Liðin hafa lokið sinni upphitun og eru farin aftur inn. Það er stutt í þessa veislu!

Byrjunarliðin eru klár og má sjá hér til hliðar.

Afturelding gerir þrjár breytingar frá síðasta leik. Róbert Orri, Arnór Gauti og Andri Þór detta út úr liðinu og inn koma Andri Freyr, Jon Tena Martinez og Roger Banet Badia. Afturelding var að semja við Badia og Martinez og verður fróðlegt að sjá hvernig þeir koma inn í lið mosfellinga.

Arnór Gauti og Róbert Orri eru í landsliðsverkefni og geta því ekki leikið með liðinu í dag.

Þór gerir tvær breytingar frá síðasta leik. Jóhann helgi og Jónas Björgvin setjast á bekkinn en inn koma þeir Alvaro Montejo og Ármann Pétur.

Það eru toppaðstæður til fótboltaiðkunar hér í Mosfellsbæ í dag! Blautt gervigras, sól á lofti og bestu borgarar í bænum!

Ég hvet fólk til að skella sér á völlinn!

Í síðustu umferð tapaði Afturelding 3-2 gegn Leikni í Breiðholti en Þór fékk Njarðvík í heimsókn og unnu 2-1.

Heimamenn sitja í 11.sæti deildarinnar með 10 stig og þurfa nauðsynlega að fá eitthvað út úr þessum leik. Þórsarar eru í toppbaráttu og hafa náð í 23 stig úr 12 leikjum. Þeir eru í 3.sæti deildarinnar.

Þessi lið mættust í fyrstu umferðinni nú í sumar og þá höfðu Þórsarar betur, 3-1. Spennandi að sjá hvort mossfellingar nái að stríða liði Þórs í dag!

Góðan daginn og verið velkomin á beina textalýsingu frá leik Aftureldingar og Þórs í 13.umferð Inkasso-deildar karla.