Hólmbert Aron Friðjónsson spáði í leiki umferðarinnar.

ÍBV 0 - 3 Stjarnan
Ég finn á mér að Stjarnan sé að fara á smá run núna. Þeir halda áfram að setja fullt af mörkum en halda hreinu núna. Daníel Laxdal bindur þetta saman!

Gary Martin er ekki kominn með leikheimild með ÍBV og getur því ekki verið með í dag. Hann hefur samið við félagið og kemur frá Val en félagaskiptaglugginn opnar ekki fyrr en á morgun.

Baldur Sigurðsson má ekki leika með Stjörnunni í dag en hann tekur út leikbann fyrir að hafa fengið fjögur gul spjöld í sumar.

Þá er ljóst að Guðjón Baldvinsson verður frá næstu vikurnar vegna meiðsla og Þórarinn Ingi Valdimarsson er frá út tímabilið með slitið krossband.

Þetta er fyrsti leikurinn í 11. umferð deildarinnar sem verður leikin í dag og á morgun.

Fyrir leikinn er Stjarnan í 4. sæti deildarinnar með 15 stig eftir 10 leiki og gæti með sigri komist í 3. sætið.

ÍBV er í botnsæti deildarinnar með fimm stig og á ekki raunhæfa möguleika á að komast upp úr því sæti í dag þó þeim takist að vinna. Þeir eru með 15 mörk í mínus en HK sem er fyrir ofan þá með 8 stig er með 2 mörk í mínus.

Góðan daginn og verið velkomin í beina textalýsingu frá leik ÍBV og Stjörnunnar í Pepsi Max-deild karla.

Leikurinn hefst klukkan 16:00 á Hásteinsvelli í Vestmannaeyjum.