Áhorfendur mætir vopnaðir handklæðum til að hreinsa bleytuna af sætunum. Rigning er samt hætt þannig aðstæður eru bara uppá við fyrir þennan mikilvæga leik.

Haustveðrið að minna á sig á Grenivík í dag. Rigning og smá vindur sem ætti ekki að hafa teljanleg áhrif á leikinn.

Grasið lítur vel út.

Myndi flokka þetta sem fínt fótboltaveður.

Byrjunarliðin eru klár.

Steinþór kemur aftur inn í markið hjá Magna og Arnar Geir í varnarlínuna. Steinar og Viktor Már fá sér sæti á bekknum.

Hjá Þrótti eru fjórar breytingar. Arian, Jasper, Baldur og Rafn Andri koma allir inn í liðið. Archie fékk rautt spjald í síðasta leik og spilar því ekki í dag. Hreinn Ingi og Bjarni eru sömuleiðis í banni vegna uppsafnaðra spjalda. Rafael er á bekknum.

Fallbaráttan er virkilega hörð og tap í dag getur einfaldlega þýtt fall.

Fimm lið eru í þeirri stöðu að þau geta fallið. Þau eru í misgóðri stöðu fyrir leiki dagsins og því spennan óbærileg.

Staðan í neðri hlutanum

8. Afturelding 22 -6
9. Þróttur R. 21 -2
10. Haukar 19 -8
11. Magni 19 -24
12. Njarðvík 15 -18

Þróttur hefur ekki náð í nein stig í síðustu fimm leikjum og markatalan hreint út sagt ekki góð. Þeir hafa fengið 16 mörk á sig og skorað fjögur. Algjört hrun hjá liðinu í ágústmánuði.

Magni hefur hins vegar náð í 3 sigra af síðustu 5 leikjum.

Magni heimsótti Víking Ó. í síðustu umferð og náði í nokkuð óvænt þrjú stig. Þróttur mæti Fram á heimavelli og töpuðu þar 1-2.

Björn Berg Byde leikmaður HK spáði í næst síðustu umferð Inkasso.

Heyrði í Þróttaralegendinu Hermanni Ágústi og hann hafði þetta um málið að segja: Ég er á leið upp á heiði að þjálfa hundinn. En ég get sagt þer að miskunnarlausi kraftadvergurinn hann Rafn Andri Haraldsson siglir þessum lífsnauðsynlegu 3 fallbaráttustigum heim í Dalinn og það myndi ekki koma mér á óvart ef að framin yrði á honum borgaraleg handtaka fyrir dólgslæti að leik loknum.

Síðast mætust liðin í júlí og endaði sá leikur 7-0 fyrir Þrótti.

Fjórum sinnum hafa þau spilað gegn hvort öðru. Þrisvar sinnum hefur Þróttur sigrað og einu sinni Magni en það var í Lengjubikarnum 2018.

Mörk sem hafa verið skoruð í þessum leikjum eru ansi mörg eða 25 talsins. Það gerir 6,25 mörk að meðaltali í leik! Þannig að við veðjum á að við fáum mörk í þennan leik í dag.

Þróttur hefur tapað fimm leikjum í röð og geta eftir leiki dagsins verið komnir í fallsæti en það er einmitt staða Magna í dag. Tvö stig skilja þessi lið að. Magni er í ellefta sæti með 19 stig og Þróttur í níunda sæti með 21 stig.

Góðan daginn og velkominn í beina textalýsingu frá Grenvíkurvelli. Magni og Þróttur R. eigast við í sannkölluðum fallslag.

Heil umferð fer fram í Inkasso í dag og verða allir leikir flautaðir af stað kl.14:00.