FH situr í 7 sæti Pepsi-Max deildarinnar með 12 stig og þremur sætum neðar má finna Grindvíkinga með 10 stig. FH hefur undanfarin ár verið "eitt af stóru liðunum" á Íslandi og er liðið nú 9 stigum frá toppi deildarinnar þegar öll lið hafa leikið 9 leiki nema KR, Breiðablik, Stjarnan og Valur sem hafa leikið 10 leiki.

Maður spyr sig hvort tímabil Hafnfirðinga sé þá í molum ef þeim tekst ekki að sigra hér í kvöld en lið sem hefur myndað sér þá hefð að berjast um titilinn frá byrjun til enda getur ekki talist sátt með að berjast "bara" um evrópusæti.

Það styttist óðum í að leikurinn fari af stað sem og hinir tveir leikirnir Breiðablik-Fylkir eigast við á sama tíma í Kópavoginum og í Frostaskjólinu eigast við KR og Njarðvík

Liðin hafa ekki mæst í deild þeirra bestu á þessu sumri en leikur liðanna í fyrri umferðinni fer fram þann 1. júlí suður með sjó.

Liðin mættust þó tvisvar á síðustu leiktíð þar sem FH hafði betur í bæði skiptin en tæpir voru leikirnir þó en báðir unnust á einu marki, 1-0 og 2-1

FH og Grindavík hafa átt mjög svo mismunandi leið í þennan leik en með leiknum í kvöld hafa FH einungis mætt Pepsi Max-deildarliðum en Hafnarfjarðarstórveldið hefur þurft að fara í gegnum Val og ÍA þar sem liðið sigraði báða leikina 2-1 þar sem Hafnfirðingar komust í bæði skiptin í 2-0 forustu.

Grindavík hefur mætt liðum úr Inkasso-deildinni og 2. deild en í þriðju umferð fór liðið sigraði 4-1 og 3-1. Það er því spennandi að sjá hvernig leikurinn fer þar sem hvorugt liðið hefur tekist að halda hreinu í bikarkeppninni til þessa

Víkingur Reykjavík varð í gær fyrsta liðið til að komast í undanúrslitin en í kvöld skýrist hvaða lið fylgja þeim.

Leikir kvöldsins:
19:15 KR-Njarðvík (Meistaravellir)
19:15 Breiðablik-Fylkir (Kópavogsvöllur)
19:15 FH-Grindavík (Kaplakrikavöllur)

Góðan daginn og verið velkomin í beina textalýsingu frá viðureign FH og Grindavíkur í 8 liða úrslitum Mjólkurbikars karla.

Leikurinn hefst klukkan 19:15 í Kaplakrika í Hafnarfirði.