Þór/KA
3
1
Keflavík
0-1 Sveindís Jane Jónsdóttir '36
Arna Sif Ásgrímsdóttir '50 1-1
Andrea Mist Pálsdóttir '57 2-1
Arna Sif Ásgrímsdóttir '65 3-1
15.08.2019  -  18:00
Þórsvöllur
Pepsi-Max deild kvenna
Aðstæður: 8° hiti og smá norð-vestan gola - Nokkrir kuldalegir í stúkunni
Dómari: Sveinn Arnarsson
Áhorfendur: 211
Maður leiksins: Arna Sif Ásgrímsdóttir
Byrjunarlið:
Bryndís Lára Hrafnkelsdóttir
4. Bianca Elissa
8. Lára Einarsdóttir
8. Andrea Mist Pálsdóttir
9. Sandra Mayor
9. Karen María Sigurgeirsdóttir ('88)
10. Lára Kristín Pedersen
11. Arna Sif Ásgrímsdóttir (f) ('79)
22. Hulda Ósk Jónsdóttir
24. Hulda Björg Hannesdóttir ('76)
27. Þórdís Hrönn Sigfúsdóttir

Varamenn:
2. Rut Matthíasdóttir ('88)
16. Jakobína Hjörvarsdóttir
17. María Catharina Ólafsd. Gros ('79)
18. Magðalena Ólafsdóttir
22. Eygló Erna Kristjánsdóttir
25. Heiða Ragney Viðarsdóttir ('76)
26. Ísfold Marý Sigtryggsdóttir

Liðsstjórn:
Halldór Jón Sigurðsson (Þ)
Andri Hjörvar Albertsson (Þ)
Silvía Rán Sigurðardóttir
Ágústa Kristinsdóttir
Ingibjörg Gyða Júlíusdóttir
Anna Catharina Gros
Christopher Thomas Harrington

Gul spjöld:
Hulda Björg Hannesdóttir ('24)
Sandra Mayor ('61)
Arna Sif Ásgrímsdóttir ('67)

Rauð spjöld:
Leik lokið!
Þór/KA fara með sigur af hólmi í dag! Þær þurfti að hafa fyrir því, þar sem að Keflvíkingar voru öflugar í fyrri hálfleik og leiddu þegar flautað var til hálfleiks. En það var allt annað Þór/KA lið sem mætti til leiks í seinni hálfleik og þær vinna á endanum verðskuldaðan 3-1 sigur, þar sem að fyrirliðinn Arna Sif Ásgrímsdóttir skoraði tvívegis. Þær fara því tímabundið upp fyrir Selfyssinga í 3. sætið á meðan Keflavík sitja enn í næstneðsta sæti deildarinnar.
92. mín
Sophie Groff fær gott færi! Natasha Anasi gerir mjög vel í að snúa og leika í átt að marki. Leggur hann á Sophie Groff sem að setur boltann rétt framhjá stönginni.
91. mín
Uppbótartíminn er 4 mínútur.
91. mín
Inn:Eva Lind Daníelsdóttir (Keflavík) Út:Arndís Snjólaug Ingvarsdóttir (Keflavík)
Síðasta skipting Keflavíkur.
89. mín
Keflvíkingar næla sér í hornspyrnu. Ef að ótrúleg endurkoma á að eiga sér stað, þá þurfa þær sennilega eitthvað að gerast núna.
88. mín
Inn:Rut Matthíasdóttir (Þór/KA) Út:Karen María Sigurgeirsdóttir (Þór/KA)
Rut kemur inn fyrir Karen.
82. mín
Hulda Ósk í góðu færi! Heiða Ragney á glæsilega skiptingu á Þórdísi sem að leikur upp að endamörkum inní vítateig Keflavíkur og rennir boltanum út í teiginn á Huldu, sem setur boltann viðstöðulaust framhjá markinu.
79. mín
Inn:María Catharina Ólafsd. Gros (Þór/KA) Út:Arna Sif Ásgrímsdóttir (Þór/KA)
Arna lætur tvö mörk duga í dag og röltir útaf.
79. mín
Inn:Marín Rún Guðmundsdóttir (Keflavík) Út:Anita Lind Daníelsdóttir (Keflavík)
Marín kemur á vinstri kantinn.
79. mín
Sandra Mayor vinnur aukaspyrnu á stórhættulegum stað! Hún býr sig sjálf undir að taka hana, annaðhvort hún eða Þórdís.
78. mín
Aukaspyrnan er ekki góð og siglir hátt yfir markið.
78. mín
Hulda Ósk gerir vel í að ná fyrirgjöf inní vítateig Keflavíkur, þar mætir Sandra Mayor og skallar hann að marki en boltinn fer beint í fangið á Aytac.
76. mín
Inn:Heiða Ragney Viðarsdóttir (Þór/KA) Út:Hulda Björg Hannesdóttir (Þór/KA)
Fyrsta skipting Þór/KA.
73. mín
Og nú fjórtán! Ekkert kemur úr horninu þó.
72. mín
Þórdís Hrönn nælir í tvær hornspyrnur í röð. Þær eru orðnar 13 talsins hjá gestgjöfunum.
69. mín
Keflvíkingar eru brjálaðir við Svein og virðast vilja vítaspyrnu eftir aukaspyrnuna, en fá einungis hornspyrnu.
67. mín Gult spjald: Arna Sif Ásgrímsdóttir (Þór/KA)
Sveindís Jane hefur leikið vörn Þór/KA grátt og Arna tekur hana niður úti á vinstri kantinum. Hún þarf á smá aðhlynningu að halda og Arna er fljót að biðjast afsökunar.
66. mín
Inn:Amelía Rún Fjeldsted (Keflavík) Út:Dröfn Einarsdóttir (Keflavík)
Fyrsta breyting Keflavíkur.
65. mín MARK!
Arna Sif Ásgrímsdóttir (Þór/KA)
Stoðsending: Andrea Mist Pálsdóttir
ARNA SIF ER MÖGNUÐ Í LOFTINU!! Andrea Mist á hornspyrnu inní markteig Keflavíkur og þar rís Arna hæst og stangar boltann í netið! Er heimaliðið að gera út um leikinn?
64. mín
Glæsileg varsla hjá Aytac Sharifova! Þórdís Hrönn á inn swing aukaspyrnu af hægri kantinum sem að fer í gegnum alla og hún ver vel!
62. mín
Hulda Ósk vinnur horn fyrir Þór/KA.
61. mín Gult spjald: Sandra Mayor (Þór/KA)
Sandra ýtir á bakið á leikmanni Keflavíkur, sá ekki hver það var.
59. mín
BYLMINGSSKALLI hjá Andreu Mist í slánna! Frábær fyrirgjöf hjá Þórdísi Hrönn beint á Andreu sem kom á ferðinni og neglir boltanum með hausnum í þverslánna. Það er allt annað að sjá Þór/KA hér í seinni hálfleik.
57. mín MARK!
Andrea Mist Pálsdóttir (Þór/KA)
Stoðsending: Hulda Ósk Jónsdóttir
HEIMASTÚLKUR HAFA SNÚIÐ ÞESSU VIÐ!! Frábær sókn hjá Þór/KA! Hulda Ósk fær boltann ofarlega á vinstri kantinum og leggur hann út í miðjan teiginn á Andreu Mist. Hún gerir engin mistök og leggur boltann með vinstri, örugglega niðri í fjærhornið. 2-1 Þór/KA!
55. mín
Fyrirliðinn og markaskorarinn, Arna Sif Ásgrímsdóttir liggur eftir mikið kapphlaup við Sveindísi Jane. Vonandi getur hún haldið áfram en hún fær nú aðhlynningu fyrir utan völlinn.
54. mín
Allt annað að sjá til Þór/KA hér í seinni hálfleik. Þær eru ákveðnari og reyna nú að gera hlutina aðeins hraðar en í fyrri hálfleik.
50. mín MARK!
Arna Sif Ásgrímsdóttir (Þór/KA)
Stoðsending: Þórdís Hrönn Sigfúsdóttir
ARNA SIF JAFNAR METIN!!! Þór/KA fá nokkrar hornspyrnur í röð og boltanum er hreinsað til Þórdísar Hrannar á hægri kantinn. Hún klippir inn á vinstri löppina og kemur með flotta fyrirgjöf á Örnu sem að sneiðir boltann snyrtilega með hausnum í fjærhornið! Óverjandi fyrir Aytac í markinu. Þarf ekki að vera fast!
48. mín
Hulda Ósk klöngrast inní teig og vinnur hornspyrnu...
46. mín
Leikur hafinn
Markaskorarinn Sveindís Jane kemur leiknum í gang.
45. mín
Hálfleikur
Sveinn Arnarsson flautar til hálfleiks hér á Þórsvelli. Keflavíkurliðið getur verið mjög ánægt með sína frammistöðu í þessum fyrri hálfleik. Þær hafa varist ágætlega og náð mýmörgum álitlegum skyndisóknum. Sveindís Jane og Sophie Groff hafa nokkrum sinnum náð upp álitlegu samspili og skapað usla í vörn Þór/KA.
Heimaliðið þarf aftur á móti aðeins að leggja höfuðið í bleyti. Það vantar einhvern neista, eftir fínustu byrjun í leiknum. Sandra Mayor virtist aðeins vera að lifna við í lok hálfleiksins og liðið þarf á því að halda að hún komist í alvöru ham í seinni hálfleik.
44. mín
Hulda Ósk fær annað hálf færi. Mayor keyrir upp hægri kantinn og kemur með fyrirgjöf á Huldu. Hulda virtist ekki alveg viss hvort að hún vildi taka boltann á lofti eða skalla hann. Hún ákvað að taka hann á lofti og boltinn fór langt framhjá.
43. mín
Keflavík fær horn. Sophie reyndi að setja boltann framhjá Bianca Elissa en Bianca sá við henni og setur boltann í horn. Ekkert kemur úr því og Þór/KA fá aukaspyrnu.
41. mín
Hulda Ósk fær prýðis skallafæri! Góður undirbúningur hjá Mayor sem að setur hann í utan á hlaupið á Karen Maríu. Karen María á fína fyrirgjöf á kollinn á Huldu, en hún setur hann nokkuð langt framhjá.
39. mín
Sveindís Jane í flottu færi! Sophie Groff kemur boltanum inn fyrir vörn Þór/KA á Sveindísi sem að er í nokkuð þröngu færi, en nær þó föstu skoti. Skotið endar í hliðarnetinu.
36. mín MARK!
Sveindís Jane Jónsdóttir (Keflavík)
Stoðsending: Maired Clare Fulton
ÞVÍLÍKUR ÞRUMUFLEYGUR!!! Sveindís Jane fær boltann frá Maired Fulton og rekur boltann aðeins áfram. Síðan ákveður hún bara að láta vaða af ca. 20 metra færi sem var fínasta ákvörðun, þar sem að hún hamrar boltanum uppí þaknetið! 1-0 Keflavík!
35. mín
Sveindís Jane sýnir styrk sinn þegar hún ýtir Láru Einarsdóttur af boltanum, keyrir inní teig og á fínt skot á nærstöngina hjá Bryndísi. Bryndís er fljót niður og ver boltann út og Sophie Groff er fyrst á boltann, en hún er dæmd rangstæð.
32. mín
Nú fá Þór/KA horn hinu megin. Sandra Mayor geysist upp völlinn og kemur boltanum á Huldu Ósk, sem að keyrir inní teig en boltanum er komið í horn.
30. mín
Keflavík fá nú hornspyrnu eftir afar skringilega hreinsun hjá Örnu Sif. Hornspyrnan endar í hliðarnetinu. Föstu leikatriðin í leiknum hafa ekki verið neitt sérstaklega vel útfærð, því miður!
30. mín
Ekkert kemur úr henni!
29. mín
Keflvíkingar fá aukaspyrnu á miðjum vallarhelming Þór/KA...
24. mín Gult spjald: Hulda Björg Hannesdóttir (Þór/KA)
Rífur Sophie Groff niður, sem var á leið í skyndisókn. Fannst þetta óþarfi hjá Huldu.
23. mín
Anita Lind fær ekki betra færi en þetta! Boltanum er stungið inn fyrir á Dröfn og það hjálpar Dröfn að Lára Einarsdóttir dettur kylliflöt þegar hún reynir að ná til boltans. Dröfn brunar inní teig og reynir að leggja boltann fyrir á Sveindísi Jane, en hún dettur og boltinn fer alla leið yfir á Anitu. En Anita lúðrar boltanum himinhátt yfir opið markið!
19. mín
Hulda Björg á ágætis fyrirgjöf sem að fer í gegnum allan vítateig Keflvíkinga og endar hjá Karen Maríu. Hún kontrar boltann yfir mark Keflavíkur.
13. mín
Keflvíkingar í dauðafæri!!! Dröfn Einarsdóttir átti stungusendingu í gegnum vörn Þór/KA sem að Sveindís Jane og Arna Sif kepptust um að vera fyrstar á. Sveindís vann kapphlaupið og komst ein í gegn á móti Bryndísi Láru. Hún hitti boltann illa en setti hann í stöngina þó! Þór/KA náðu svo að bægja hættunni frá. Þetta er líflegt hér í upphafi!
11. mín
Karen María á magnaða skiptingu yfir á vinstri kantinn á Þórdísi Hrönn. Hún leikur inní teiginn og hefði sennilega átt að koma sendingu fyrir markið fyrr, en hún er stöðvuð og boltinn fer í horn. Ekkert kemur svo úr horninu.
11. mín
Hulda Ósk vinnur hornspyrnu fyrir Þór/KA...
7. mín
Katla María setur boltann á þverslánna á eigin marki!! Frábær fyrirgjöf hjá Huldu Björg endar með því að Katla María ætlar að koma boltanum frá, en það lukkast ekki betur en svo að hún setur hann yfir Aytac og boltinn endar í slánni. Boltinn fer svo til Söndru Mayor sem að skallar hann, en boltinn fer framhjá galopnu markinu. Hætta í tvígang við Keflavíkurmarkið með stuttu millibili!
6. mín
Hulda Ósk í fínu færi! Karen María kemst inní vítateig Keflavíkur af miklu harðfylgi og kemur boltanum fyrir á Huldu sem að nær ekki að koma boltanum almennilega fyrir sig inní markteig og Aytac Sharifova handsamar boltann.
5. mín
Ekkert kemur úr hornspyrnunni og Þór/KA reyna nú að byggja upp sókn.
4. mín
Sophie Groff á flottan sprett upp vinstri kantinn og vinnur hornspyrnu fyrir Keflvíkinga.
1. mín
Leikur hafinn
Þórdís Hrönn kemur þessu af stað!
Fyrir leik
Liðin takast í hendur og nú styttist heldur betur í upphafssparkið.
Fyrir leik
Þegar þessi lið mættust í Keflavíku fóru Þór/KA með 1-2 sigur af hólmi, þar sem að Sandra Stephany Mayor skoraði bæði mörk gestanna en á milli marka hennar hafði Natasha Moraa Anasi skorað fyrir heimakonur. Því má búast við hörkuleik hér í dag og vonandi fáum við einn slíkan!
Fyrir leik
Keflvíkingar róa lífróður í deildinni. Þær eru í næstneðsta sæti deildarinnar með 10 stig, tveimur stigum á eftir ÍBV sem eru sæti ofar. Gengi Keflavíkur hefur verið slæmt síðustu fimm leiki. Þar hafa einungis 4 stig skilað sér í hús, sigurleikur gegn Fylki og svo jafnteflisleikur við botnlið HK/Víkings. Sophie McMahon Groff hefur verið iðinn við kolann í sumar og hefur skorað 10 mörk fyrir Keflavík í deildinni. Þær þurfa á töfrum hennar að halda í kvöld til þess að halda voninni um Pepsi Max á næsta ári lifandi.
Fyrir leik
Þór/KA eiga engan möguleika á Íslandsmeistaratitlinum, þar sem að Valur og Breiðablik hafa stungið af. En þær vilja væntanlega reyna að hirða þriðja sætið, sem að Selfyssingar sitja í þegar þetta er skrifað. Þór/KA getur með sigri komist upp fyrir Selfoss og farið í 24 stig, en Selfyssingar hafa 22 stig og spila um helgina bikarúrslitaleik við KR. Framherjinn magnaði, Sandra Stephany Mayor er markahæst hjá Akureyrarliðinu, en hún hefur skorað 12 mörk í öllum keppnum fyrir Þór/KA.
Fyrir leik
Góðan daginn! Hér verður lýst leik Þór/KA og Keflavíkur, sem fram fer á Þórsvelli í Pepsi Max deild kvenna.
Byrjunarlið:
1. Aytac Sharifova (m)
2. Þóra Kristín Klemenzdóttir
3. Natasha Anasi (f)
5. Sophie Mc Mahon Groff
7. Maired Clare Fulton
8. Sveindís Jane Jónsdóttir
10. Dröfn Einarsdóttir ('66)
15. Arndís Snjólaug Ingvarsdóttir ('91)
17. Katla María Þórðardóttir
21. Íris Una Þórðardóttir
24. Anita Lind Daníelsdóttir ('79)

Varamenn:
7. Kara Petra Aradóttir
11. Kristrún Ýr Holm
20. Eva Lind Daníelsdóttir ('91)
22. Helena Aradóttir
30. Marín Rún Guðmundsdóttir ('79)

Liðsstjórn:
Gunnar Magnús Jónsson (Þ)
Haukur Benediktsson
Amelía Rún Fjeldsted
Benedikta S Benediktsdóttir
Valdís Ósk Sigurðardóttir
Herdís Birta Sölvadóttir
Helgi Steinar Andrésson

Gul spjöld:

Rauð spjöld: