Jæja þá fer þetta að hefjast. Góða skemmtun kæru lesendur.

Eins og vinur minn hér að neðan benti réttilega á er Fran Marmolejo að sjálfsögðu ekki útileikmaður hjá Víking í dag. Atli Hrafn heldur sæti sínu. Biðjumst velvirðingar á þessu.

Liðin mætt út á völl í upphitun og KR útvarpið mætt mér við hlið. Fólk að mæta í stúkuna og sólin að skína. Fullkomið.

Byrjunarliðin eru nú klár.

Heimamenn gera tvær breytingar á liði sínu. Þeir Atli Hrafn Andrason og Mohamed Didé Fofana koma út í stað þeirra Viktors Örylgs Andrasonar og Francisco Marmolejo.

KR-ingar gera engar breytingar á liði sínu eftir sigurinn gegn HK sem að þýðir að Björgvin Stefánsson byrjar.

Heimamenn í Víking R. sitja í ellefta sæti deildarinnar með þrjú stig og leita enn af sínum fyrsta sigri í deildinni. KR-ingar eru í fimmta sæti með átta stig.

Björgvin baðst strax afsökunar á ummælunum sem að hann sagði vanhugsuð. Aganefnd KSÍ er með málið til skoðunnar og gæti Björgvin átt von á fimm leikja banni. Það verður því áhugavert að sjá hvort að hann sé í leikmannahópi KR í dag.

Talandi um Björgvin Stefánsson þá hefur hann verið mikið í umræðunni eftir ummæli sem að hann lét falla þegar að hann lýsti leik Hauka og Þróttar í Inkasso-deild karla en ummælin beindust að húðlit Archange Nkumu leikmanni Þróttar.

Nánar má lesa um málið hér

KR-ingar unnu góðan 3-2 sigur á HK á Meistaravöllum. Pálmi Rafn Pálmason, Tobias Thomsen og Björgvin Stefánsson skoruðu mörk KR-inga.

Heimamenn í Víking gerðu 1-1 jafntefli við ÍBV í síðasta leik í Vestmannaeyjum þar sem að Jonathan Glenn jafnaði fyrir Eyjamenn á lokamínútum leiksins. Rick Ten Voorde skoraði mark Víkings úr vítaspyrnu.

Jú komiði sæl og blessuð og veriði hjartanlega velkomin á þessa beinu textalýsingu á leik Víkings R. og KR í sjöttu umferð Pepsi Max-deildar karla. Leikurinn í dag fer fram á Eimskipsvellinum í Laugardalnum þar sem að heimavöllur Víkinga er ekki ennþá tilbúinn.