Schenkervöllurinn
laugardagur 06. júlí 2013  kl. 14:00
1.deild karla
Aðstæður: Töluverður vindur á annað markið
Dómari: Sigurður Óli Þorleifsson
Haukar 4 - 3 BÍ/Bolungarvík
1-0 Hilmar Rafn Emilsson ('13)
Nigel Francis Quashie, BÍ/Bolungarvík ('28)
1-1 Hafsteinn Rúnar Helgason ('55)
1-2 Andri Rúnar Bjarnason ('59)
1-3 Alexander Veigar Þórarinsson ('70)
2-3 Brynjar Benediktsson ('73)
3-3 Hilmar Rafn Emilsson ('79)
4-3 Andri Steinn Birgisson ('93)
Byrjunarlið:
1. Sigmar Ingi Sigurðarson (m)
0. Hafþór Þrastarson
0. Hilmar Rafn Emilsson
0. Hilmar Trausti Arnarsson
0. Ásgeir Þór Ingólfsson
10. Hilmar Geir Eiðsson ('71)
19. Brynjar Benediktsson
23. Guðmundur Sævarsson
30. Andri Steinn Birgisson

Varamenn:
1. Magnús Þór Gunnarsson (m)
2. Helgi Valur Pálsson
5. Alexander Freyr Sindrason
7. Björgvin Stefánsson ('71)
7. Sigurbjörn Hreiðarsson ('67)
11. Magnús Páll Gunnarsson
17. Gunnlaugur F. Guðmundsson

Liðstjórn:

Gul spjöld:

Rauð spjöld:
@ Jón Stefán Jónsson
Sjö mörk og rautt spjald í dramtískum sigri Hauka
Það voru ekki frábærar aðstæðurnar sem Haukar og BÍ/Bolungarvík þurftu að spila við í dag en þrátt fyrir sterkan vind og rigningaskúrir af og til tókst liðunum að búa til mikla skemmtun fyrir áhorfendur í leik sem endaði á dramatískan hátt.

Gestirnir voru sterkari fyrstu mínúturnar og var það því nokkuð gegn gangi leiksins þegar Hilmar Rafn Emilsson skoraði fyrsta mark leiksins á 13. mínútu með skoti úr miðjum vítateignum.
Meira var ekki skorað í fyrri hálfleik en gestirnir urðu manni færri þegar Nigel Quashie lét reka sig útaf með rautt spjald fyrir að gefa Ásgeiri Þór Ingólfssyni olnbogaskot. Undirritaður sá ekki atvikið vel en miðað við viðbrögð manna á vellinum í báðum liðum var um réttan dóm að ræða.

Seinni hálfleikur var mjög fjörugur svo vægt sé til orða tekið. Gestirnir í BÍ/Bolungarvík gerðu það sem heimamenn gerðu ekki í fyrri hálfleik og nýttu sér vindinn til fullnustu. Fyrst jafnaði Hafsteinn Rúnar Helgason á 55. mínútu með skoti/fyrirgjöf utan að kanti sem datt í fjærhornið á markinu.

Andri Rúnar Bjarnason skoraði svo eitt af mörkum ársins á Íslandi á 59. mínútu með skoti frá miðju sem hafnaði í markinu, virkilega gott mark sem erfitt er að lýsa nánar.

Loks kom Alexander Veigar Þórarinsson gestunum í 3-1 með skoti úr teignum eftir að varnarmönnum Hauka mistókst að hreinsa almennilega frá markinu. Þetta mark kom á 70. mínútu.

Fáa hefði eflaust grunað að Haukar gætu unnið leikinn á þessum tímapunkti, þrátt fyrir að þeir væru manni fleiri, því fram til þessa hafði vindurinn spilað mikla rullu í leiknum og Haukarnir léku gegn honum í síðari hálfleik.

Ólafur Jóhannesson þjálfari Hauka, gerði hins vegar gríðarlega góðar breytingar á sínu liði á 67. mínútu er hann setti Sigurbjörn Hreiðarsson inná og svo stuttu síðar er hann setti Björgvin Stefánsson inn á. Þessi tveir áttu eftir að breyta miklu fyrir Haukaliðið.

Allt í einu fór Haukaliðið að ógna mun meir og boltinn gekk mun hraðar milli manna og árangurinn lét ekki á sér standa. Fyrst minnkaði Brynjar Benediktsson muninn á 73. mínútu eftir góðan undirbúning Andra Steins Birgissonar.

Hilmar Rafn Emilsson jafnaði svo á 79. mínútu eftir hornspyrnu og Andri Steinn Birgisson tryggði svo Haukum hádramatískan sigur með marki á 93. mínútu er hann fékk boltann utarlega hægra megin á vellinum, lék inn að teig og nelgdi boltanum markið. Glæsilegt mark sem heimamenn fögnuðu vel og lengi, einungis órfáum sekúndum síðar var svo flautað til leiksloka.
Byrjunarlið:
12. Bjarki Pétursson (m)
4. Hafsteinn Rúnar Helgason
5. Michael Abnett
5. Loic Mbang Ondo
6. Nigel Francis Quashie
6. Gunnar Már Elíasson
7. Sigurgeir Sveinn Gíslason
9. Andri Rúnar Bjarnason ('80)
10. Alexander Veigar Þórarinsson
19. Ben J. Everson
21. Dennis Nielsen

Varamenn:
1. Alejandro Munoz (m)
2. Axel Sveinsson
9. Ólafur Atli Einarsson
11. Max Touloute
15. Nikulás Jónsson
18. Matthías Kroknes Jóhannsson ('80)

Liðstjórn:

Gul spjöld:
Gunnar Már Elíasson ('49)

Rauð spjöld:
Nigel Francis Quashie ('28)