Sigurður Dagsson, grjótharður Valsari og fyrrum leikmaður Vals og Íslenska landsliðsins lést í nótt. Nú er mínútuklapp til heiðurs Sigga Dags.

Óli Jó er að bjóða uppá glænýtt lúkk í Evrópu þetta árið, glæsilega klæddur í stílhrein jakkaföt eins og gegn Maribor. Þennan Óla hafði ég aldrei séð áður en þetta fer honum einkar vel.

Eins og sjá má er ansi varnarsinnað lið hjá Val í kvöld þar sem miðvörðurinn Sebastian Hedlund er á miðjunni með Petry og Einari Karli. Ívar Örn, Orri, Eiður og Birkir eru í vörninni, Anton Ari í markinu, Stinni og Kaj Leó eru á köntunum og Patrick Pedersen er frammi.

#valurfotbolti #valur #fotboltinet #ruvsport @mblsport pic.twitter.com/rhKVY22p8F

— ValurFotbolti (@Valurfotbolti) July 25, 2019

Valur stillir upp gjörbreyttu liði frá því sem þeir hafa verið að gera í sumar. Hannes Þór Halldórsson er ekki í leikmannahópnum í kvöld og byrjar Anton Ari Einarsson í markinu. Andri Adolphsson er ekki í leikmannahópnum en hann hefur átt mjög gott tímabil. Þá eru Kristinn Freyr, Sigurður Egill, Bjarni Ólafur og fyrirliðin Haukur Páll allir á varamannabekknum.

Orri Sigurður, Kristinn Ingi, Kaj Leó, Ívar Örn og Einar Karl byrja allir í dag en þeir hafa ekki verið fastamenn í byrjunarliði Vals undanfarið.
Þá er Valgeir Lunddal Friðriksson sem kom frá Fjölni fyrir tímabilið í fyrsta skipti í leikmannahópi Vals.

Góða kvöldið og verið velkomin í beina textalýsingu frá Origo vellinum þar sem Valur fær Búlgörsku meistarana, Ludogorets í heimsókn í undankeppni Evópudeildarinnar.

Í kvöld klukkan 19:00 leikur Valur fyrri leik sinn gegn Ludogorets Razgrad frá Búlgaríu í forkeppni Evrópudeildarinnar. Sigurbjörn Hreiðarsson, aðstoðarþjálfari Vals, býst við skemmtilegu Evrópukvöldi á Hlíðarenda.

En hvernig metur hann möguleika Vals í einvíginu?

"Við förum nokkuð blint í þetta en metum möguleika okkar þokkalega. Við erum að fara að mæta hörkuliði, það er alveg ljóst eftir að við höfum kíkt aðeins á þá. Þetta lið er sambærilegt við Maribor og við teljum okkur eiga möguleika en spurning er hversu miklir þeir eru," segir Sigurbjörn.

"Við vonumst allavega til að spila þennan leik á morgun þannig að við eigum góða möguleika. Við þurfum að fara varlega í þessu, tapið gegn Maribor heima (0-3) var fullstórt og á brattann að sækja úti. En við teljum okkur geta gert betri hluti heima en við gerðum þá."

"Þeir hafa orðið búlgarskir meistarar átta ár í röð og lagt fullt í þetta. Þeir eru með fullt af góðum leikmönnum, nokkra Brassa og öfluga Afríkumenn. Þetta er alþjóðleg sveit og miklu hefur verið kostað til. Þetta er mjög fínt lið."

"Það var þrusugaman um daginn og vonandi flykkist fólk á völlinn. Evrópukvöldin eru skemmtileg, Ludogorets er kröftugt lið með fljóta leikmenn inni á milli. Það er geggjað fyrir fótboltaáhugamenn að sjá þetta. Þetta verður hörkuleikur, vonandi jafningjaleikur. Íslensku liðin þurfa á því að halda að búa til alvöru gryfju, það telur að vera með alvöru stuðning," segir Sigurbjörn Hreiðarsson.