DÓRI!! Með aðra geggjaða vörslu frá Arnóri Gauta sem var einn auðum sjó! Dóri er maður leiksins. Það er bara svoleiðis.

ÞAÐ ER VÍTI FYRIR BLIKA!!!!!!!!!!

Færi! Gísli með sendingu á Aron sem var hægra megin í teignum, hann sendi hann í fyrsta fyrir en Óliver náði ekki alveg nógu góðu contacti á boltanum og setti hann yfir. Eyjamenn stálheppnir!

WOWW!!! Gulli með sturlaða vörslu! Atli Arnarsson átti skot í fyrsta alveg út við stöng, en Gulli með geggjaða vörslu. Leikur markmannanna í dag. Það er svoleiðis.

LITLA SENDINGIN HJÁ DÓRA! Halldór Páll með gjörsamlega sturlaða sendingu beint í hlaupaleiðina hjá Gunnari sem kemst í gegn, en setur boltann í hliðarnetið. Undirritaður er að ná sér niður eftir þessa sendingu.

Ekkert að gerast þessa stundina. Ég bíð eftir fyrsta markinu. Það fer að detta.

VARSLA!!! Blikar komast upp hægra megin og senda boltann inn í teig þar sem Gísli Eyjólfs er á auðum sjó, en Halldór Páll kemur á móti honum og tekur eina fáránlega mikilvæga vörslu! Dóri fékk sér boozt í morgun eins og alla aðra leikdaga. Hreint skyr, jarðaber, LGG og banani.

Kaj með langt innkast inn á teig, boltinn skoppar og endar á höfðinu á Atla sem skallar beint á Gulla í markinu.

Þarna munaði litlu! Shahab kom með stungu inn á Gunnar Heiðar sem gaf láa sendingu alveg upp við markið þar sem Atli kom í seinni bylgjunni en Jonathan komst fyrir og sparkaði burt.

Seinni hálfleikur hafinn. ÍBV byrjar með boltann.

Færi báðum megin!!!!! Willum komst einn í gegnum vörn Eyjamanna, setti boltann í Dóra og síðan í þverslánna. ÍBV náði síðan vald á boltanum, spörkuðu honum fram á Shahab sem komst einn í gegn í baráttu gegn Viktori Erni. Köttaði til hægri, náði skoti en Viktor komst fyrir boltann og sókninn rann út í sandinn. Ég lofaði skemmtilegum leik, og ég er allavega að skemmta mér. En þú?

Shahab með aukaspyrnu af 25 metrunum og ákveður að skjóta. Fast skot en beint á gamla manninn. Öryggið uppmálað.

FÆRI! Shahab með góðan sprett upp hægra megin, reynir að þræða boltanum á Gunnar Heiðar, Damir kemst fyrir og boltinn fer út á Kaj sem á fast skot niðri sem Gulli ver vel. Gunnar Heiðar kom síðan við boltann en var dæmdur rangstæður. Góð dómgæsla.

MACDAGINN! Willum með skot í þverslánna eftir sendingu frá Akkerinu á miðjunni honum Óliver. Litla skotið. Bæði lið líkleg til alls hér í dag.

Kom ekkert úr fyrstu hornspyrnunni, ekkert úr annarri hornspyrnunni og ekkert úr þriðju hornspyrnunni. Næsta mál.

Hornspyrna á stórhættulegum stað hjá Blikum.

Sveinn Aron tók spyrnuna. En beint í vegginn. Strákar, hittið á markið í guðanna bænum.

Blikar með aukaspyrnu á stórhættulegum stað. Hvað gerist?

WOW! Dagur með innkast innfyrir á Shahab. Hann lætur boltann skoppa og neglir honum í fyrsta en Gulli með gjörsamlega geggjaða vörslu og sér við honum.

Gunnar Heiðar með góðan sprett, tekur Damir í nefið og kemst í gegn. Skotið laflaust og beint á Gulla.

#celebvaktin. Björgvin Már og Berglind Björg systkyni Gunnars Heiðars eru mætt á leikinn. Fleiri celeb eins og t.d. Nilli og Palli Magg eru mætt á leikinn. Vaktin fer í pásu í smá.

SENUR!! Gísli Eyjólfs kemst einn í gegnum vörn ÍBV en Halldór Páll lokar markinu vel. Boltinn fór út fyrir teig og Blikar spiluðu honum sín á milli. Boltinn barst síðan á Arnþór Ara sem nelgdi boltanum í stöngina og út. Jahérna. Litli leikurinn.

HA!? Shahab með hornspyrnu og hún endar í slánni. Skemmtilegt!

Blikar með aukaspyrnu á hættulegum stað rétt fyrir utan teig. Gísli Eyjólfs tók spyrnuna en boltinn fór beint í öxlina á Sindra Snæ. Gott tækifæri í vaskinn.

#celebvaktin. Olgeir Sigurgeirsson er mættur á leikinn. Fyrrverandi leikmaður ÍBV og Breiðabliks. Toppmaður.