Valur
6
0
Þór/KA
Hlín Eiríksdóttir '11 1-0
Hlín Eiríksdóttir '31 2-0
Elín Metta Jensen '49 , víti 3-0
Hlín Eiríksdóttir '54 4-0
Elín Metta Jensen '71 5-0
Dóra María Lárusdóttir '92 6-0
24.06.2020  -  18:00
Origo völlurinn
Pepsi-Max deild kvenna
Dómari: Þórður Már Gylfason
Maður leiksins: Hlín Eiríksdóttir
Byrjunarlið:
12. Sandra Sigurðardóttir (m)
Ásgerður Stefanía Baldursdóttir ('72)
4. Guðný Árnadóttir
7. Elísa Viðarsdóttir ('72)
9. Ída Marín Hermannsdóttir ('65)
10. Elín Metta Jensen
11. Hallbera Guðný Gísladóttir (f)
14. Hlín Eiríksdóttir
21. Lillý Rut Hlynsdóttir
23. Fanndís Friðriksdóttir ('58)
77. Diljá Ýr Zomers ('65)

Varamenn:
12. Aldís Guðlaugsdóttir (m)
3. Arna Eiríksdóttir
6. Mist Edvardsdóttir
8. Ásdís Karen Halldórsdóttir ('65)
15. Bergdís Fanney Einarsdóttir ('58)
18. Málfríður Anna Eiríksdóttir ('72)
22. Dóra María Lárusdóttir ('65)
44. Málfríður Erna Sigurðardóttir ('72)

Liðsstjórn:
Pétur Pétursson (Þ)
Eiður Benedikt Eiríksson (Þ)
Ásta Árnadóttir
Jóhann Emil Elíasson
María Hjaltalín
Kjartan Sturluson

Gul spjöld:

Rauð spjöld:
Leik lokið!
Þá er þessu lokið. Valsveisla og 6-0 sigur ríkjandi Íslandsmeistara á Þór/KA staðreynd.

Ég þakka fyrir mig. Minni á viðtöl og skýrslu síðar í kvöld.
92. mín MARK!
Dóra María Lárusdóttir (Valur)
GULLFÓTURINN!

Dóra María er að setja rjómann á Valskökuna með geggjuðu marki. Smellhitti boltann með ristinni utan velli og skilaði honum í netið.

Vááá!
90. mín
Elín Metta þráir þrennuna og heldur áfram að reyna!

Var að reyna skot utan af velli sem fór vel yfir.
88. mín
Vel varið!

Harpa kemur í veg fyrir að Elín Metta nái þrennunni. Nær að teygja sig vel upp í hægra hornið og ver fast skot Elínar aftur fyrir.

Ekkert verður úr horninu sem Valur fær í kjölfarið.
87. mín
Nú er komið að Málfríði Önnu að munda skotfótinn. Hún reynir langskot sem flýgur yfir markið hjá Þór/KA.
85. mín
Enn ein hornspyrnan hjá Val. Hallbera setur boltann á fjær þar sem Lillý reynir að ná til boltans en skallar í varnarmann og aftur fyrir.

Annað horn. Dóra María tekur. Bergdís Fanney nær til boltans en skýtur yfir.
83. mín
Tæpt þarna. Agnes Birta dæmd rangstæð eftir ágæta sókn Þórs/KA. Nokkrum sentimetrum frá að verða hættulegt.
80. mín
Málfríður Erna brýtur á Kareni Maríu við hægra vítateigshornið. Þór/KA fær aukaspyrnu sem Karen tekur sjálf. Setur geggjaðan bolta á fjær þar sem María Catharina reynir viðstöðulaust skot, rétt yfir.
72. mín
Inn:Málfríður Erna Sigurðardóttir (Valur) Út:Elísa Viðarsdóttir (Valur)
72. mín
72. mín
Inn:Málfríður Anna Eiríksdóttir (Valur) Út:Ásgerður Stefanía Baldursdóttir (Valur)
Aftur tvöföld skipting.
71. mín MARK!
Elín Metta Jensen (Valur)
Markaregnið heldur áfram!

Elín Metta með laglega takta. Boltinn límdur við tærnar á henni að vanda. Hún fíflar varnarmenn Þór/KA, leikur til hægri og lyftir boltanum svo yfir Hörpu í markinu.

Elín Metta lét þetta líta út fyrir að vera auðvelt og enn og aftur leit Harpa ekki nógu vel út í markinu.
69. mín
Stórhætta við mark Þór/KA. Ásdís Karen á stórhættulega sendingu fyrir en Bergdís Fanney hittir boltann ekki!

Valskonur halda boltanum þó áfram og vinna horn. Lillý Rut vinnur Örnu Sif í skallaeinvíginu en nær ekki að stýra boltanum á markið. Ekki á hverjum degi sem einhverri tekst að vinna fyrirliða Þór/KA í loftinu.
66. mín
Inn:Snædís Ósk Aðalsteinsdóttir (Þór/KA) Út:Berglind Baldursdóttir (Þór/KA)
66. mín
Inn:Agnes Birta Stefánsdóttir (Þór/KA) Út:Heiða Ragney Viðarsdóttir (Þór/KA)
Aftur tvöfalt hjá gestunum.
65. mín
Inn:Ásdís Karen Halldórsdóttir (Valur) Út:Diljá Ýr Zomers (Valur)
65. mín
Inn:Dóra María Lárusdóttir (Valur) Út:Ída Marín Hermannsdóttir (Valur)
Tvöföld skipting hjá Val.
64. mín
Elín Metta!

Það er ótrúlegt hvað boltinn er límdur við tærnar á henni. Hún leikur framhjá þremur leikmönnum Þórs/KA áður en hún reynir skot sem fer framhjá.
62. mín
Aftur vinna Valsarar horn eftir að hafa brotist upp hægra megin. Hallbera tekur að vanda. Snýr boltanná fjær en yfir allan pakkann. Diljá er fljótust að ná til hans og vinnur annað horn.

Nú tekur Bergdís Fanney. Hún setur boltann líka út í teig en þar er Arna Sif eins og svo oft áður og kemur þessu frá.
58. mín
Inn:Bergdís Fanney Einarsdóttir (Valur) Út:Fanndís Friðriksdóttir (Valur)
Fyrsta skipting Vals. Fanndís hefur ekki fengið að vera mikið með í leiknum þar sem Valsarar hafa verið ansi hægrisinnaðar í dag.
54. mín MARK!
Hlín Eiríksdóttir (Valur)
MAAAARK!

Hlín fullkomnar þrennuna. Í þetta skiptið eftir hættulega sókn Vals. Elín Metta var nýbúin að skjóta í stöngina eftir laglegan undirbúning Diljár. Boltinn var svo lagður út í skot á Hlín sem hamraði hann í markið með hægri!
53. mín
Dómari???

Þarna átti Þór/KA að fá víti. Guðný Árnadóttir með þvílíka bakhrindingu á Karen Maríu en ekkert dæmt.

Miklu meiri harka í þessu broti en þegar Þórður dæmdi vítið áðan.
52. mín
Inn:Rakel Sjöfn Stefánsdóttir (Þór/KA) Út:Hulda Ósk Jónsdóttir (Þór/KA)
52. mín
Inn:Lára Einarsdóttir (Þór/KA) Út:Gabriela Guillen Alvarez (Þór/KA)
Andri Hjörvar bregst við með tvöfaldri skiptingu.
49. mín Mark úr víti!
Elín Metta Jensen (Valur)
Elín Metta skorar þriðja mark Vals!

Mér sýndist það vera Hulda Karen sem var dæmd brotleg í baráttu gegn Elínu í vítateig Þórs/KA. Soft en líklega rétt að dæma þetta víti.

Elín fer sjálf á punktinn og skorar örugglega.
46. mín
Leikur hafinn
Við erum byrjuð aftur.
45. mín
Inn:Saga Líf Sigurðardóttir (Þór/KA) Út:Hulda Björg Hannesdóttir (Þór/KA)
Ein skipting hjá Þór/KA í hálfleik. Saga Líf kemur inn fyrir Huldu Björgu.
45. mín
Hálfleikur
2-0 í hálfleik. Eðlileg staða miðað við gang leiksins.

Við tökum okkur korterspásu og sjáumst svo í seinni hálfleik.
45. mín
Hálfleikur
Skemmtileg tilraun hjá Val. Enn og aftur fara þær upp hægra megin. Hlín á fyrirgjöf sem Diljá skallar út á Ídu Marín sem á hörkuskot, rétt framhjá.

Þetta var jafnframt síðasta færi hálfleiksins.
44. mín
Fínn séns hjá Þór/KA. Karen María sem hefur verið sjóðheit upp við mark andstæðinganna í fyrstu umferðunum lætur vaða utan teigs. Sandra þarf að hafa fyrir því að slá þennan aftur fyrir!

Þór/KA fær horn en Valskonur hreinsa.
41. mín
Ágæt sókn Þórs/KA endar á langskoti Berglindar Baldurs sem hún setur í stigatöfluna.
38. mín
HARPA!

Vel varið hjá Hörpu. Ver fastan skalla Fanndísar í slánna!
37. mín
Frábær varnarvinna hjá Örnu Sif. Kemur í veg fyrir að Elín Metta nái að snúa í teignum og nær svo af henni boltanum.
36. mín
Valskonur eru mikið að fara upp hægra megin og vinna aftur horn. Hallbera setur boltann á fjær en þar rís Arna Sif hæst og skallar af hættusvæðinu áður en Karen María hreinsar.

Það liggur þungt á gestunum þessa stundina. Valskonur mun líklegri til að bæta við en hitt.
31. mín MARK!
Hlín Eiríksdóttir (Valur)
Aftur skorar Hlín með vinstri fæti á nær. Aftur er Harpa lengi niður í markinu.

Hlín komst inn á teig. Lék á Huldu Björgu áður en hún skilaði boltanum í netið.

Valsarar komnar í góða stöðu. Þetta mark var nánast eins og það fyrra nema bara töluvert nær markinu.
27. mín
Fyrsta hornspyrna leiksins. Sýnist það vera Gabriela sem rennir sér fyrir sendingu Hlínar og stoppar hættulega sókn.

Hallbera á hættulega hornspyrnu. Arna Sif og Hlín berjast í loftinu en boltinn dettur fyrir Ídu Marín sem þrumar á markið af markteig. Beint í Hörpu sem var búin að gera sig stóra!
26. mín
Úff. Sandra tæp. Þór/KA á fyrirgjöf frá hægi. Virðist vera auðveldur bolti fyrir Söndru en hún heldur honum ekki og hann skoppa niður á marklínu áður en hún nær honum öruggum í fangið.
24. mín
Vó!

Þetta var hættulegt. María fær geggjaða sendingu innfyrir og er komin ein gegn Söndru. Sandra fer vel út á móti og nær að verja, er alveg á vítateigslínunni þegar hún ver svo það mátti ekki miklu muna að þarna yrði hendi.

En flott sókn hjá gestunum. Þeirra fyrsta alvöru færi.
22. mín
Berglind Baldurs brýtur á Diljá sem var að reyna að prjóna sig í gegn. Valur fær aukaspyrnu rétt utan D-bogans.

Hallbera stillir sér upp við boltann og lætur vaða. Snýr hann rétt yfir samúel. Fín tilraun.
20. mín
Önnur tilraun hjá Val. Þór/KA gengur illa að halda bolta og Valsarar iðulega fljótar að vinna hann af gestunum.

Elín Metta fær boltann eftir góða Valspressu, leikur nokkur skref í átt að marki en þrumar svo yfir.
17. mín
Þarna má litlu muna. Aftur fara Valskonur upp hægra megin. Nú er það bakvörðurinn Elísa sem kemst upp að endalínu og reynir svo fyrirgjöf/skot sem svífur rétt yfir samskeytin fjær.
11. mín MARK!
Hlín Eiríksdóttir (Valur)
Stoðsending: Diljá Ýr Zomers
Eitt færi. Eitt mark. Hlín er búin að koma Val yfir!

Miðvörðurinn Guðný átti þvílíkan sprett upp hægra megin. Kom boltanum inn á teig á Diljá Ýr sem lagði boltann svo út á Hlín.

Hlín náði að leggja boltann fyrir sig við vítateigslínuna og átti svo vinstri fótarskot sem endaði í nærhorninu.

Setjum spurningamerki við Hörpu þarna. Hún var ansi lengi að teygja sig eftir boltanum.
10. mín
Stuðningsfólk Þór/KA er byrjað að láta í sér heyra. Geggjaðir stuðningsmenn sem liðið á.
8. mín
Við erum ennþá í þreifingunum. Þjálfarar liðanna duglegir að kalla inná. Pétur á stuttermabolnum í blíðunni en Andri Hjörvar í úlpunni.
5. mín
Liðin þreifa fyrir sér og við bíðum enn eftir fyrsta alvöru marktækifærinu.
3. mín
Lið Þórs/KA:

Harpa

Gabriela - Hulda Karen - Arna Sif - Hulda Björg

Heiða Ragney

Karen María - Berglind Baldurs

María - Margrét - Hulda Ósk
2. mín
Lið Vals:

Sandra

Elísa - Guðný - Lillý - Hallbera

Ásgerður - Ída

Hlín - Diljá - Fanndís

Elín Metta
1. mín
Leikur hafinn
Elín Metta hefur leik fyrir Valsara sem leika í átt að miðbænum.
Fyrir leik
Við erum alveg að fara af stað hér á Origo-vellinum.

Valsarar gera þrjár breytingar á byrjunarliði sínu frá síðasta leik. Hallbera Guðný snýr aftur eftir meiðsli og þær Ída Marín og Diljá Ýr fá tækifæri í byrjunarliðinu. Málfríður Anna, Dóra María og Ásdís Karen fara á bekkinn.

Hjá Þór/KA kemur Hulda Björg inn í liðið á kostnað Jakobínu Hjörvars sem er ekki með í dag.
Fyrir leik
Valur vann báða leiki liðanna í fyrra en ef við skoðum síðustu 10 viðureignir liðanna í efstu deild þá sjáum við allskonar úrslit. Valur hefur unnið þrjá leiki, Þór/KA fimm og tvisvar hafa þau gert jafntefli.
Fyrir leik
Bæði lið hafa farið vel af stað og unnið tvo fyrstu leiki sína.

Valur lagði KR 3-0 í fyrstu umferð og Þrótt 2-1 í annarri.

Þór/KA byrjaði mótið á tveimur heimaleikjum. Sigraði Stjörnuna fyrst 4-1 og síðan ÍBV 4-0.
Fyrir leik
Góðan og blessaðan!

Hér verður hægt að fylgjast með beinni textalýsingu á leik Vals og Þórs/KA í 3. umferð Pepsi Max deildar kvenna.
Byrjunarlið:
1. Harpa Jóhannsdóttir (m)
4. Berglind Baldursdóttir ('66)
9. Karen María Sigurgeirsdóttir
11. Arna Sif Ásgrímsdóttir (f)
14. Margrét Árnadóttir
16. Gabriela Guillen Alvarez ('52)
17. María Catharina Ólafsd. Gros
22. Hulda Ósk Jónsdóttir ('52)
22. Hulda Karen Ingvarsdóttir
24. Hulda Björg Hannesdóttir ('45)
25. Heiða Ragney Viðarsdóttir ('66)

Varamenn:
1. Lauren Amie Allen (m)
8. Lára Einarsdóttir ('52)
18. Rakel Sjöfn Stefánsdóttir ('52)
19. Agnes Birta Stefánsdóttir ('66)

Liðsstjórn:
Andri Hjörvar Albertsson (Þ)
Perry John James Mclachlan (Þ)
Bojana Besic
Saga Líf Sigurðardóttir
Ingibjörg Gyða Júlíusdóttir
Einar Logi Benediktsson
Haraldur Ingólfsson
Snædís Ósk Aðalsteinsdóttir

Gul spjöld:

Rauð spjöld: