Elvar Geir Magnússon @elvargeir

Textalýsing Skýrslan

Hvað réði úrslitum? Það var ekkert að frétta sóknarlega hjá liðunum í kvöld og lítið sem ekkert um opin færi. Sköpunarmátturinn var enginn, allt fuðraði upp þegar nálgaðist teigana og leikurinn var hreinlega skelfilega leiðinlegur frá upphafi til enda. Bestu leikmenn 1. Ragnar Bragi Sveinsson - Fylkir Fékk á sig kjánalegt spjald í upphafi leiks en sýndi mikla skynsemi það sem eftir lifði, án þess að það bitnaði nokkuð á baráttu hans og vinnusemi. 2. Haraldur Einar Ásgrímsson - Fram Átti flottar rispur sóknarlega og var öruggur varnarlega. Atvikið Daði Ólafsson mætti aftur til leiks eftir eins og hálfs árs fjarveru eftir krossbandaslit og mikla þrautagöngu. Afskaplega gaman að sjá hann koma inn af Fylkisbekknum á 80. mínútu.

Hvað þýða úrslitin? Stig á töfluna en hreinlega átti hvorugt liðið skilið að fá nokkuð úr þessum leik. 0 stig á lið hefði verið sanngjarnt. En Fylkismenn fá stig í baráttunni gegn falldraugnum og Framarar nálgast það markmið að ná að enda í efri hlutanum fyrir skiptingu. Vondur dagur Vondur dagur fyrir fótboltann. Vondur dagur fyrir sóknarleik. Vondur dagur fyrir þá áhorfendur sem horfðu á þennan leik. Dómarinn - 8,5 Vilhjálmur Alvar flottur með flautuna að vanda.