin komu svo í ljós í seinni hálfleik hjá Völsurum og unnu þeir sanngjarnan sigur að lokum.

Mark Arnþórs Ara var kostulegt, Frederik Schram á skelfilegan bolta utarlega úr teignum sem fer beint á kollinn á Arnþóri sem var vel fyrir utan teig Arnþór náði að stýra boltanum í mitt markið.

Valsarar komu sér í 3. sæti deildarinnar aðeins stigi á eftir Breiðablik en fjórum stigum frá Víkingum sem sitja á toppi deildarinnar. HK-ingar sitja í 9. sæti og eiga Fylki í næsta leik, með sigri þar geta þeir slitið sig frá neðstu sætunum.

Frederik Schram átti lélega sendingu sem Arnþór Ari skallaði inn, en kom ekki að sök fyrst Valur vann leikinn. Annars enginn sem kemur sterklega til greina.

Arnar Þór og félagar létu leikinn fljóta vel, ég er hrifinn af þannig dómgæslu, engir stórir dómar sem fóru á rangan veg bara flott dagsverk hjá tríóinu.