Liðin ganga hér inn á völlinn!

Vonandi fáum við góðan leik og nokkur mörk!

Liðin eru mætt út að hita! Styttist í leik. Veðrið hér í Mosfellsbæ er fínt. 14 stiga hiti skýjað og smá vindur.

Gervigrasvöllurinn er vökvaður fyrir leik og því ekki yfir neinu að kvarta!

Byrjunarliðin eru klár og má sjá hér til hliðar.

Keflavík stillir upp sama liði og gegn Fram.

Mosfellingar gera eina breytingu frá síðasta leik. Róbert Orri kemur ferskur inn eftir landsliðsverkefni og Djordje Panic sest á bekkinn.

Fyrri leikur þessara liða í sumar endað með stórsigri Keflavíkur, 5-0. Heimamenn í Aftureldingu eiga því harma að hefna hér í kvöld og ætla sér eflaust sigur. Skoðum aðeins úrslit beggja liða að undanförnu.

Keflavík vann sterkan sigur á Fram í síðustu umferð, 1-2 í Safamýrinni. Aftuelding tók á móti Þór í Mosfellsbæ og töpuðu 1-2 þar sem Þórsarar skoruðu sigurmarkið á 93 mínútu.

Fyrir leikinn í dag eru Keflavík í 7.sæti deildarinnar með 19 stig. Þeir hafa aðeins hikstað að undanförnu eftir öfluga byrjun í mótinu.

Afturelding er í 11.sæti deildarinnar og hafa náð í 10 stig. Þeir þurfa nauðsynlega á sigri að halda hér í dag fyrir þá baráttu sem framundan er.

Góða kvöldið og verið velkomin á beina textalýsingu frá leik Aftureldingar og Keflavíkur í 14.umferð Inkasso-deildar karla.