ÍA
2
2
Stjarnan
Arnar Már Guðjónsson '2 1-0
1-1 Guðjón Baldvinsson '11
1-2 Hólmbert Aron Friðjónsson '59
Steinar Þorsteinsson '88 2-2
17.09.2017  -  16:00
Norðurálsvöllurinn
Pepsi-deild karla
Aðstæður: Mikill vindur ská á völlinn
Dómari: Þorvaldur Árnason
Maður leiksins: Eyjólfur Héðinsson - Stjarnan
Byrjunarlið:
12. Árni Snær Ólafsson (m)
Arnar Már Guðjónsson
Arnór Snær Guðmundsson
2. Þórður Þorsteinn Þórðarson
8. Albert Hafsteinsson ('90)
10. Steinar Þorsteinsson
14. Ólafur Valur Valdimarsson ('90)
18. Stefán Teitur Þórðarson
20. Gylfi Veigar Gylfason ('77)
24. Viktor Örn Margeirsson
29. Guðmundur Böðvar Guðjónsson

Varamenn:
15. Hafþór Pétursson ('90)
18. Guðfinnur Þór Leósson
18. Rashid Yussuff ('90)
19. Patryk Stefanski
32. Garðar Gunnlaugsson ('77)

Liðsstjórn:
Jón Þór Hauksson (Þ)
Páll Gísli Jónsson
Aron Ýmir Pétursson
Gísli Þór Gíslason
Ármann Smári Björnsson
Guðmundur Sævar Hreiðarsson
Hjalti Rúnar Oddsson
Daníel Þór Heimisson
Sigurður Jónsson

Gul spjöld:

Rauð spjöld:
Leik lokið!
Leikmenn beggja liða liggja svekktir í grasinu. Skiljanlega. Stig gerir lítið fyrir bæði lið.

Skagamenn eru svo gott sem fallnir og Stjarnan er nánast úr leik í baráttunni um Íslandsmeistaratitilinn. Stjarnan er einnig einungis stigi á undan FH sem á leik til góða.
95. mín
Skagamenn komast tveir á móti tveimur. Garðar lætur vaða en skot hans yfir af 30 metrum.
94. mín
Sótt enda á milli í leit að sigurmarki. Varamaðurinn Hafþór Pétursson í góðu færi en hittir ekki boltann fyrir ÍA!
90. mín
Inn:Óttar Bjarni Guðmundsson (Stjarnan) Út:Jósef Kristinn Jósefsson (Stjarnan)
Fullt af skiptingum.
90. mín
Inn:Hafþór Pétursson (ÍA) Út:Albert Hafsteinsson (ÍA)
90. mín
Inn:Rashid Yussuff (ÍA) Út:Ólafur Valur Valdimarsson (ÍA)

90. mín
Inn:Ævar Ingi Jóhannesson (Stjarnan) Út:Hólmbert Aron Friðjónsson (Stjarnan)
Ævar kemur inn fyrir Hólmbert.
90. mín
Sex mínútur í viðbótartíma.
89. mín
Hólmbert liggur illa meiddur á vellinum. Leikmenn eru áhyggjufullir og það er strax kallað á sjúkrabíl sem kemur keyrandi inn á völlinn.

Hólmbert fékk höfuðhögg eftir baráttu við Ólaf Val. Þetta leit mjög illa út. Hólmbert virtist fara að titra og leikmenn voru mjög áhyggjufullir í krignum hann.
88. mín MARK!
Steinar Þorsteinsson (ÍA)
Stoðsending: Stefán Teitur Þórðarson
Skagamenn jafna eftir ótrúlegan darraðadans! Boltinn skoppaði fyrst yfir Jósef Kristinn á teignum. Arnar Már fékk boltann og átti vippu sem Daníel Laxdal bjargaði á línu. Eftir rosalegan barning virtist Steinar ná að skora.
87. mín
Inn:Ólafur Karl Finsen (Stjarnan) Út:Hilmar Árni Halldórsson (Stjarnan)
82. mín
Guðmundur Böðvar reynir skot frá miðju með vindinum en hann hittir ekki á rammann.
81. mín
Hvernig fór þetta ekki inn hjá ÍA? Boltinn tvisvar í slána í sömu sókninni. Þvílíkur darraðadans inni á vítateignum eftir hornspyrnu. Fyrst kom þrumuskot og svo kom skalli slá eftir frákastið. Stjörnumenn bjarga síðan á ævintýralegan hátt. Rosalegt!
80. mín
Frábær tækling! Steinar var að sleppa í gegn en Daníel hljóp hann uppi og bjargaði í horn með magnaðri tæklingu!
77. mín
Inn:Garðar Gunnlaugsson (ÍA) Út:Gylfi Veigar Gylfason (ÍA)
Smá hræringar við þessa breytingu. Garðar fer fram, Steinar á kantinn, Þórður í hægri bakvörð og Viktor sem var hægri bakvörður tekur stöðu Gylfa í hjarta varnarinnar.
73. mín
Engin skipting ennþá. Varamenn beggja liða eru þó byrjaðir að hita upp.
72. mín
Gylfi Veigar sleppur með skrekkinn! Hann á of lausa sendingu til baka á Árna og Guðjón Baldvins kemst á milli. Guðjón potar boltanum framhjá Árna en skotið fer rétt framhjá!
65. mín
Stefán Teitur með skalla framhjá eftir aukaspyrnu. Skagamenn verða að leggja allt í sóknina núna. Þeir eru fallnir eins og staðan er nuna.
63. mín
Steinar Þorsteins með skot en Haraldur ver á nærstönginni. Hornspyrna!
59. mín MARK!
Hólmbert Aron Friðjónsson (Stjarnan)
Stoðsending: Jósef Kristinn Jósefsson
Skyndisókn upp á 10 hjá Stjörnunni! Þórður tók aukaspyrnu á vinstri kantinum fyrir ÍA og boltinn fór aftur fyrir endamörk. Haraldur var fljótur að ná í næsta bolta og sparka út til vinstri á Eyjólf. Eyjólfur sendi boltann beint upp á Hilmar Árna sem tók á rás upp völlinn.

Hilmar sendi boltann síðan til hliðar á Jósef sem gaf fyrir á Hólmbert sem skoraði af stuttu færi. Skagamenn vildu rangstöðu en markið stendur. Ellefta mark Hólmberts á tímabilinu!

Þegar Stjarnan skoraði voru fjórir leikmenn ÍA ennþá á miðlínu eftir aukaspyrnuna. Þetta var svo fljótt að gerast!
58. mín Gult spjald: Brynjar Gauti Guðjónsson (Stjarnan)
Fyrsta spjaldið í dag.
Varamenn Stjörnunnar eru ekki einu sinni byrjaðir að hita. Máni fær ekki ósk sína uppfyllta á næstu mínútum.


55. mín
Stjörnumenn eru öllu öflugri hér í seinni hálfleik. Skagamenn eru með vindinn og þeir eru hættulegir í skyndisóknum.
50. mín
Steinar Þorsteins með þrumuskot af 25 metra færi en yfir markið.
48. mín
Stórhætta upp við mark ÍA! Jóhann Laxdal brýst inn á teiginn og er í færi en varnarmenn komast fyrir. Árni ver síðan skot frá Jósef. Bakverðirnir báðir framarlega´!
47. mín
Guðjón Baldvins með fyrsta skotið í síðari hálfleik en það er hátt yfir.
46. mín
Skagamenn eru með vindinn í bakið núna. Sjáum hvort þeir nái að auka sóknarþunga. Jafntefli sendir þá nánast endanlega niður í í Inkasso-deildina.
46. mín
Í hálfleik fær 2. flokkur kvenna hjá ÍA viðurkenningu fyrir að enda í 2. sæti í B-deild í sumar. Gísli Gíslason frá KSÍ afhendir viðurkenninguna.
45. mín
Hálfleikur
Jafnt í hálfleik. Skagamenn komust yfir í fyrstu sókn sinni en Guðjón Baldvinsson jafnaði fyrir Stjörnuna. Vindurinn hefur verið í bakið á Stjörnunni í fyrri hálfleik en Garðbæingar náðu ekki að bæta við marki þrátt fyrir að vera mun meira með boltann.

Tölfræðin
Skot: ÍA 3 - 16 Stjarnan
Horn: ÍA 0 - 8 Stjarnan
Inn á sóknarþriðjung: ÍA 8 - 50 Stjarnan
45. mín
Váááá! Þvílík skot frá Hilmari Árna af 30 metra færi! Boltanum var rúllað á Hilmar eftir aukaspyrnu og hann lét vaða. Boltinn stefndi upp í bláhornið en Árni varði glæsilega.
42. mín
Guðjón skallar framhjá úr miðjum teignum eftir fyrirgjöf frá Jósef.
40. mín
Hólmbert með skot af 30 metrunum en framhjá. Skagamenn eru að spila fínan varnarleik þessar mínúturnar og Stjarnan er í basli með að skapa alvöru færi.
36. mín
Samkvæmt tölfræði Bet365 hafa Skagamenn komist 5 sinnum á sóknarþriðjung Stjörnunnar í leiknum. Stjarnan hefur hins vegar komist 39 sinnum á sóknarþriðjung ÍA. Saga leiksins!
30. mín
Menn á bekknum hjá ÍA láta í sér heyra eftir tæklingu hjá Stjörnunni. Þorvaldur dómari veitir tiltal á bekknum.

26. mín
Daníel Laxdal lætur vaða af 35 metra færi en rétt yfir.
24. mín
Stórhættuleg skyndisókn hjá ÍA! Albert Hafsteinsson kemst upp vinstra megin gegn fáliðaðri vörn Stjörnunnnar. Hann rennir boltanum til hægri á Þórð sem á þrumuskot fyrir utan teig en boltinn fer í utanverða stöngina!
22. mín
Áfram algjör einstefna hér. Stjarnan með vindinn til að hjálpa sér og Skagamenn fara ekki yfir miðju.
19. mín
Þarna munaði engu!

Jóhann Laxdal brýst upp hægra megin og sendir síðan boltann út í vítateigsbogann á Eyjólf Héðinsson. Eyjólfur á þrumuskot sem fer í stöngina og út!
15. mín
Önnur almennilega sókn Skagamanna í leiknum, sú fyrsta frá markinu.

Þórður Þ með frábæra takta á hægri kantinum þar sem hann tekur boltann með hælnum framhjá Herði. Stjörnumenn ná hinsvegar að koma fyrirgjöfinni í burtu.
14. mín
Einstefna! Stjörnumenn ráða öllu inni á vellinum. Hörður Árna á fyrirgjöf sem Hólmbert tekur á lofti á fjærstönginni en Árni ver vel.

Guðjón Baldvinsson fær svo færi en skot hans fer framhjá.
11. mín MARK!
Guðjón Baldvinsson (Stjarnan)
Stoðsending: Eyjólfur Héðinsson
Guðjón sleppur aleinn í gegn og lyftir boltanum yfir Árna. Vel klárað. Tólfta mark Guðjóns á tímabilinu!
8. mín
Stjarnan nýtir sér vindinn og pressar stíft núna. Þriðja hornspyrna liðsins í leiknum. Jósef Kristinn á í erfiðleikum með að stilla boltann upp af því að hann fýkur alltaf!
5. mín
Vindurinn er ská á völlinn. Stjarnan er meira með vindinn í bakið hér í fyrri hálfleik.
4. mín
Stjarnan reynir strax að svara. Guðjón Baldvinsson á skot sem Árni Snær slær í horn.
2. mín MARK!
Arnar Már Guðjónsson (ÍA)
Stoðsending: Stefán Teitur Þórðarson
Arnar Már skorar með skalla eftir rúma mínútu.

ÍA byrjaði með boltann og Arnar Már átti langa sendingu upp í vinstra hornið. Brynjar Gauti setti boltann út fyrir og ÍA fékk innnkast. Stefán Teitur átti góða fyrirgjöf eftir innkastið og þar var Arnar Már einn og óvaldaður og skoraði með skalla.
1. mín
Leikur hafinn
Þorvaldur Árnason flautar leikinn á. Bæði lið þurfa nauðsynlega sigur. ÍA til að falla ekki og Stjarnan til að halda lífi í titilvonum sínum.


Fyrir leik
Leikmenn ÍA spila í dag með sorgarbönd til minningar um Arnar Dór Hlynsson, góðan dreng og dyggan stuðningsmann liðsins. Fyrir leik verður einnig mínútu þögn til minningar um Arnar sem lést á dögunum, 38 ára að aldri.
Fyrir leik
Fáir áhorfendur mættir þegar stutt er í leik. Veðrið ekki gott.
Fyrir leik
Leik Víkings Ólafsvíkur og Víkings R. var frestað vegna veðurs í dag. Vindurinn er mikill hér á Akranesi. Keilur að fjúka í upphitun hjá liðunum.

Vindurinn virðist vera á ská og þar með aðeins meira á annað markið.
Fyrir leik
Byrjunarliðin eru tilbúin og það er lítið hægt að segja um þau. Báðir þjálfarar halda í sömu byrjunarlið og byrjuðu síðasta leik.
Guðmundur Aðalsteinn Ásgeirsson
Fyrir leik
Þetta er þriðji leikur beggja liða á átta dögum. Spurning hvort við fáum breytingar á byrjunarliðunum í dag.
Fyrir leik
Valtýr Björn Valtýsson spáir í leiki umferðarinnar að þessu sinni.

ÍA 1 - 3 Stjarnan
Stjarnan verður að vinna þennan leik til að halda 2. sætinu og vera áfram í baráttunni. Ég held að þeir geri það. Þeir vinna 0-2 eða 1-3.
Fyrir leik
Skagamenn gerðu 2-2 jafntefli við Fjölni á fimmtudag eftir að hafa unnið KA 2-0 hér á Akranesi fyrir viku. Hinir ungu og efnilegu Steinar Þorsteinsson og Stefán Teitur Þórðarson skoruðu í báðum þessum leikjum.

Stjörnumenn unnu Víking Ólafsvík 3-0 á fimmtudag eftir 2-2 jafntefli við Víking R. fyrir viku.
Fyrir leik
Góðan og blessaðan!

Hér ætlum við að fylgjast með öllu sem gerist í leik ÍA og Stjörnunnar í 20. umferð Pepsi-deildar karla.

Skagamenn eru á botni deildarinnar og tap eða jafntefli sendir liðið niður í Inkasso-deildina.

Stjarnan er í 2. sæti, sjö stigum á eftir toppliði Vals og þremur stigum á undan FH. Stjarnan getur með sigri í dag minnkað bilið í fjögur stig áður en Valur leikur við Fjölni í kvöld. Stjarnan og Valur mætast svo í næstu umferð. Titilbaráttan er því ekki búin ennþá!
Byrjunarlið:
Haraldur Björnsson
2. Brynjar Gauti Guðjónsson
3. Jósef Kristinn Jósefsson ('90)
4. Jóhann Laxdal
7. Guðjón Baldvinsson
8. Baldur Sigurðsson
9. Daníel Laxdal
10. Hilmar Árni Halldórsson ('87)
14. Hörður Árnason
19. Hólmbert Aron Friðjónsson ('90)
20. Eyjólfur Héðinsson

Varamenn:
25. Sveinn Sigurður Jóhannesson (m)
5. Óttar Bjarni Guðmundsson ('90)
6. Þorri Geir Rúnarsson
16. Ævar Ingi Jóhannesson ('90)
17. Ólafur Karl Finsen ('87)
27. Máni Austmann Hilmarsson
29. Alex Þór Hauksson

Liðsstjórn:
Rúnar Páll Sigmundsson (Þ)
Fjalar Þorgeirsson
Brynjar Björn Gunnarsson
Davíð Snorri Jónasson
Sigurður Sveinn Þórðarson
Davíð Sævarsson
Friðrik Ellert Jónsson

Gul spjöld:
Brynjar Gauti Guðjónsson ('58)

Rauð spjöld: