Halldór Smári Sigurðsson leikmaður Víkings er einnig spámaður hjá mér í dag. Hann er á öndverðum meiði við Þóri og spáir gestunum 0-3 sigri. Gary Martin með þrennu í þokkabót.

Dagur Austmann og Máni Austmann fara úr byrjunarliði Leiknis frá sigrinum gegn Keflavík ásamt Bjarka Aðalsteinssyni. Inn koma þeir Ósvald Jarl, Sólon Breki og Daði Bærings.

Ég fékk spámann til að spá fyrir um úrslit leiksins. Þórir Hákonarson fyrrum framkvæmdarstjóri KSÍ tjáði mér það að hann væri handviss um að stigin þrjú yrðu eftir í Breiðholtinu í kvöld og Leiknir myndi hafa 2-1 sigur.

Eyjamenn þurftu að bregða aðeins út af vananum hvað ferðatilhögun í land varðar fyrir leikinn. En vegna verkfalls háseta á Herjólfi siglir skipið ekki milli lands og Eyja í dag. Eyjamenn deyja þó ekki ráðalausir heldur var liðinu smalað í tuðrur og brunað með þá í land eins og lesa má betur um HÉR

Fyrri Viðureignir

Tölfræðin er á bandi gestanna fyrir leik kvöldsins en þeir hefa talsverða yfirburði ef litið er til fyrri viðureigna sem eru fjórtán talsins í opinberum leikjum.

Leiknir hefur borið sigur úr býtum í tveimur leikjum, tveimur leikjum hefur lokið með jafntefli en gestirnir úr Eyjum hafa sigrað tíu sinnum.

Markatalan er 23-48 ÍBV í vil.

Liðin hafa ekki mæst í deidarkeppni síðan árið 2015 þegar leiknir lék í Pepsideildinni. Fyrri leik liðana það sumarið á Hásteinsvelli lauk með 2-2 jafntefli en síðari leiknum í Breiðholti lauk með 0-2 sigri ÍBV

Leiknir

Heimaliðinu er spáð 5 sæti í spánni fyrir mót sem hafa eflaust verið ákveðin vonbrigði fyrir þá eftir að hafa endað í 3.sæti á síðasta tímabili 3 stigum á eftir sigurliði Gróttu en
Leiknisliðið er ungt og spennandi með marga gríðarlega spennandi leikmenn innan sinna raða.

Markvörðurinn Guy Smit hefur litið vel út í rammanum hjá Leikni hefur góða spyrnugetu og afskaplega öruggur í sínum aðgerðum.

Daníel Finns Matthíasson er með þokkalegasta skotfót líkt og hann sýndi með stórglæsilegu marki sínu gegn Keflavík á dögunum.

Vuk Oskar Dimitrijevic ungur og spennandi leikmaður sem þegar hefur samið við FH og gengur til liðs við þá að tímabili loknu. Er að spila sitt þriðja heila tímabil með Leikni þrátt fyrir að vera fæddur árið 2001. Virkilega góð boltatækni og ófyrirsjáanlegur og erfiður við að eiga fyrir varnarmenn.

Það er svo ekki hægt að fara yfir Leiknisliðið án þess að minnast á fyrirliðan Sævar Atla Magnússon. Þvílíkur vinnuhestur sem er í stanslausu ati fyrir lið sitt í 90 mínútur og,gefur ekki tommu eftir . Er sömuleiðis þrusugóður í fótbolta og naskur að finna liðsfélaga sína í góðum stöðum á vellinum.

ÍBV

Gestaliðinu er spáð efsta sæti deildarinnar og sæti í Pepsi Max deildarinnar að ári af þjálfurnum og fyrirliðum liðanna í deildinni.. Þeir hafa byrjað mótið af miklum myndarskap undir stjórn Helga Sigurðssonar og sitja á toppnum ásamt Fram og Þór eftir 3 umferðir með fullt hús stiga og markatöluna 6-1.

Eyjaliðið hefur á að skipa virkilega skemmtilegum leikmannahópi og ágæta blöndu af eldri og reyndari mönnum í bland við unga og efnilega stráka.

Reynsluboltinn Bjarni Ólafur Eiríksson sem kom frá Val í vetur límir vörn þeirra saman og hefur tengt vel við félaga sína til baka enda eyjaliðið aðeins fengið á sig eitt mark í deildinni í fyrstu þremur umferðunum.

Sóknarlína gestanna frá eyjunni fögru er heldur ekkert slor. Lið sem hefur uppá að bjóða Gary Martin og Sito í fremstu víglínu er alltaf að fara að skora mörk og ekki spillir fyrir að hafa hinn stórskemmtilega Víði Þorvarðarson sér til halds og trausts til að aðstoða fram á við.

Góðan dag kæru lesendur og verið hjartanlega velkomin í beina textalýsingu frá stórleik Leiknis.R og ÍBV í 4.umferð Lengjudeildarinnar á Domusnova Vellinum í Breiðholti