Liðin ganga nú Fram, Fylktu liði á eftir Kristni Friðriki Hrafnssyni dómara leiksins inn á völlinn. Þau eru í sínum hefðbundnu búningum, Framarar í bláum peysum og sokkum og hvítum buxum. Fylkir í Appelsínugulum peysum og sokkum og svörtum buxum. Hér í Sambamýri er vallaþulur í þetta sinn þrátt fyrir áhorfendaleysið.

Hér í Sambamýrinni eru og verða engir áhorfendur og nú þegar fimm mínútur eru í að leikurinn hefjist eru í stúkunni fimm manns. Fjórir gæslustrákar sem fylgjast með að óviðeigandi komi ekki inn á svæðið og Jóhann Gunnarsson eftirlitsmaður KSÍ.

Fylkir sem er í 3. sæti Pepsi Max-deildarinnar vann 3 - 2 sigur á HK í deildinni á mánudagskvöldið og frá þeim leik gerir þjálfarateymið fjórar breytingar.

Ragnar Bragi Sveinsson er í fyrsta sinn í byrjunarliðinu síðan hann kinnbeinsbrotnaði gegn Stjörnunni í fyrstu umferð Pepsi Max-deildarinnar. Auk hans koma þeir Arnór Borg Guðjohnsen, Þórður Gunnar Hafþórsson og Birkir Eyþórsson inn í liðið.

Valdimar Þór Ingimundarson, Djair Parfitt-Williams, Arnar SVeinn Geirsson og Hákon Ingi Jónsson fara út í þeirra stað.

Fram sem er í 4. sæti Lengjudeildadrinnar átti geggjaðan leik á sunnudaginn þegar liðið vann 6 - 1 sigur á Þór. Jón Sveinsson þjálfari liðsins gerir tvær breytingar frá þeim leik. Unnar Steinn Ingvarsson og Jökull Steinn Ólafsson setjast á bekkinn fyrir þá Alex Frey Elísson og Alexander Má Þorláksson.

Engir áhorfendur

KSÍ tilkynnti í dag að engir áhorfendur verði á leikjum kvöldsins vegna hertra aðgerða stjórnvalda vegna Covid-19 sem taka gildi á hádeginu á morgun. Því verðið þið að láta ykkur duga textalýsinguna eða útsendingu FramTV á YouTube. Smelltu hér til að sjá FramTV á YouTube

Fylkismenn komu inn í 32 liða úrslit eins og önnur Úrvalsdeildarlið og lögðu þar ÍH að velli með átta mörkum gegn engu.

Sam Hewson fór meiddur af velli í síðasta leik. Þá hefur Aron Snær Friðriksson markvörður verið að glíma við meiðsli. Það verður fróðlegt að sjá hvort þeir taka einhvern þátt í leiknum í kvöld.

Fylkismenn eru í 3 sæti Pepsi - Max deildarinnar með 15 stig eftir 9 umferðir og hafa komið mörgum á óvart.

Þeir urðu fyrir miklu áfalli fyrr í sumar þegar Helgi Valur Daníelsson meiddist illa en hann verður frá út tímabilið. Árbæingar virðast þó hafa þjappað sér saman og tefla fram gríðarsterkri liðsheild

Á leið sinni í 16 liða úrslitin hafa Framarar lagt Álftanes, Hauka og ÍR að velli. Þetta verður alvöru próf fyrir þá hér í kvöld og verður fróðlegt að sjá hvernig þeir leggja þetta upp.

Jón Sveinsson þjálfari Fram talaði um það eftir sigurleikinn gegn Þór að þeir ætluðu sér í þennan leik til að vinna hann.

Þetta er ansi áhugaverð rimma sem við fáum hérna í Safamýrinni í kvöld.

Fram hefur verið á góðu skriði í Lengjudeildinni undafarin misseri. Þeir sitja í 4. sæti með 17 stig eftir 8 umferðir og hafa einungis tapað einum leik. Í siðustu umferð Lengjudeildarinnar lögðu þeir Þór Akureyri að velli, 6-1 og koma því með sjálfstraustið í botni í þennan leik hér í kvöld

Góðan dag kæru lesendur og velkomin með okkur í beina textalýsingu frá leik Fram og Fylkis í 16. liða úrslitum Mjólkurbikars Karla