KR
4
0
Þór/KA
Gloria Douglas '14 1-0
Guðmunda Brynja Óladóttir '37 2-0
Gloria Douglas '67 3-0
Betsy Doon Hassett '68 4-0
08.09.2019  -  16:00
Meistaravellir
Pepsi-Max deild kvenna
Dómari: Gunnþór Steinar Jónsson
Áhorfendur: 107
Maður leiksins: Gloria Douglas
Byrjunarlið:
29. Ingibjörg Valgeirsdóttir (m)
2. Kristín Erla Ó Johnson
3. Ingunn Haraldsdóttir (f) ('80)
3. Sandra Dögg Bjarnadóttir
4. Laufey Björnsdóttir
7. Guðmunda Brynja Óladóttir ('85)
10. Betsy Doon Hassett
14. Grace Maher
16. Lilja Dögg Valþórsdóttir
20. Þórunn Helga Jónsdóttir
24. Gloria Douglas

Varamenn:
23. Birna Kristjánsdóttir (m)
8. Katrín Ómarsdóttir
9. Hlíf Hauksdóttir
21. Tijana Krstic
27. Halla Marinósdóttir ('85)

Liðsstjórn:
Jóhannes Karl Sigursteinsson (Þ)
Hugrún Lilja Ólafsdóttir
Guðlaug Jónsdóttir
Ásta Kristinsdóttir
Gísli Þór Einarsson
Ragna Lóa Stefánsdóttir
Brynjar Valgeir Steinarsson
Inga Arna Aradóttir

Gul spjöld:

Rauð spjöld:
Leik lokið!
Leiknum er lokið og KR-ingar tryggja sæti sitt í deildinni með frábærum 4-0 sigri á Þór/KA!

Viðtöl og skýrsla síðar í kvöld. Takk í bili.
87. mín
Laufey bjargar marki. Hendir sér fyrir skot Þórdísar Hrannar sem fann skot í teignum eftir fallega sókn og sendingu frá Huldu Ósk.
85. mín
Inn:Halla Marinósdóttir (KR) Út:Guðmunda Brynja Óladóttir (KR)
85. mín
Inn:Rut Matthíasdóttir (Þór/KA) Út:Hulda Björg Hannesdóttir (Þór/KA)
83. mín
Það gengur ekkert fram á við hjá Þór/KA. Nú var Hulda Ósk í fínni stöðu til að leggja boltann inn á teig á Þórdísi Hrönn sem var ALEIN en sendingin slæm og ekkert verður úr þessu.
80. mín
Inn:Hugrún Lilja Ólafsdóttir (KR) Út:Ingunn Haraldsdóttir (KR)
77. mín
Þór/KA hefur átt þrjá fína bolta inn á teig en sóknarmönnum hefur ekki tekist að finna skotið. Það vantar broddinn í þetta.
75. mín
Lára Einars sendir Þórdísi Hrönn í gegn. Ingunn mætir í fína tæklingu en Þórdís Hrönn nær aftur til boltans og reynir skot úr þröngu færi. Hörkuskot en Ingibjörg nær að verja í stöngina áður en hún grípur boltann.
73. mín
KR-ingar nálægt því að bæta við!

Gumma kemst í gegn en Elian gerir vel í að verja.
68. mín MARK!
Betsy Doon Hassett (KR)
Stoðsending: Gloria Douglas
Ja hérna!

Markaveisla í Vesturbænum.

Aftur er Gloria að stríða gestunum. Hún kemst inná teig og á hörkuskot sem Elian gerir vel í verja.

Boltinn hrekkur þó út í teig þar sem Betsy er á undan Örnu Sif að átta sig og skilar boltanum yfir línuna.
67. mín MARK!
Gloria Douglas (KR)
Stoðsending: Betsy Doon Hassett
MAAAARK!

Gloria skorar með flottum skalla eftir fyrirgjöf Betsy.

3-0 og KR-ingar eru að tryggja sætið sitt í Pepsi-Max.
63. mín Gult spjald: Arna Sif Ásgrímsdóttir (Þór/KA)
Arna Sif fer í bókina fyrir brot.
60. mín
Inn:Lára Einarsdóttir (Þór/KA) Út:Heiða Ragney Viðarsdóttir (Þór/KA)
56. mín
Þór/KA hefur átt þrjár allt í lagi tilraunir núna síðustu mínútur en þetta er alltof bitlaust hjá þeim.
53. mín
Fínt uppspil hjá KR-ingum sem láta boltann ganga fallega yfir til vinstri þar sem Sandra Dögg mætir í skotið. Hún hittir boltann ekki vel en lætur Elian hafa fyrir því að verja frá henni.

KR fær horn í kjölfarið en Þór/KA hreinsar sem fyrr.
48. mín
KR-ingar vinna horn í kjölfar aukaspyrnunnar sem var dæmd á Þórdísi. Betsy gerir sig líklega í teignum en norðankonur ná að hreinsa.
47. mín Gult spjald: Þórdís Hrönn Sigfúsdóttir (Þór/KA)
Þórdís Hrönn byrjar seinni hálfleikinn á að næla sér í gult spjald fyrir brot á Gloriu.
46. mín
Leikur hafinn
Við erum farin af stað aftur!
46. mín
Inn:María Catharina Ólafsd. Gros (Þór/KA) Út:Karen María Sigurgeirsdóttir (Þór/KA)
Hálfleiksskipting hjá Þór/KA.
45. mín
Hálfleikur
Staðan í deildinni er annars þannig að ef KR-ingum tekst að landa sigri hér í dag þá eru þær öruggar frá falli þar sem Keflavík tapaði fyrir Stjörnunni fyrr í dag.
45. mín
Hálfleikur
Það er kominn hálfleikur og KR-ingar leiða 2-0.

Gloria Douglas kom KR yfir á 14. mínútu en eftir það náði Þór/KA ágætum tökum á leiknum. Þær fengu nokkur fín færi til að jafna leikinn en tókst ekki og það var nokkuð gegn gangi leiksins þegar Guðmunda Brynja bætti við öðru marki KR og kom heimakonum í þægilega stöðu.

Við tökum okkur korterspásu og höldum svo áfram með seinni hálfleikinn.
44. mín
Sandra Mayor með fínan snúning af D-boganum en hún skýtur svo hátt yfir í kjölfarið.
37. mín MARK!
Guðmunda Brynja Óladóttir (KR)
Stoðsending: Kristín Erla Ó Johnson
KR-ingar komast í 2-0, algjörlega gegn gangi leiksins síðustu mínúturnar!

Kristín Erla kemur boltanum fram á Guðmundu Brynju sem fer illa með Biöncu. Stendur af sér tos og tog og kemst framhjá henni og inn á teig þar sem hún finnur skotið og klárar örugglega.
36. mín
Aftur fá gestirnir séns. Boltinn berst í átt að Karen Maríu í teignum. Sendingin er erfið viðureignar og Kareni tekst ekki að hemja boltann sem hún neglir hátt yfir.

Það eru orðnar þónokkrar mínútur síðan KR-ingum tókst að tengja saman einhverjar sendinginar.
34. mín
Það er svolítið bras í öftustu línu KR þessa stundina og Þór/KA reyna að nýta sér það. Þær voru að vinna hornspyrnu.

Andrea Mist sneri boltann á fjær. Það munaði litlu að boltinn færi inn og eins að sóknarmenn Þór/KA á fjær næðu svo til hans.
30. mín
Þór/KA heldur áfram að sækja. Sandra Mayor nýtir sér mistök í öftustu línu KR, leikur í átt að marki og leggur boltann svo út í skot á Andreu Mist. Hún fær fullt af tíma, mundar skotfótinn en setur boltann beint á Ingibjörgu í markinu.
26. mín
DAUÐAFÆRI!

Sandra Mayor með flott hlaup upp vinstra megin! Leggur boltann út í teig þar sem Hulda Ósk er alein í frábæru færi en hún setur boltann framhjá!
24. mín
Aftur séns hjá Þór/KA. Vinstri bakvörðurinn Þórdís Hrönn á flotta fyrirgjöf á kollinn á Söndru Mayor sem nær ekki að stýra boltanum og skallar yfir.
22. mín
Þarna munar litlu!

Andrea Mist á þrumuskot utan teigs sem Ingibjörg þarf að hafa fyrir að slá aftur fyrir í horn.

Í kjölfarið fylgja tvær hornspyrnur hjá gestunum. Þórdís Hrönn tekur þær báðar en KR-ingum tekst að hreinsa.
16. mín
Alexandre Fernandez Massot fráfarandi þjálfari Sindra og fyrrum aðstoðarþjálfari KR er mættur í stúkuna. Fylgist vel með Elian í Þór/KA markinu og auðvitað sínu gamla liði.
14. mín MARK!
Gloria Douglas (KR)
Stoðsending: Guðmunda Brynja Óladóttir
GLOOOORIA!

KR-ingar eru komnar yfir og það er Gloria sem skorar. Guðmunda Brynja spilaði boltanum á Gloriu sem náði að leggja boltann fyrir sig í teignum og kláraði svo með fallegu vinstri fótar skoti.

Virkilega vel gert hjá Gloriu sem heldur áfram að hrella Þór/KA en hún var frábær gegn þeim í bikarnum fyrr í sumar.
12. mín
Þá er komið að gestunum að ógna. Hulda Ósk köttar inn frá hægri og reynir vinstrifótarskot sem fer rétt framhjá fjærstönginni.
10. mín
Öss!

Gloria á flottan sprett upp hægri kantinn og setur boltann svo á fjær. Þar er Sandra Dögg mætt í fínasta séns en hún hittir boltann skelfilega og hættan líður hjá.
6. mín
Sandra Dögg á annað markskot KR í leiknum en það fer af varnarmanni og Elian er svo snögg út í teiginn til að handsama frákastið.
2. mín
Heimakonur eiga fyrsta markskot leiksins. Það er Guðmunda sem mundar skotfótinn við hægra vítateigshornið en hún neglir hátt yfir.
1. mín
Leikur hafinn
KR-ingar hefja leik og sækja í átt að KR-heimilinu. Þær leika í sérstökum afmælisbúningum í dag en KR fagnar 120 ára afmæli sínu á árinu.
Fyrir leik
KR-konur úr '99 liðinu komu saman fyrir leik en það eru 20 ár síðan að liðið vann tvöfalt. Vanda Sigurgeirsdóttir þjálfaði stjörnum prýtt liðið það ár.

Karólína Jónsdóttir fékk svo viðurkenningu fyrir leik en hún hefur unnið sjálfboðastarf fyrir félagið í fjóra áratugi. Mögnuð kona!
Fyrir leik
Það styttist í leikinn og byrjunarliðin má sjá hér til hliðar. Það vekur mesta athyglu að Katrín Ómarsdóttir er á bekknum hjá KR og Elian Graus Domingo stendur á milli stanganna hjá Þór/KA.

Elian hefur leikið með Sindra í 2. deild í sumar. Spilaði síðast í gær þegar hún hélt hreinu gegn Fjarðabyggð/Hetti/Leikni en hefur fengið leikheimild með Þór/KA í dag. Bryndís Lára Hrafnkelsdóttir er þá eflaust meidd en hún er skráð í liðsstjórn.
Fyrir leik
Sigur hjá KR og hagstæð úrslit í öðrum leikjum dagsins gætu tryggt sæti liðsins í deildinni. Gestirnir vonast svo eftir sigri og því að Selfyssingar misstígi sig en Þór/KA er ekki búið að gefast upp í baráttunni um 3.sæti deildarinnar.
Fyrir leik
Liðin hafa mæst tvisvar í sumar. Þau gerðu 2-2 jafntefli í fyrri deildarleik sínum fyrir norðan. Ásdís Karen Halldórsdóttir og Katrín Ómarsdóttir skoruðu fyrir KR. Sandra Stephanie Mayor og Karen María Sigurgeirsdóttir gerðu mörk Þór/KA.

Liðin drógust svo saman í undanúrslitum Mjólkurbikarsins og þar komu KR-ingar flestum nema sjálfum sér á óvart og slógu norðankonur úr leik með 2-0 sigri. Ásdís Karen Halldórsdóttir og Betsy Hasset gerðu mörkin í það skiptið.

KR-ingar hafa því unnið tvo síðustu heimaleiki gegn Þór/KA og það verður fróðlegt að sjá hvað gerist hér á eftir.
Fyrir leik
Góðan dag og velkomin í beina textalýsingu frá leik KR og Þór/KA í Pepsi Max deildinni.

Um er að ræða leik í 18. umferð mótsins. Heimakonur í KR sitja í 6. sæti með 16 stig, enn ekki öruggar frá falli. Gestirnir í Þór/KA eru í fjórða sæti með 24 stig.
Byrjunarlið:
12. Elian Graus Domingo (m)
4. Bianca Elissa
8. Andrea Mist Pálsdóttir
9. Sandra Mayor
9. Karen María Sigurgeirsdóttir ('46)
10. Lára Kristín Pedersen
11. Arna Sif Ásgrímsdóttir (f)
22. Hulda Ósk Jónsdóttir
24. Hulda Björg Hannesdóttir ('85)
25. Heiða Ragney Viðarsdóttir ('60)
27. Þórdís Hrönn Sigfúsdóttir

Varamenn:
2. Rut Matthíasdóttir ('85)
8. Lára Einarsdóttir ('60)
16. Jakobína Hjörvarsdóttir
17. María Catharina Ólafsd. Gros ('46)
18. Magðalena Ólafsdóttir
22. Eygló Erna Kristjánsdóttir

Liðsstjórn:
Halldór Jón Sigurðsson (Þ)
Andri Hjörvar Albertsson (Þ)
Ingibjörg Gyða Júlíusdóttir
Einar Logi Benediktsson
Bryndís Lára Hrafnkelsdóttir
Haraldur Ingólfsson
Anna Catharina Gros

Gul spjöld:
Þórdís Hrönn Sigfúsdóttir ('47)
Arna Sif Ásgrímsdóttir ('63)

Rauð spjöld: