Fótbolti.net

Leik lokið!

Þorvaldur Árna flautar síðan leikinn af. Þriðja tap Blika í deildinni staðreynd en Stjarnan með 7 stig eftir þrjá leiki. Þetta var þvílík skemmtun hér á Kópavogsvelli en hvernig Blikar ná sér upp úr þessari byrjun verður fróðlegt að fylgjast með.

Eyða Breyta

90. mín

MARK!

Hilmar Árni Halldórsson (Stjarnan)
Stoðsending: Baldur Sigurðsson

HILMAR ÁRNI GULLTRYGGIR ÞETTA!!! Baldur Sigurðsson fleygði sér í boltann, tæklaði hann á Hilmar sem var einn gegn Gulla og hann kláraði þetta örugglega í hægra hornið.

Eyða Breyta

90. mín

EYJÓLFUR HÉÐINS MEÐ HÖRKUSKOT!! Gunnleifur ver aftur. Hörkuvörslur frá honum.

Eyða Breyta

90. mín

Guðjón með hörkuskot eftir skyndisókn en Gunnleifur ver þetta!!!

Eyða Breyta

89. mín

Hilmar Árni með skot sem fer beint á Gunnleif. Hann handsamar þennan örugglega og kemur honum í leik.

Eyða Breyta

86. mín

Blikar farnir að sækja af krafti. Varamennirnir búnir að eiga fína innkomu í þennan leik til þessa.

Eyða Breyta

85. mín

EFETE Í DAUÐAFÆRI!! Blikar tóku stutt horn, þaðan kom fyrirgjöfin á fjærstöng en Efete stangaði boltann rétt framhjá. Gullið tækifæri til að jafna leikinn!

Eyða Breyta

81. mín

Inn:Ernir Bjarnason (Breiðablik) Út:Gísli Eyjólfsson (Breiðablik)

Gísli farinn af velli.

Eyða Breyta

79. mín

Gísli Eyjólfsson farinn að haltra. Blikar eiga eina skiptingu inni. Það er spurning hvort hann þurfi að fara af velli.

Eyða Breyta

77. mín

Það eru 1392 áhorfendur á Kópavogsvelli í kvöld. Fínasta mæting!

Eyða Breyta

76. mín

Fáum við dramatískar lokamínútur hér í Kópavogi? Það væri gaman að sjá fleiri mörk alla vega.

Eyða Breyta

72. mín

MARK!

Aron Bjarnason (Breiðablik)
Stoðsending: Martin Lund Pedersen

ÞETTA TÓK EKKI LANGAN TÍMA!!! Aron Bjarnason skorar af stuttu færi úr teignum eftir sendingu frá Martin Lund Pedersen. Það var Arnþór Ari sem sendi hann út hægra megin á Martin Lund og Aron gat svo ekki annað en skorað.

Eyða Breyta

71. mín

Inn:Aron Bjarnason (Breiðablik) Út:Hrvoje Tokic (Breiðablik)

Tokic kominn af velli. Hann hefur ekki enn náð að stimpla sig inn.

Eyða Breyta

71. mín

Inn:Sólon Breki Leifsson (Breiðablik) Út:Viktor Örn Margeirsson (Breiðablik)

Eyða Breyta

70. mín

Inn:Heiðar Ægisson (Stjarnan) Út:Hólmbert Aron Friðjónsson (Stjarnan)

Eyða Breyta

70. mín

GUÐJÓN Í DAUÐAFÆRI!!! Hann var kominn vinstra megin í teiginn en skot hans fór rétt framhjá markinu hægra megin.

Eyða Breyta

68. mín

Guðjón var þarna í ágætu færi í teignum en hitti ekki markið. Hann haltrar aðeins, þá virðist Hólmbert vera örlítið tæpur. Rúnar gæti farið að íhuga skiptingar bráðlega.

Eyða Breyta

67. mín

Davíð dælir fyrirgjöfum fyrir markið en þar er enginn til að nýta þetta.

Eyða Breyta

67. mín

Gísli Eyjólfsson steig þarna á hælinn á Alex eftir að dómarinn dæmdi aukaspyrnu þarna á Eyjólf Héðinsson sýndist mér. Alex búinn að fá að finna svolítið fyrir því í dag. Dómarinn tók hins vegar ekki eftir þessu.

Eyða Breyta

62. mín

MARK!

Guðjón Baldvinsson (Stjarnan)
Stoðsending: Hólmbert Aron Friðjónsson

HÓLMBERT ARON KLÚÐRAÐI VÍTINU EN GUÐJÓN FYLGIR Á EFTIR!!! Gunnleifur varði vítaspyrnuna en Guðjón var fljótur að átta sig og skaut boltanum í vinstra hornið.

Eyða Breyta

61. mín

Gult spjald: Michee Efete (Breiðablik)

Fékk spjald í kjölfar vítaspyrnudómsins.

Eyða Breyta

61. mín

VÍTASPYRNA!!!! Guðjón nær skoti í höndina á Efete og það er dæmd vítaspyrna. Mér sýndist þetta vera hárréttur dómur.

Eyða Breyta

60. mín

Gult spjald: Guðjón Baldvinsson (Stjarnan)

Guðjón fær gult spjald fyrir brot á Efete. Þeir eru búnir að vera berjast allan leikinn.

Eyða Breyta

58. mín

Blikar virðast ekki vera í vandræðum með að halda bolta oft á köflum en þeir vita þó almennilega ekki hvað þeir eiga að gera við hann. Mikið af feilsendingum á síðasta þriðjungnum.

Eyða Breyta

57. mín

MARK!

Brynjar Gauti Guðjónsson (Stjarnan)
Stoðsending: Jósef Kristinn Jósefsson

ÞAÐ ER KOMIÐ MARK!!! Jósef með frábæra fyrirgjöf inn í teig, þar er Brynjar Gauti mættur til að stanga í markið. Davíð Kristján virðist eiga manninn og þetta var alltof auðvelt fyrir Brynjar. Gunnleifur kom engum vörnum við í markinu.

Eyða Breyta

51. mín

Hilmar Árni með aukaspyrnu sem fer yfir markið. Veit ekki hvort hann ætlaði að miða á einhvern í teignum eða hreinlega skjóta.

Eyða Breyta

50. mín

Fínt spil hjá Blikum. Martin Lund fékk boltann fyrir framan teiginn, reyndi stungusendingu inn á Tokic en hann fellur við í teignum. Haraldur náði svo að handsama knöttinn. Ágætis hugsun þarna!

Eyða Breyta

47. mín

Leikurinn stöðvaður. Martin Lund varð fyrir höfuðmeiðslum en stendur fljótlega á fætur eftir hnjaskið.

Eyða Breyta

46. mín

Síðari hálfleikur er kominn af stað. Það eru engar breytingar í hálfleik.

Eyða Breyta

45. mín

Hálfleikur

Það er kominn hálfleikur hér á Kópavogsvelli. Stjörnumenn hafa fengið fleiri færi og gert sig líklega á meðan Blikarnir eru kannski að ógna töluvert minna. Áhyggjur Blika er enn sóknarleikurinn þar sem fremstu þrír hafa verið heldur slappir.

Eyða Breyta

45. mín

Arnþór Ari fór í hættulega tæklingu á Alex. Daníel Laxdal ósáttur með Arnþór þarna fyrir að segja Alex að koma sér á lappir. Það er þó búið að róa þetta niður núna og allir vinir.

Eyða Breyta

44. mín

Jóhann Laxdal með fyrirgjöf sem fór af Martin Lund. Gunnleifur þurfti að blaka hann yfir.

Eyða Breyta

38. mín

ÞETTA VAR MÖGULEIKI FYRIR BLIKA!!! Tokic flikkar bolta á hægri vænginn þar sem Höskuldur er að sleppa í gegn. Hann reynir sendingu fyrir markið en boltinn fer af varnarmanni og aftur fyrir í hornspyrnu.

Eyða Breyta

37. mín

Arnþór Ari reynir skot af löngu færi en boltinn fer vel yfir markið. Fyrsta marktilraun þeirra í dag.

Eyða Breyta

31. mín

Tokic búinn að vera arfaslakur í fyrri hálfleik. Klikka á einföldum sendingum og virðist ekki vera að staðsetja sig nógu vel.

Eyða Breyta

28. mín

Efete virðist slá Guðjón þegar hann var kominn á ferðina. Hvort þetta var óviljaverk eða ekki er erfitt að segja til um. Hann er að reyna að henda honum frá sér en fer í andlitið á honum.

Eyða Breyta

24. mín

Viktor Örn með fasta tæklingu á Alex Þór Hauksson. Engin aukaspyrna dæmd, innkast sem Breiðablik á.

Eyða Breyta

21. mín

DAUÐAFÆRI!!! Baldur Sigurðsson með fyrirgjöf á Guðjón sem nær að komast í boltann en skotið rétt framhjá. Stjörnumenn grátlega nálægt marki þarna!

Eyða Breyta

19. mín

Þegar Blikar fá hornspyrnu þá virðist markmiðið vera að hitta á kollinn á Efete. Hann er gríðarlega öflugur inn í teignum.

Eyða Breyta

19. mín

HÓLMBERT ARON!!! Ágætis tilraun þarna með hægri fæti en boltinn fer rétt yfir markið! Hann komst hægra megin í teiginn eftir gott samspil.

Eyða Breyta

18. mín

Það er líf í Blikum!! Tokic var kominn í ágæta stöðu eftir fyrirgjöf en rétt missti af færinu. Blikar eiga hornspyrnu núna.

Eyða Breyta

17. mín

Andri Rafn Yeoman að skóla menn á hægri vængnum, klobbaði Eyjólf og keyrði í átt að teignum en missti boltann aftur fyrir endamörk.

Eyða Breyta

16. mín

Hrvoje Tokic liggur eftir á vellinum. Lenti í samstuði vinstra megin á vængnum.

Eyða Breyta

12. mín

Daníel Laxdal öflugur þarna aftast. Arnþór Ari var kominn á ferðina og reyndi að finna Martin Lund í teignum en Daníel var mættur til að koma boltanum í horn.

Eyða Breyta

7. mín

ÖNNUR HÆTTULEG HORNSPYRNA!! Stjörnumenn nálægt því að komast yfir eftir vandræðagang í teignum. Gulli nær ekki að stýra þessu frá áður en Brynjar Gauti skallar svo yfir markið. Stjörnumenn hættulegir í föstu leikatriðunum.

Eyða Breyta

7. mín

Var þetta ekki hendi?? Daníel Laxdal skallar boltann að marki en Höskuldur fær hann í höndina á sér og aftur fyrir endamörk.

Eyða Breyta

3. mín

Gunnleifur sendir á Efete sem er við vítateiginn. Gulli er lengi að koma boltanum frá sér og sýndist Guðjón komast fyrir sendinguna. Þetta var full hættulegt.

Eyða Breyta

1. mín

Uppstilling Blika 4-2-3-1:
Gunnleifur
Viktor - Efete - Damir - Davíð
Gísli - Andri
Höskuldur - Arnþór - Martin Lund
Tokic

Eyða Breyta

1. mín

Leikur hafinn

Þetta er byrjað á Kópavogsvelli!

Eyða Breyta

Fyrir leik

Uppstilling Stjörnunnar 4-2-3-1:

Halli
Jóhann - Brynjar - Daníel - Jósef
Eyjólfur - Alex
Hólmbert - Baldur - Hilmar
Guðjón

Eyða Breyta

Fyrir leik

Höskuldur Gunnlaugsson að spila sinn 100. leik fyrir Blika. Hann fær viðurkenningu fyrir það, blómvöndur og með því.

Eyða Breyta

Fyrir leik

Liðin eru að ganga út á völlinn. Það er stutt í leik. Fögnum því að sjálfsögðu!

Eyða Breyta

Fyrir leik

Fjölmiðlaspá:

Andri Yrkill, Morgunblaðinu: 2-2.
Kristinn Teitsson, Vísir.is: 3-1 fyrir Stjörnunni. Free flowing football segir maðurinn.

Ég spái þessu 2-0 Stjarnan. Hólmbert og G. Baldvins. Hilmar Árni leggur pottþétt eitthvað upp í dag.

Eyða Breyta

Fyrir leik

Rögnvaldur Ágúst Ragnarsson, betur þekktur sem Röggarinn, er hluti af Silfurskeiðinni, stuðningsmannaliði Stjörnunnar. Hann spáir nokkuð þægilegum Stjörnusigri. Það er 3-1 fyrir gestina þar sem Hólmbert skorar. Hann býst þó við dýrvitlausum Blikum í kvöld!

Eyða Breyta

Fyrir leik

Óvænt að Hólmbert Aron er í byrjunarliðinu hjá Stjörnunni. Búist var við að hann myndi alla vega missa af 1-2 leikjum en hann er mættur og klár í slaginn. Hann hefur byrjað gríðarlega vel og vill fylgja því eftir hér í dag.

Eyða Breyta

Fyrir leik

Michee Efete, Viktor Örn Margeirsson og Damir Muminovic byrja allir. Viktor Örn verður í hægri bakverði fyrir Guðmund Friðriksson sem er veikur. Oliver er enn meiddur.

Eyða Breyta

Fyrir leik

Jæja, þá er maður mættur á Kópavogsvöllinn. Hann er í frábæru standi og það kemur lítið á óvart kannski. Það er að dropa aðeins á höfuðborgarsvæðinu og það býður bara upp á tæklingar og skemmtilegri leik. Það er smá vindur en ekkert sem á að trufla gæði leiksins!

Eyða Breyta

Fyrir leik

Það allra nýjasta úr þjálfaramálunum hjá Blikunum er það að Sigurður Víðisson, sem hefur gegnt hlutverki aðstoðarþjálfara, mun stýra liðinu gegn Stjörnunni. Hann furðaði sig á því hvers vegna öllu teyminu hafi ekki verið sagt upp störfum en það kom fram í viðtali hér á Fótbolta.net.

Eyða Breyta

Fyrir leik

Það er mikill rígur milli þessara félaga síðustu ár en það muna kannski einhverjir eftir því er Ólafur Karl Finsen, leikmaður Stjörnunnar, stalst inn í klefann hjá Blikunum og tók þar skó sem Gunnleifur Gunnleifsson, markvörður Blika, átti og tók það upp á myndband. Hægt er að lesa meira um það atvik með því að smella á tengilinn hér fyrir neðan.

Óli Kalli sektar Blika og stelur skónum hans Gulla

Eyða Breyta

Fyrir leik

Liðin gerðu þá markalaust jafntefli núna á undirbúningstímabilinu í Lengjubikarnum en þar fékk Aron Kári Aðalsteinsson að líta rauða spjaldið hjá Blikum eftir aðeins ellefu mínútna leik.

Eyða Breyta

Fyrir leik

Blikar unnu einnig fyrri leikinn á Samsung-vellinum og lauk honum 3-1 Blikum í vil. Mörkin komu öll á síðustu tuttugu mínútum leiksins en Daniel Bamberg skoraði á 72. mínútu, Atli Sigurjónsson á 80. mínútu áður en Arnar Már Björgvinsson minnkaði muninn tveimur mínútum síðar. Arnþór Ari lokaði svo dæminu undir lokin.

Eyða Breyta

Fyrir leik

Það var líf og fjör síðast þegar Breiðablik og Stjarnan mættust en Blikar unnu 2-1 á Kópavogsvelli. Arnþór Ari Atlason kom Blikum yfir á 10. mínútu áður en Halldór Orri Björnsson skoraði nokkrum sekúndum síðar. Dramatíkin náði svo hámarki þegar Höskuldur Gunnlaugsson skoraði sigurmarkið undir lok leiks.

Eyða Breyta

Fyrir leik

Stjarnan hefur ekki tapað mótsleik síðan 11. september er liðið tapaði fyrir Val 2-3. Blikar hafa aftur á móti ekki unnið mótsleik frá því liðið lagði Val að velli 3-0, fjórum dögum eftir að hafa unnið Stjörnuna.

Eyða Breyta

Fyrir leik

Það er nánast ómögulegt að segja til um breytingar hjá Blikum en Oliver gæti komið inn í liðið að nýju. Michee Efete gæti spilað sinn fyrsta leik en miðvörðurinn ungi kom til félagins á láni á dögunum frá Norwich City.

Eyða Breyta

Fyrir leik

Það er ljóst að Hólmbert verður ekki með Stjörnunni í dag og má búast við því að hann verði frá næstu 6 vikur vegna meiðsla. Það var hinn ungi og efnilegi Kristófer Konráðsson sem kom inn í hans stað og gæti hann leyst stöðu hans í dag. Rúnar Páll, þjálfari Stjörnunnar, gæti þó breytt taktíkinni, en það er mjög ósennilegt.

Eyða Breyta

Fyrir leik

Breiðablik var að spila 4-3-3 eða 4-2-3-1 gegn Fjölni í 1-0 tapi. Oliver Sigurjónsson var ekki með liðinu vegna meiðsla. Það verður þó áhugavert að sjá hvernig liðið stillir upp í dag í ljósi þess að Arnar Grétarsson var látinn fara frá félaginu. Hér fyrir neðan er uppstilling Blika gegn Fjölni.

Uppstilling Breiðabliks gegn Fjölni:
Gunnleifur
Guðmundur - Viktor Örn - Damir - Davíð
Andri Rafn - Gísli E.
Höskuldur - Arnþór Ari - Martin Lund
Tokic

Eyða Breyta

Fyrir leik

Stjarnan spilaði 4-2-3-1 í 5-0 sigrinum á ÍBV í síðasta leik en Hólmbert Aron Friðjónsson byrjaði á hægri vængnum. Hann verður ekki með í dag. Hér má sjá uppstillingu liðsins í síðasta leik.

Uppstilling Stjörnunnar gegn ÍBV:
Halli
Jóhann - Brynjar - Daníel - Jósef
Eyjólfur - Alex
Hólmbert - Baldur - Hilmar
Guðjón

Eyða Breyta

Fyrir leik

Góða kvöldið og verið velkomin í beina textalýsingu frá leik Breiðabliks og Stjörnunnar í 3. umferð Pepsi-deildar karla í knattspyrnu. Hér verður fylgst með öllu því helsta sem gerist i leiknum.

Eyða Breyta