Meistaravellir
sunnudagur 21. júlí 2019  kl. 19:15
Pepsi Max-deild karla
Aðstæður: 15 stiga hiti og toppaðstæður
Dómari: Pétur Guðmundsson
Áhorfendur: 1658
Maður leiksins: Hilmar Árni Halldórsson
KR 2 - 2 Stjarnan
0-1 Baldur Sigurðsson ('29)
1-1 Tobias Thomsen ('57, víti)
2-1 Björgvin Stefánsson ('80)
2-2 Hilmar Árni Halldórsson ('93)
Myndir: Fótbolti.net - Eyjólfur Garðarsson
Byrjunarlið:
1. Beitir Ólafsson (m)
4. Arnþór Ingi Kristinsson ('58)
5. Arnór Sveinn Aðalsteinsson
7. Skúli Jón Friðgeirsson
10. Pálmi Rafn Pálmason
11. Kennie Chopart
16. Pablo Punyed
19. Kristinn Jónsson
20. Tobias Thomsen ('83)
22. Óskar Örn Hauksson (f)
23. Atli Sigurjónsson ('58)

Varamenn:
13. Sindri Snær Jensson (m)
6. Gunnar Þór Gunnarsson
8. Finnur Orri Margeirsson
9. Björgvin Stefánsson ('58)
14. Ægir Jarl Jónasson ('58)
18. Aron Bjarki Jósepsson ('83)
25. Finnur Tómas Pálmason

Liðstjórn:
Rúnar Kristinsson (Þ)
Bjarni Eggerts Guðjónsson
Kristján Finnbogi Finnbogason
Jón Hafsteinn Hannesson
Friðgeir Bergsteinsson
Halldór Fannar Júlíusson
Magnús Máni Kjærnested

Gul spjöld:
Arnþór Ingi Kristinsson ('50)

Rauð spjöld:


@EgillSi Egill Sigfússon
95. mín Leik lokið!
Það var víst Hilmar sem náði að skalla boltann í markið, ekki sjálfsmark hjá Beiti en nú er leik lokið og 2-2 lokaniðurstaðan.
Eyða Breyta
93. mín MARK! Hilmar Árni Halldórsson (Stjarnan), Stoðsending: Jóhann Laxdal
Langt innkast frá Jóa Lax inná teiginn sem endar hjá Hilmari sem stangar boltann í netið og jafnar leikinn í blálokin!
Eyða Breyta
91. mín
Ég hélt að þessi væri inni! Pablo setur aukaspyrnuna yfir vegginn en rétt framhjá markinu.
Eyða Breyta
90. mín Gult spjald: Alex Þór Hauksson (Stjarnan)
Alex brýtur á Óskari rétt utan vítateigs hér og fær gult spjald.
Eyða Breyta
88. mín
Óskar keyrir á vörnina með Bjögga hægra megin við sig en Rauschenberg lokar á Bjögga svo Óskar hleður í skotið en það er rétt framhjá markinu.
Eyða Breyta
87. mín
Kiddi Jóns er með sýningu í kvöld, lyftir boltanum hér með hælnum yfir Jóa Lax sem brýtur á honum í kjölfarið.
Eyða Breyta
83. mín Aron Bjarki Jósepsson (KR) Tobias Thomsen (KR)
KR þétta vörnina og taka Tobias útaf fyrir Aron Bjarka.
Eyða Breyta
80. mín MARK! Björgvin Stefánsson (KR), Stoðsending: Ægir Jarl Jónasson
Hver annar en Big Bó!? KR-ingar eru komnir yfir hér þegar 10 mínutur eru eftir af leiknum.
Ægir Jarl með frábæra sendingu inná Bjögga sem tók gjörsamlega frábærlega við boltanum og potaði honum undir Halla í markinu. Alvöru móttaka og finish hjá Bjögga!
Eyða Breyta
78. mín
Langur bolti í gegn hjá KR sem Bjöggi eltir en Halli kemur út og skallar frá, Bjöggi fær svo boltann og fer í skotið fyrir utan en það er langt framhjá.
Eyða Breyta
77. mín
Ægir Jarl skorar hér stöngin inn en hann er flaggaður rangstæður!
Eyða Breyta
77. mín
Kiddi Jóns sparkar boltanum hérna fyrir og virðist boltinn fara í höndina á Jóa Lax en Pétur dæmir ekki víti við litla hrifningu KR-inga.
Eyða Breyta
74. mín
Kiddi Jóns með frábæran sprett inná völlinn og fer svo í skotið með hægri sem fer í varnarmann og rétt framhjá markinu. Ekkert að þessu skoti.
Eyða Breyta
72. mín Alex Þór Hauksson (Stjarnan) Þorri Geir Rúnarsson (Stjarnan)
Alex Þór að koma inná hér fyrir Þorra Geir og Stjörnumenn því búnir með sínar skiptingar.
Eyða Breyta
70. mín
Óskar lyftir honum innfyrir á Ægi sem nær ekki að setja boltann fyrir sig og Jói Lax kemst í boltann.
Eyða Breyta
64. mín
Frábær varsla! Aukaspyrna hjá Pablo fer beint á kollinn á Tobias sem stangar boltann í hornið en Halli skutlar sér og ver stórkostlega frá honum.
Eyða Breyta
64. mín Guðmundur Steinn Hafsteinsson (Stjarnan) Baldur Sigurðsson (Stjarnan)
Bæði lið að blása til sóknar hér, Guðmundur Steinn að koma inná fyrir Baldur hér.
Eyða Breyta
63. mín Gult spjald: Daníel Laxdal (Stjarnan)
Kiddi að komast framhjá Danna og Danni straujar hann og fær hárrétt gult spjald.
Eyða Breyta
61. mín
Þorsteinn Már prónar sig í gegnum 3 hérna og rennir honum svo á Hilmar sem kemst í skotstöðu og lætur vaða en Skúli Jón með frábæra tæklingu sem kemur í veg fyrir að skotið fari á markið.
Eyða Breyta
58. mín Ægir Jarl Jónasson (KR) Atli Sigurjónsson (KR)
Tvöföld skipting hjá heimamönnum, Bjöggi og Ægir að koma inná fyrir Arnþór og Atla.
Eyða Breyta
58. mín Björgvin Stefánsson (KR) Arnþór Ingi Kristinsson (KR)

Eyða Breyta
57. mín Mark - víti Tobias Thomsen (KR), Stoðsending: Arnþór Ingi Kristinsson
Tobias skorar af miklu öryggi úr vítinu, setur hann uppi í hægra hornið og Halli fór í vinstra hornið. 1-1 og nóg eftir hér!
Eyða Breyta
56. mín Gult spjald: Þorri Geir Rúnarsson (Stjarnan)
Þorri straujar Arnþór hérna inn í teig og fær á sig vítaspyrnu!
Eyða Breyta
52. mín
Pablo með hornspyrnu inná teiginn en það er dæmd aukaspyrna á Arnþór Inga fyrir bakhrindingu.
Eyða Breyta
50. mín Gult spjald: Arnþór Ingi Kristinsson (KR)
Stígur inn í Þorstein sem var á leið í skyndisókn.
Eyða Breyta
48. mín
Þorsteinn með fyrirgjöfina en Skúli nær að skalla boltann í hornspyrnu sem ekkert kemur upp úr.
Eyða Breyta
46. mín Guðjón Baldvinsson (Stjarnan) Sölvi Snær Guðbjargarson (Stjarnan)
Gauji Bald kom hér inná fyrir Sölva í hálfleik.
Eyða Breyta
46. mín Leikur hafinn
Pablo Punyed sparkar seinni hálfleiknum í gang hér á Meistaravöllum.
Eyða Breyta
45. mín Hálfleikur
Óskar með fyrirgjöf sem Arnþór skallar framhjá markinu og þá flautar Pétur til leikhlés.
Eyða Breyta
45. mín
Vá Kennie fær boltann skoppandi hérna og hefur nógan tíma til að hlaða í skotið og neglir á markið en Halli ver og Stjarnan kemur svo boltanum í horn.

Uppúr horninu fær Atli skotfæri en skot hans fer í varnarmann, KR að vakna til lífsins hérna undir lok hálfleiksins.
Eyða Breyta
45. mín
Tveim mínútum er bætt við hér á Meistaravöllum.
Eyða Breyta
45. mín
Halli heldur leik áfram og virðist vera í lagi með hann. Stjarnan eiga nú hornspyrnu.

Hornspyrnan er slök og ekkert kemur úr henni.
Eyða Breyta
43. mín
Halli kveinkar sér hér, sparkar boltanum bara útaf og sest niður, vonandi getur hann haldið leik áfram en Gauji Carra varamarkvörður Stjörnunnar er farinn að hita upp.
Eyða Breyta
42. mín
Arnór Sveinn í vandræðum hér, ætlar að hreinsa frá en hittir boltann skelfilega og setur hann aftur fyrir sig í hornspyrnu. Ekkert kemur upp úr henni.
Eyða Breyta
38. mín
Atli með boltann vinstra megin og kemur með fyrirgjöfina en hún er slök og beint í fangið á Halla í markinu.
Eyða Breyta
35. mín
Boltinn dettur hér fyrir Atla hægra megin í teignum en hann rétt potar boltanum í nærhornið og Halli handsamar boltann auðveldlega, þarna hefði Atli átt að setja kraft í skotið.
Eyða Breyta
33. mín Gult spjald: Rúnar Páll Sigmundsson (Stjarnan)
Rúnar brjálaður yfir að Pétur dæmdi ekki brot á Skúla Jón í baráttunni við Þorstein Má og hraunar yfir Pétur og fær fyrir það gult spjald.
Eyða Breyta
31. mín
Arnþór Ingi vinnur boltann hérna vel, sendir á Tobias sem er með Danna Lax í sér, Tobias reynir að vippa boltann yfir Halla sem stendur á línunni en lendir samt í veseni en guð sé lof fyrir hann fór boltinn hársbreidd yfir markið og endaði ofan á þaknetinu.
Eyða Breyta
29. mín MARK! Baldur Sigurðsson (Stjarnan), Stoðsending: Hilmar Árni Halldórsson
Hvað er Beitir að gera hérna!?
Hilmar með aukaspyrnu inná teiginn sem Baldur skallar að marki og Beitir heldur að boltinn sé að fara framhjá markinu og fylgir boltanum bara inn. Afar klaufalegt hjá Beiti og Stjarnan komnir yfir á Meistaravöllum!
Eyða Breyta
26. mín
Óskar með gott hlaup upp vinstri kantinn og lyftir honum inná teiginn þar sem Pablo teygir sig í boltann en boltinn langt framhjá. Pablo hefði sennilega átt að láta hann fara þar sem Atli var í miklu betri stöðu bakvið hann.
Eyða Breyta
25. mín
Baldur brýtur hér eilítið harkalega á Pálma á miðjum vellinum, var búinn að fá aðvörun fyrr í leiknum og fær aðra hér, næsta brot er alltaf spjald hjá Baldri.
Eyða Breyta
19. mín
Stjarnan fá aukaspyrnu á fínum stað á vinstri kantinum sem Hilmar tekur en hann kemur með algjöran fallhlífarbolta sem Beitir handsamar auðveldlega.
Eyða Breyta
17. mín
Kiddi Jóns með frábæran sprett og skilur Jóa Lax eftir í rykinu, kemur með fyrirgjöfina á Pálma sem nær ekki krafti í skallann sinn og grípur Halli boltann auðveldlega.
Eyða Breyta
14. mín
Atli Sigurjóns með góðan sprett upp hægri kantinn, köttar inn á vinstri fótinn sinn en hittir boltann skelfilega og boltinn fer í innkast við hornfánann.
Eyða Breyta
13. mín
Pablo með slaka aukaspyrnu inná teiginn sem Eyjólfur skallar frá, Pablo verður að koma með miklu betri spyrnur en þetta til að skapa einhvern usla.
Eyða Breyta
9. mín
Stjörnumenn aðgangsharðir hér, boltinn endar úti vinstra megin hjá Heiðari sem kemur með fyrirgjöfina en það er dæmd aukaspyrna á Baldur sem keyrði í bakið á Kidda.
Eyða Breyta
6. mín
Hilmar Árni kemst hér áfram með boltann fyrir utan teig og hleður í skotið en það er beint á Beiti í markinu.
Eyða Breyta
1. mín Leikur hafinn
Stjarnan hefja leikinn hér á Meistaravöllum.
Eyða Breyta
Fyrir leik
KR gerir eina breytingu á byrjunarliði sínu eftir sigurinn á ÍBV í síðustu umferð, Finnur Tómas er búinn að vera glíma við meiðsli og er á varamannabekknum. Skúli Jón Friðgeirsson byrjar í hans stað. Kristján Flóki er ekki í liðinu en hann kemur ekki inn í liðið fyrr en í Ágúst.

Stjarnan gerir fjórar breytingar á liði sínu frá jafnteflinu við Grindavík í síðustu umferð. Jóhann Laxdal, Þorri Geir, Martin Rauschenberg og Baldur Sigurðsson koma inn í byrjunarliðið fyrir Brynjar Gauta, Jósef Kristinn, Alex Þór og Guðmund Stein.
Eyða Breyta
Fyrir leik
Sagan segir að FH-ingar séu alls ekki sáttir með að Kristján Flóki hafi farið í KR og finnist hann hafa stungið þá í bakið. Menn vilja jafnvel meina að hann hafi verið búinn að komast að munnlegu samkomulagi um að koma heim í FH en hafi svo svikið það og samið við KR. Þetta eru bara sögusagnir en fróðlegt að sjá hvernig honum verður tekið þegar hann mætir í Krikann 14.ágúst í undanúrslitum Mjólkurbikarsins.
Eyða Breyta
Fyrir leik
Þessi lið mættust í fyrstu umferð deildarinnar og skildu jöfn 1-1 í leik þar sem KR spilaði allan seinni hálfleikinn manni færri eftir að Aron Bjarki Jósepsson fékk rauða spjaldið undir lok fyrri hálfleik. Hilmar Árni og Pálmi Rafn skoruðu mörkin úr vítaspyrnum.
Eyða Breyta
Fyrir leik
KR keypti Kristján Flóka Finnbogason frá Start í vikunni og verður fróðlegt að sjá hvort hann byrji leikinn í kvöld. Kristján Flóki er uppalinn í FH en ákvað að koma til toppliðsins núna og skrifaði undir 4 ára samning. Gríðarlegur liðsstyrkur fyrir KR að fá þennan öfluga markaskorara.
Eyða Breyta
Fyrir leik
KR er á toppi deildarinnar með 7 stiga forskot á Breiðablik sem er í 2.sætinu. Það er varla veikan blett að finna á KR liðinu sem hefur unnið síðustu 8 leiki sína í deildinni og virðist fátt stöðva þá í að vinna þann stóra í haust.
KR er komið í undanúrslit bikarsins en þeir fengu stóran skell í Evrópu þar sem þeir töpuðu 7-1 gegn Molde.

Stjarnan er í 4.sæti deildarinnar með 19 stig, þrem stigum frá Breiðablik í 2.sætinu. Vinni þeir í kvöld eru þeir komnir á gott ról og í harðri baráttu um Evrópusæti.
Stjarnan vann dramatískan sigur í Evrópudeildinni þar sem Brynjar Gauti tryggði þeim áfram á útivallarmörkum með marki á 123.mínútu í Tallin gegn Levida Tallin.
Eyða Breyta
Fyrir leik
Góða kvöldið og verið velkomin í beina textalýsingu frá leik KR og Stjörnunnar í 13.umferð Pepsí Max-deildar karla á Meistaravöllum.
Eyða Breyta
Byrjunarlið:
1. Haraldur Björnsson (m)
4. Jóhann Laxdal
6. Þorri Geir Rúnarsson ('72)
8. Baldur Sigurðsson (f) ('64)
9. Daníel Laxdal
10. Hilmar Árni Halldórsson
11. Þorsteinn Már Ragnarsson
12. Heiðar Ægisson
18. Sölvi Snær Guðbjargarson ('46)
19. Martin Rauschenberg
20. Eyjólfur Héðinsson

Varamenn:
23. Guðjón Orri Sigurjónsson (m)
2. Brynjar Gauti Guðjónsson
7. Guðjón Baldvinsson ('46)
14. Nimo Gribenco
16. Ævar Ingi Jóhannesson
22. Guðmundur Steinn Hafsteinsson ('64)
29. Alex Þór Hauksson ('72)

Liðstjórn:
Halldór Svavar Sigurðsson
Fjalar Þorgeirsson
Andri Freyr Hafsteinsson
Veigar Páll Gunnarsson
Rúnar Páll Sigmundsson (Þ)
Davíð Sævarsson

Gul spjöld:
Rúnar Páll Sigmundsson ('33)
Þorri Geir Rúnarsson ('56)
Daníel Laxdal ('63)
Alex Þór Hauksson ('90)

Rauð spjöld: