Stjarnan fær horn! Ekkert verður úr þessu og flautað á Stjörnuna í baráttu um boltann.

Geggjaður leikur á Samsung-vellinum, nær annað hvort liðið að stela þessu á síðustu mínútunum?

Jana með skot yfir markið, búin að vera á fullu allan leikinn og gera gott mark.

VAR Í PEPSI MAX!

Fjölmiðlastúkan telur Stjörnuna eiga að fá víti. Arna felld í teig Þróttara en ekkert dæmt. Stúkan æsist öll upp líka!

Á línu! Hugrún með glæsilega fyrirgjöf frá hægri og Snædís María nær ekki til boltans en hann berst út í teiginn til Gyðu sem skýtur á markið og Þróttarkonur bjarga í enn eitt skiptið!

HVERNIG SKORAR STJARNAN EKKI???

Fyrst kemst Hildigunnur í fínt færi en missir boltann á Jönu sem skýtur í slána og boltinn berst svo aftur á Jönu þar sem hún skallar boltann í hornið en þá mætir Þróttarkona og ver boltann í horn. Þvílík björgun. Ennþá 3-4 Þrótti í vil.

Arna Dís með lélegt skot. Boltinn berst á Ingibjörgu Lúcíu eftir horn og hún rennir honum á Örnu sem setur boltann bara framhjá.

Betsy Hassett með flottan sprett inn á teig Þróttarkvenna en skotið lélegt og Friðrika tekur boltann auðveldlega.

Leikurinn farinn af stað aftur.

Ólöf Sigríður næstum því búin að skora aftur. Skýtur í varnarmann Stjörnunnar og boltinn í horn. Þetta horn fer í varnarmann Stjörnunnar og annað horn niðurstaðan.

Darraðadans hinu megin á vellinum! Gott samspil Stjörnunnar endar með því að Aníta Ýr er komin ein í gegn hægra megin en skot/sending hennar endar í þvögunni og inn vill boltinn ekki. Bæði lið líkleg, fjör í þessu.

STEPHANIE RIBEIRO DAUÐAFÆRI!!

Fær glæsilega fyrirgjöf frá hægri á fjærstöng og skallar boltann rétt svo yfir. Enginn í henni þegar hún skallar boltann og hefði átt að gera betur þarna!

Sóley hörkutól fékk boltann í andlitið en virðist vera í lagi og áfram með leikinn. Mikil barátta þessa stundina.

Betsy með ágætis skot sem Friðrika þarf að hafa sig við til að verja.

Tekur snertingu rétt fyrir utan teig og skýtur í vinstra hornið niðri.

Þetta var lélegt. María tekur spyrnuna sem sendingu inn á teig og ekekrt verður úr þessu.

Ingibjörg Lúcía fiskar aukaspyrnu á stórhættulegum stað og Aníta undirbýr sig undir að taka hana...

Jana Sól!

Góður sprettur af vinstri kantinum inn á teiginn þar sem hún fær bara að valsa inn á markteig en Friðrika ver frá henni í horn fyrir Stjörnuna.

Flott uppspil Stjörnukvenna endar með skoti frá Maríu Sól sem fer framhjá.

Birta Guðlaugs með svakalega markvörslu!

Ólöf Sigríður brýtur sér leið í gegnum vörn Stjörnunnar en Birta ver í horn.

Álfhildur virðist vera í lagi og ætlar að halda leik áfram. Leikurinn flautaður á aftur.

María Sól með flotta hornspyrnu inn á teig Þróttara og ég sé ekki hver það er sem þrumar boltanum í höfuðið á Álfhildi Rósu af rosalega stuttu færi. Leikurinn stöðvaður en Álfhildur er staðin upp og sjúkraþjálfari Þróttara er að fara yfir málin með henni.

Snædís María með glæsilegan sprett upp hægri eftir sendingu frá Betsy. Morgan Goff setur boltann hins vegar í horn.

Hvorugt lið búið að skapa sér afgerandi marktækifæri á fyrstu mínútunum en Stjarnan eilítið betri út á velli.

Kalla eftir færi frá öðru hvoru liði!

Jana með fyrirgjöf sem endar í höndunum á Friðriku strax á upphafsmínútum leiksins.