Afturelding
0
1
FH
Margrét Regína Grétarsdóttir '53
0-1 Margrét Sif Magnúsdóttir '76
20.09.2019  -  19:15
Varmárvöllur - gervigras
Inkasso deild kvenna
Aðstæður: 12°C, talsverður vindur og suddi. Mikið fjör og mikið gaman. Bætti í vind og úrkomu þegar leið á fyrri hálfleik. Flóðljósin skína skært og standa fyrir sínu.
Dómari: Ásmundur Þór Sveinsson
Áhorfendur: Flott mæting, sérstaklega ef mið er tekið af veðri, vel á þriðja hundrað manns segja fróðir menn. 276 samkvæmt Afturelding TV.
Maður leiksins: Helena Ósk Hálfdánardóttir (FH)
Byrjunarlið:
33. Íris Dögg Gunnarsdóttir (m)
Margrét Regína Grétarsdóttir
4. Inga Laufey Ágústsdóttir
9. Samira Suleman ('87)
10. Hafrún Rakel Halldórsdóttir
11. Elena Brynjarsdóttir
16. Sara Dögg Ásþórsdóttir
18. Ragna Guðrún Guðmundsdóttir ('83)
19. Darian Elizabeth Powell
20. Lovísa Mjöll Guðmundsdóttir
21. Sigrún Gunndís Harðardóttir (f)

Varamenn:
6. Anna Pálína Sigurðardóttir
8. Ólína Sif Hilmarsdóttir ('83)
14. Erika Rún Heiðarsdóttir
15. Kristín Gyða Davíðsdóttir
17. Halla Þórdís Svansdóttir ('87)
23. Krista Björt Dagsdóttir

Liðsstjórn:
Júlíus Ármann Júlíusson (Þ)
Alexander Aron Davorsson (Þ)
Margrét Selma Steingrímsdóttir
Sigurjón Björn Grétarsson
Marsý Dröfn Jónsdóttir
Ingólfur Orri Gústafsson

Gul spjöld:
Margrét Regína Grétarsdóttir ('50)

Rauð spjöld:
Margrét Regína Grétarsdóttir ('53)
Leik lokið!
FH í Pepsi Max (Staðfest)
90. mín
FH er á leið upp í Pepsi Max-deildina! Stutt eftir.
90. mín
Inn:Þórey Björk Eyþórsdóttir (FH) Út:Birta Georgsdóttir (FH)
87. mín
Inn:Halla Þórdís Svansdóttir (Afturelding) Út:Samira Suleman (Afturelding)
85. mín
Inga Laufey gerir mjög vel að koma boltanum afturfyrir, kemur í veg fyrir að Helena komi á siglingu með boltann inn á teiginn. Skot framhjá frá Ingibjörgu í kjölfar hornspyrnunnar.
83. mín
Inn:Birta Stefánsdóttir (FH) Út:Valgerður Ósk Valsdóttir (FH)
83. mín
Inn:Ólína Sif Hilmarsdóttir (Afturelding) Út:Ragna Guðrún Guðmundsdóttir (Afturelding)
81. mín
Lovísa hreinsar í horn. FH heldur áfram að sækja.
79. mín
FH liggur á Aftureldingu, finna blóðbragðið. Fín tilraun núna sem Íris ver.
79. mín
Helena með fyrirgjöf og Valgerður lætur vaða vel yfir og framhjá.
77. mín
Helena með skot sem Íris ver í horn.
76. mín MARK!
Margrét Sif Magnúsdóttir (FH)
Stoðsending: Helena Ósk Hálfdánardóttir
Sýndist það vera Helena sem átti fyrirgjöfina og Margrét Sif skallar boltann í markið!

Staðan aaaansi góð núna fyrir FH!
75. mín
Tindastóll jafnar!
74. mín
Úlfa með sprett upp völlinn og skot beint á Írisi.
71. mín
Helena með flottan sprett og hefði mögulega getað krækt í vítaspyrnu en stóð af sér smá snertingu og ekkert varð úr fyrirgjöf hennar í kjölfarið.
70. mín
Samira brýtur af sér í annað sinn á skömmum tíma og sleppur með spjald, heppin.
68. mín
Ragna heldur bolta vel og nær að koma með fyrirgjöf fyrir sem Aníta grípur.
67. mín
Mikið jafnræði þessa stundina.
64. mín Gult spjald: Eva Núra Abrahamsdóttir (FH)
Uppsafnað gult spjald á Evu. Braut í þetta skiptið á Hafrúnu.
64. mín
Tíðindi frá Króknum!

ÍA er komið yfir. Lítur gífurlega vel út fyrir FH núna!
63. mín
Úlfa með tilraun vel framhjá. Íris skömmu áður með gott úthlaup og kom í veg fyrir gott færi FH.
61. mín
Selma Dögg með skot rétt yfir mark Aftureldingar.
60. mín
Ég kalla eftir sterkari ljósaperu í stöðutöfluna eða þá tíma hjá augnlækni. Sé illa hvaða mínúta er í gangi. Gæti skeikað um mínútu til eða frá í uppfærslum!
59. mín
FH með aðra tilraun, nú rétt framhjá. Ná þær að nýta sér liðsmuninn?

Stuðningsmenn FH taka vel við sér núna!
58. mín
Selma með gull af sendingu á Helenu sem á góða tilraun en boltinn í stöngina!!
58. mín
Darian fær bolta í gegn og reynir að setja boltann yfir Anítu en hittir ekki á markið.
57. mín
Elena komin í vinstri bakvörðinn og Samara komin aðeins dýpra á völlinn.
55. mín
Úlfa með tilraun vel yfir mark Aftureldingar.
53. mín Rautt spjald: Margrét Regína Grétarsdóttir (Afturelding)
Seinna gula skömmu eftir það fyrra. Togar í Birtu í stað þess að hleypa henni upp kantinn! Verðskuldað.
52. mín
Erna brýtur á Samiru og fær aukaspyrnu.

Samira fær boltann eftir aukaspyrnuna og lúðrar á Anítu sem gerir vel og ver boltann til hliðar!
51. mín
Rannveig með fína aukaspyrnu sem fer í gegnum allan pakkann. Þetta var séns fyrir FH!
50. mín Gult spjald: Margrét Regína Grétarsdóttir (Afturelding)
Braut á Birtu úti á kanti.
49. mín
FH með skot sem Íris grípur.
46. mín
Liðin óbreytt og Afturelding leikur með vindi í seinni hálfleik.
46. mín
Seinni hálfleikur hafinn. Afturelding byrjar seinni hálfleikinn.

Jafntefli eða sigur færir FH sæti í Pepsi Max-deild kvenna!

Tap gæti einnig fleytt liðinu upp um deild en það fer eftir niðurstöðunni á Sauðárkróki.
45. mín
Hálfleikur
Enginn uppbótartími.
44. mín
Selma með flotta sendingu í gegn. Kapphlaup milli Birtu og Írisar sem Íris vinnur. Sendir boltann í innkast.
43. mín
Valgerður með áhugaverða tilraun. Skot af kantinum sem virðist á leið upp í markhornið fjær en Íris vel á verði og grípur.
41. mín Gult spjald: Selma Dögg Björgvinsdóttir (FH)
Selma togaði í Ingu.
40. mín
Ragna tekur aukaspyrnu snöggt og á langa sendingu innfyrir á Hafrúnu sem nær til boltans á undan Úlfu og Anítu en mér sýnist Ingibjörg bjarga því að ekki varð mark.
39. mín
Mér sýnist að bætt hefur í vindinn og sömuleiðis úrkomuna.
38. mín
Afturelding fær hornspyrnu. Hafrún vinnur skallaeinvígi utarlega í teignum og skallar laust vel framhjá. Útspark.
37. mín
Ragna með flotta sendingu í gegn. Darian skýtur í fyrsta af löngu færi og yfir mark FH, ágætis hugmynd að skjóta í vindinn.
35. mín
Enn ein hornspyrna FH og nú kýlir Íris boltann frá marki.
33. mín
Rannveig fær allan tímann í heiminum til að láta vaða þar sem varnarmenn Aftureldingar fara ekki á móti henni. Fínt skot en beint á Írisi.
32. mín
Ingibjörg með fyrirgjöf djúpt af vellinum beint í hendur Írisar.
31. mín
Sara Dögg brýtur hér á leikmanni FH og stöðvar hraða sókn, jaðrar við að vera gult spjald. Sara meiddi sig meira en leikmaður FH en getur þó haldið leik áfram.
31. mín
Selma með fínt skot í grasið og á Írisi sem heldur boltanum í annarri tilraun.
30. mín
Hafrún gerir vel að komast framhjá Úlfu en á svo fyrirgjöf sem er ekki nægilega góð sem Aníta grípur.
30. mín
Samira með tilraun framhjá marki FH.
28. mín
FH fær hornspyrnu. Íris kemur út og handsamar knöttinn í annarri tilraun.
27. mín
Samira fær hér ódýra aukaspyrnu á miðjum velli við litla hrifningu stuðningsmanna FH í stúkunni.
25. mín
Birta með háa fyrirgjöf sem Margrét ætlar að taka við. Lætur boltann fara yfir sig og keyrir svo í Írisi að mati Ásmundar og fær dæmda á sig aukaspyrnu.
22. mín
Birta prjónar sig áfram og á svo tilraun sem Íris grípur, veit ekki hvort þetta var fyrirgjöf eða skot.

Afturelding átti rétt áður fína sókn en tókst ekki að ná tilraun á markið.
21. mín
Hafrún eltir langan bolta upp vinstri kantinn, nær honum og kemst framhjá Úlfu og inn í teig. Lætur vaða og boltinn rétt yfir, alls ekki svo galið.
20. mín
Eva Núra brotleg, ekki í fyrsta skipti ef talning mín er rétt.
20. mín
Svo það sé tekið fram þá leikur Afturelding á móti vindi hér í fyrri hálfleik.
17. mín
Rothöggið mætt í stúkuna, fínasta mæting þrátt fyrir veður. Bikarmeistarinn Sölvi Geir Ottesen er einnig mættur svo einhverjir séu nefndir.
16. mín
Erna skallar hornið frá og fram og FH kemst í skyndisókn. Lovísa Mjöll verst vel og kemur boltanum í innkast.
16. mín
Afturelding fær hér sína fyrstu hornspyrnu.
15. mín
Margrét Sif með sendingu inn á Helenu sem var rangstæð, fín sending en kom jafnvel aðeins of seint.
14. mín
Fín spyrna frá Rögnu sem fer í gegnum teiginn og allan pakkann.
14. mín
Samira fær hér aukaspyrnu við vítateig FH. Peysutog.
11. mín
12°C, talsverður vindur og suddi. Mikið fjör og mikið gaman.
10. mín
Inga Laufey misreiknar boltann illa og fær hann í sig og í hornspyrnu. Töluverður vindur hér sem hjálpar ekki leikmönnum. Írs grípur hornspyrnuna.
9. mín
Helena með tilraun í kjölfar hornspyrnunnar en Íris ver skotið vel.
9. mín
FH fær sína þriðju hornspyrnu.
8. mín
Sýnist Afturelding vera í 4-4-2. Samira og Darian fremstar og Hafrún úti vinstra meginn.

FH er í 4-3-3 með Birtu fremsta, Helenu úti hægra meginn og Margréti úti vinstra meginn.
5. mín
Birta fær boltann eftir mistök á miðjunni hjá Aftureldingu. Á skot beint á Írisi sem heldur boltanum.
2. mín
Úlfa Dís með skalla rétt framhjá eftir seinni hornspyrnuna.
1. mín
Birta krækir í horn strax á fyrstu mínútu leiksins fyrir FH. Vond spyrna en FH fær aðra.
1. mín
Leikur hafinn
'Till I Collapse búið í hátalaranum og leikur hafinn. FH hefur leik og leikur í átt að félagsheimilinu.
Fyrir leik
Leikmenn að labba inn á völlinn. FH leikur í hvítum treyjum og svörtum stuttbuxum. Heimakonur leika í rauðum treyjum og svörtum stuttbuxum. Ásmundur Þór sveinsson flautar leikinn í kvöld. Aðstoðardómari 1 er Sigurður Schram og aðstoðardómari 2 er Hildiþór Jónasson.
Fyrir leik
Leikurinn er í beinni útsendingu á Afturelding TV á Youtube. Útsending hefst rétt fyrir leik.
Fyrir leik
Þrír leikmenn skoruðu fimm mörk og urðu saman markahæstar í Mjólkurbikar kvenna í sumar og er einn þeirra leikmanna að spila í kvöld.

Það er hún Hafrún Rakel Halldórsdóttir, 16 ára leikmaður Aftureldingar. Hún hefur einnig skorað fimm mörk í Inkasso-deildinni. Hafrún er fædd árið 2002 og verður 17 ára þann 1. október. Hún var í ágúst valin í U19 ára lansliðshópinn fyrir verkefni í Svíþjóð.

Þrjár stelpur í FH-liðinu voru valdar í sama landsliðshóp. Það voru þær Helena Ósk Hálfdánardóttir, Valgerður Ósk Valsdóttir og Birta Georgsdóttir.
Fyrir leik
Byrjunarliðin eru komin inn!

Júlíus Ármann Júlíusson, þjálfari Aftureldingar, gerir tvær breytingar á sínu liði frá 2-0 tapinu gegn ÍA í síðustu umferð. Margrét Regína Grétarsdóttir (fyrirliði) og Elena Brynjarsdóttir koma inn í liðið fyrir þær Elfu Sif Hlynsdóttur (ekki í hóp) og Eriku Rún Heiðarsdóttur (á varamannabekknum).

Guðni Eiríksson, þjálfari FH, gerir einnig tvær breytingar á sínu liði. FH gerði 2-2 jafntefli gegn Augnablik í síðustu umferð. Þær Ingibjörg Rún Óladóttir og Eva Núra Abrahamsdóttir koma inn í liðið. Þórey Björk Eyþórsdóttir (á varamannabekknum) og Maggý Lárentsínusdóttir (ekki í hóp) missa sæti sitt í byrjunarliðinu.

Birta Georgsdóttir og Rannveig Bjarnadóttir skoruðu mörk FH gegn Augnablik og eru báðar í byrjunarliðinu í kvöld.
Fyrir leik
Af ellefu markahæstu leikmönnum deildarinnar eru þrír samtals úr þessum liðum.

Hjá Aftureldingu er Darian Elizabeth Powell markahæst með átta mörk í ellefu leikjum. Darian gekk í raðir Aftureldingar í sumar frá Selfoss.

Hjá FH hefur Birta Georgsdóttir skorað ellefu mörk í fimmtán leikjum og Helena Ósk Hálfdánardóttir hefur skorað átta í sautján leikjum, þar af eitt úr víti.
Fyrir leik
Afturelding hefur ekki unnið í síðustu fimm leikjum sínum en síðasti sigur liðsins kom gegn ÍR þann 8. ágúst. Sá leikur vannst 0-9 á Hertz vellinum. Afturelding hefur unnið fjóra heimaleiki, gert þrjú jafntefli og tapað einungis einum heimaleik í sumar.

FH er án sigurs í síðustu þremur leikjum. Liðið vann síðast þann 19. ágúst á Hertz vellinum, 0-1 gegn ÍR. FH hefur unnið fimm útileiki, gert tvö jafntefli og tapað einum útileik í deildinni í sumar.

Fyrri leikur þessara liða endað með 3-1 sigri FH á Kaplakrikavelli í júlí.
Fyrir leik
Afturelding situr í 5. sæti og kemst ekki ofar í deildinni en tapi liðið í kvöld getur liðið neðst endað í 7. sætinu.

FH hefur fengið þrjú tækifæri til þess að tryggja sig upp í Pepsi Max-deild kvenna en klikkað á stóra prófinu í öll skiptin. FH situr í 2. sæti deildarinnar og þarf eitt stig í viðbót* til að tryggja sætið. Tindastóll er með tveimur stigum minna en FH og Haukar hafa þremur stigum minna en FH.

*Fari leikurinn jafntefli þarf Tindastóll að vinna ansi stórt í sínum leik(ÍA á heimavelli) þar sem FH er með tólf mörkum betri markatölu.
Fyrir leik
Það styttist í upphafsflautið í lokaumferð Inkasso-deildar kvenna.

Lokaumferðin, 18. umferð, hefst öll á sama tíma, klukkan 19:15.

Velkomnir lesendur góðir í þessa beinu textalýsingu. Hér verður sagt frá gangi mála í leik Aftureldingar og FH sem fram fer á gervigrasinu á Varmárvelli í Mosfellsbæ.

Sjá einnig: Fyrsta heila umferðin í flóðljósum á Íslandi
Byrjunarlið:
25. Aníta Dögg Guðmundsdóttir (m)
Erna Guðrún Magnúsdóttir
Selma Dögg Björgvinsdóttir
4. Ingibjörg Rún Óladóttir
5. Margrét Sif Magnúsdóttir
6. Úlfa Dís Kreye Úlfarsdóttir
8. Valgerður Ósk Valsdóttir ('83)
9. Rannveig Bjarnadóttir
19. Helena Ósk Hálfdánardóttir
20. Eva Núra Abrahamsdóttir
28. Birta Georgsdóttir ('90)

Varamenn:
1. Þóra Rún Óladóttir (m)
25. Björk Björnsdóttir (m)
3. Nótt Jónsdóttir
8. Þóra Kristín Hreggviðsdóttir
15. Birta Stefánsdóttir ('83)
21. Þórey Björk Eyþórsdóttir ('90)
23. Fanney Elfa Einarsdóttir

Liðsstjórn:
Guðni Eiríksson (Þ)
Aldís Kara Lúðvíksdóttir
Melkorka Katrín Fl Pétursdóttir
Árni Freyr Guðnason
Bríet Mörk Ómarsdóttir
Arna Sigurðardóttir

Gul spjöld:
Selma Dögg Björgvinsdóttir ('41)
Eva Núra Abrahamsdóttir ('64)

Rauð spjöld: