Kaplakrikavöllur
þriðjudagur 06. ágúst 2019  kl. 19:15
Pepsi Max-deild karla
Dómari: Egill Arnar Sigurþórsson
Maður leiksins: Steven Lennon (FH)
FH 1 - 0 ÍA
1-0 Steven Lennon ('88)
Myndir: Fótbolti.net - J.L.
Byrjunarlið:
24. Daði Freyr Arnarsson (m)
4. Pétur Viðarsson
5. Hjörtur Logi Valgarðsson
6. Björn Daníel Sverrisson
7. Steven Lennon
10. Davíð Þór Viðarsson (f)
14. Morten Beck Guldsmed
15. Þórður Þorsteinn Þórðarson ('68)
16. Guðmundur Kristjánsson ('32)
21. Guðmann Þórisson
29. Þórir Jóhann Helgason ('79)

Varamenn:
1. Gunnar Nielsen (m)
8. Kristinn Steindórsson
9. Jónatan Ingi Jónsson ('68)
11. Atli Guðnason
22. Halldór Orri Björnsson ('79)
23. Brynjar Ásgeir Guðmundsson ('32)
30. Arnar Sigþórsson

Liðstjórn:
Ólafur Helgi Kristjánsson (Þ)
Ásmundur Guðni Haraldsson
Guðlaugur Baldursson
Eiríkur K Þorvarðsson
Ólafur H Guðmundsson
Hákon Atli Hallfreðsson
Styrmir Örn Vilmundarson

Gul spjöld:

Rauð spjöld:
@baddi11 Baldvin Már Borgarsson
95. mín Leik lokið!
Egill flautar af!

FH vinnur ÍA hér í kvöld.

Viðtöl og skýrsla á leiðinni.
Eyða Breyta
94. mín
VÁ! - FH-INGAR BJARGA Á LÍNU!!!

Langt innkast frá ÍA og boltinn endar í þvögu sem verður bjargað á línu. Þarna munaði engu!
Eyða Breyta
92. mín Gult spjald: Jóhannes Karl Guðjónsson (ÍA)
Jói Kalli var brjálaður með að fá ekki hendi í teignum áður en boltinn barst á Stebba.
Eyða Breyta
92. mín
VÁ!

Stebbi tekur boltann á kassann fyrir utan teiginn og neglir boltanum rétt framhjá.
Eyða Breyta
90. mín
Fimm mínútum bætt við og Skagamenn setja allt púður í sóknina.
Eyða Breyta
88. mín MARK! Steven Lennon (FH)
MAAAAARK!!!!

STEVEN LENNON ER BÚINN AÐ KOMA FH YFIR.

Hann fær boltann á kollinn með bakið í markið og flikkaði boltanum með bakinu í gegnum klofið á Halli Flosa og hamrar boltann svo með vinstri upp í þaknetið á nær!
Eyða Breyta
86. mín
Sindri Snær tekur hér skotið af 35 metrunum, upp á bílastæði!
Eyða Breyta
85. mín
Jónatan fær boltann úti hægra megin í góðri stöðu og sækir horn.

Spyrnan fín á nær og Björn Daníel skallar framhjá.
Eyða Breyta
83. mín
Já! - Sindri Snær straujar Björn Daníel á miðjunni og Egill fer í vasann eins og hann ætli að gefa honum spjald en hættir við, þetta mátti alveg vera gult!

Stúkan tryllist.
Eyða Breyta
82. mín Steinar Þorsteinsson (ÍA) Albert Hafsteinsson (ÍA)

Eyða Breyta
80. mín
USS! - Morten Beck með boltann skoppandi fyrir utan teiginn og reynir skotið en rétt framhjá!
Eyða Breyta
79. mín Halldór Orri Björnsson (FH) Þórir Jóhann Helgason (FH)
Síðasta skipting FH í leiknum.
Eyða Breyta
73. mín
Spyrnan frá Stebba alla leið á fjær og Gonzi skallar boltann í hliðarnetið!
Eyða Breyta
72. mín
Skagamenn keyra upp í skyndisókn og fá horn.

Stebbi sendir boltann út á Aron sem reynir skot af 30 metrunum en í varnarmann og annað horn.
Eyða Breyta
71. mín Gonzalo Zamorano (ÍA) Tryggvi Hrafn Haraldsson (ÍA)

Eyða Breyta
71. mín Gult spjald: Albert Hafsteinsson (ÍA)
Albert stoppar hér skyndisókn FH-inga.
Eyða Breyta
70. mín
FH breytir hér úr 3-5-2 yfir í 4-2-3-1 við þessa skiptingu.

Sjáum hvernig það gengur upp.
Eyða Breyta
68. mín Jónatan Ingi Jónsson (FH) Þórður Þorsteinn Þórðarson (FH)
ÞÞÞ fer útaf með krampa, búinn að leggja allt í þennan leik gegn gömlu félögunum.
Eyða Breyta
68. mín Arnór Snær Guðmundsson (ÍA) Marcus Johansson (ÍA)
Marcus er greinilega ekki í nógu góðu standi.
Eyða Breyta
64. mín
Marcus er kominn aftur inná og virkar í lagi, aðeins að stíga sig til.
Eyða Breyta
62. mín
Marcus liggur eftir og gæslan hleypur inná með börurnar.

Hann stendur samt upp svo þetta var óþarfa sprettur með börurnar.
Eyða Breyta
59. mín Gult spjald: Stefán Teitur Þórðarson (ÍA)
Skagamenn brjóta á FH sem var á leið í skyndisókn og Stefán Teitur ákveður að bomba boltanum í burtu, mjög viljandi gult sýndist mér...
Eyða Breyta
55. mín
Vá! - Þarna voru Skagamenn heppnir.

Misskilningur milli Hödda og Halls sem missa boltann á milli sín og Morten kemst í boltann en nær ekki að gera sér mat úr þessu.
Eyða Breyta
51. mín
DAUÐAFÆRI! - STEVEN LENNON ELSKU KALLINN MINN!

Frábært spil hjá FH sem keyra á Skagavörnina eftir að Aron Kristófer tapaði boltanum, Þórir sendir boltann á Lennon inná teignum sem snýr af sér Marcus og er aleinn gegn Árna en kixar boltann framhjá.
Eyða Breyta
50. mín
Davíð Þór sendir boltann fyrir af hægri kantinum og Björn Daníel þarf bara að snerta boltann með enninu en nær því ekki og boltinn í fangið á Árna Snæ!

Björn Daníel þarf að fara að bjóða upp á meiri gæði.
Eyða Breyta
49. mín
FH-ingar fá hér hornspyrnu.
Eyða Breyta
46. mín
Seinni er kominn af stað, núna byrja heimamenn með boltann.
Eyða Breyta
45. mín Hálfleikur
Egill flautar sig í korters pásu.

Skagamenn verið sterkari hér í fyrri hálfleik.
Eyða Breyta
44. mín
Frábært uppspil hjá FH!

Færa boltann vel upp völlinn og Þórir rúllar ÞÞÞ afturfyrir Aron og Doddi er mættur í skotfæri, neglir boltanum á nær en Árni ver í horn.

Spyrnan frá Davíð í þetta skiptið, ekki spes og ÍA kemst í skyndisókn sem rennur út í sandinn.
Eyða Breyta
39. mín
FH fær aukaspyrnu á stórhættulegum stað.

Þórir og Lennon standa yfir boltanum og það er Lennon sem tekur spyrnuna og hún er afleit, endar einhversstaðar uppá bílastæði.
Eyða Breyta
37. mín
VÁ! - Geggjuð skyndisókn hjá ÍA, Viktor Jóns leggur boltann út í teiginn á Stefán Teit sem snuddar boltann innanfótar rétt framhjá samskeytinum!

Daði stóð eins og stytta og var sennilega manna fegnastur að sjá hann ekki inni.
Eyða Breyta
34. mín
FÆRI!!!

Davíð Þór og Morten Beck taka þríhyrning inn á teig Skagamanna, Davíð Þór tæklar boltann fyrir markið og þar er Lennon einn á auðum sjó en setur boltann framhjá!

Þarna hefði Lennon átt að gera betur.
Eyða Breyta
34. mín
ÞÞÞ með fallhlífarbolta utarlega í teiginn núna og ekkert verður úr þessu.
Eyða Breyta
32. mín
FH fær hér hornspyrnu, ÞÞÞ fer til að taka hana.

SPYRNAN ER FRÁBÆR! - kemur föst inn á markteiginn og Árni slær boltann í horn hinumegin.
Eyða Breyta
32. mín Brynjar Ásgeir Guðmundsson (FH) Guðmundur Kristjánsson (FH)
Gummi greinilega eitthvað meiddur, það er blóðtaka fyrir FH.
Eyða Breyta
31. mín Gult spjald: Aron Kristófer Lárusson (ÍA)
USSS! - Aron Kristófer kemur seint inn í ÞÞÞ og hreinlega jarðar hann, Doddi tekur byltu og liggur eftir á vellinum og FH stúkan rýkur á fætur og heimtar rautt!
Eyða Breyta
28. mín
DAUÐAFÆRI!!!

Hörður Ingi smellir boltanum fyrir markið og Marcus er aaaaleinn inná markteig og skallar framhjá! - Þarna verður Marcus bara að skora.
Eyða Breyta
23. mín
Skagamenn fá enn eina hornspyrnuna.

Spyrnan frá Tryggva er góð og boltinn berst út á Stebba í skotið! - En boltinn í FH-ing og aftur í horn.

FH-ingar koma boltanum svo burt.
Eyða Breyta
20. mín
VÁ!!! - ÞVÍLÍK MARKVARSLA HJÁ DAÐA!

Skagamenn bruna upp í skyndisókn, Tryggvi skilur mann og annan eftir og Þórir reynir að brjóta á honum, það gekk ekki einusinni og hleður í skotið þegar hann fer að nálgast teiginn, það stefnir bara upp í samúel en Daði nær að blaka boltanum í horn.

Ekkert verður úr þeim hornspyrnum sem Skaginn fékk.
Eyða Breyta
19. mín
ÞÞÞ fær boltann upp í hægra hornið og reynir að fara framhjá Aroni en boltinn í horn.

ÞÞÞ tekur sjálfur en spyrnan ekkert spes.
Eyða Breyta
13. mín
Skagamenn fá aukaspyrnu á álitlegum stað, Tryggvi Hrafn smellti boltanum í vegginn, þaðan berst boltinn á Aron Kristófer á miðjunni sem rennur og tapar boltanum til Lennon sem er að sleppa í gegn við miðjan völlinn og tekur stefnuna á markið en Tryggvi Hrafn setti í sjötta gír og spólaði til baka og tók boltann af Lennon.

Alvöru vinnsla í Tryggva þarna!
Eyða Breyta
11. mín
DAUÐAFÆRI!!!

Skagamenn hóta löngu innkasti en Stebbi er klókur og kastar stutt á Aron sem er aleinn og smellir draumabolta fyrir markið á fjær, Viktor Jóns skallar boltann aftur fyrir markið þar sem Hallur Flosa tekur móttöku og neglir svo á markið en Daði með magnaða markvörslu!!

Uppúr því fær Stebbi svo boltann útfyrir teiginn og hamrar á markið en boltinn í FH-ing og í burtu og Skagamenn heimta víti en fá ekkert!
Eyða Breyta
8. mín
USS! - Albert er á harðaspretti upp völlinn en missir boltann of langt frá sér, Guðmann hreinsar boltann í Albert og þaðan fer boltinn rétt yfir markið!

Daði var framarlega og ekki alveg að reikna með þessu.
Eyða Breyta
6. mín
FH-ingar spila vel á milli sín, Lennon sendir boltann á Þóri í fyrsta og Marcus stoppar Lennon í því að halda áfram með því að toga hann niður.

Þórir hinsvegar keyrir á Óttar Bjarna og lætur vaða en boltinn hittir ekki rammann.

Marcus sleppur við spjaldið.
Eyða Breyta
2. mín
Skagamenn fá innkast sem Stefán Teitur tekur langt.

Boltinn fer í eitthvað skallatennis áður en FH kemur boltanum frá.
Eyða Breyta
1. mín
Albert Hafsteins tekur fyrstu spyrnu leiksins, Skagamenn sækja í átt að miðbænum.
Eyða Breyta
Fyrir leik
Liðin eru að ganga til leiks á eftir Agli Arnari, dómara leiksins.

Davíð Þór vinnur dómarakastið og velur það að skipta um vallarhelming.
Eyða Breyta
Fyrir leik
Liðin eru að hita upp, Siggi Jóns stendur með kaffibolla á miðjum vellinum og sólin skín, allt eins og það á að vera!

Hvet fólk til að skella sér á völlinn, sólin skilar sér aðeins verr í sófann heima hjá þér.

Veður-Þóra er sem fyrr búin að lofa almennilegu veðri og hefur ekki svikið það hingað til.
Eyða Breyta
Fyrir leik
Byrjunarliðin eru klár hér til hliðar.

ÞÞÞ byrjar fyrir FH gegn uppeldisfélaginu!
Eyða Breyta
Fyrir leik
FH og ÍA áttust við á nákvæmlega þessum velli fyrr í sumar, en þá var leikið í Mjólkurbikarnum.

Þá fóru leikar 2-1 fyrir heimamönnum í Fimleikafélaginu, mörkin í þeim leik skoruðu Steven Lennon og Jákup Thomsen áður en undrabarnið frá Sauðárkróki, Jón Gísli Eyland minnkaði muninn.

Í þeim leik kom inná varamaður hjá ÍA á 71. mínútu sem ber nafnið Þórður Þorsteinn Þórðarson, kannski betur þekktur sem ÞÞÞ.

Hann er leikmaður FH í dag og tekur vonandi þátt í þessum leik gegn sínum gömlu félögum.
Eyða Breyta
Fyrir leik
Deildin er rosalega þétt og skemmtileg, takist FH að vinna Skagamenn með fjórum mörkum þá stinga þeir sér uppfyrir gestina, persónulega myndi mér ekki finnast það mikil gestrisni af hálfu heimamanna, en það verður ekkert spurt að því.
Eyða Breyta
Fyrir leik
Gestirnir af Skaganum hafa sótt sér 10 stig af 21 mögulegu á útivöllum landsins hingað til, eða nánar tiltekið sigrað tvo leiki og gert fjögur jafntefli, glöggir lesendur eru þá búnir að reikna það að ÍA hefur bara tapað einum útileik, sem er ágætis afrek í sjö leikjum og sennilega ástæðan fyrir því að gestirnir eru ofar en heimamenn í töflunni en ÍA situr í 3. sæti deildarinnar með 22 stig og FH situr í 8. deildarinnar með 19 stig.
Eyða Breyta
Fyrir leik
Leikurinn fer fram í Hafnarfirði, nánar tiltekið í Kaplakrika, heimavelli Fimleikafélagsins, en þar hafa heimamenn unnið fjóra af sínum sex deildarleikjum til þessa og einungis tapað einum, það er hinsvegar útivöllurinn sem hefur verið að stríða FH en það skiptir engu um leikinn hér í dag, þar sem hann fer jú fram í Kaplakrika.
Eyða Breyta
Fyrir leik
Góða kvöldið gott fólk og verið velkomin í beina textalýsingu frá leik FH og ÍA í Pepsi Max deild karla.
Eyða Breyta
Byrjunarlið:
12. Árni Snær Ólafsson (m)
2. Hörður Ingi Gunnarsson
3. Óttar Bjarni Guðmundsson
6. Albert Hafsteinsson ('82)
7. Sindri Snær Magnússon
8. Hallur Flosason
9. Viktor Jónsson
10. Tryggvi Hrafn Haraldsson ('71)
18. Stefán Teitur Þórðarson
21. Aron Kristófer Lárusson
93. Marcus Johansson ('68)

Varamenn:
1. Dino Hodzic (m)
4. Arnór Snær Guðmundsson ('68)
17. Gonzalo Zamorano ('71)
19. Bjarki Steinn Bjarkason
22. Steinar Þorsteinsson ('82)
23. Jón Gísli Eyland Gíslason

Liðstjórn:
Páll Gísli Jónsson
Arnar Már Guðjónsson
Einar Logi Einarsson
Kjartan Guðbrandsson
Sigurður Jónsson
Ingibjörg Ásta Halldórsdóttir
Jóhannes Karl Guðjónsson (Þ)
Daníel Þór Heimisson

Gul spjöld:
Aron Kristófer Lárusson ('31)
Stefán Teitur Þórðarson ('59)
Albert Hafsteinsson ('71)
Jóhannes Karl Guðjónsson ('92)

Rauð spjöld: