Fyrir leik
Silfurskeiðin er að koma sér fyrir við grindverkið gegnt Árbæjarlauginni og eru byrjaðir að syngja. Gefa þessu svo sannarlega smá lit þótt stúkan sé tóm fyrir utan þennan 10 manna kvóta sem hvort lið fær.
Eyða Breyta

Fyrir leik
Það var talsverður hiti í leiknum þegar liðin mættust í upphafi móts. Ragnar Bragi Sveinsson þurfti að fara af velli í fyrri hálfleik kinnbeinsbrotinn eftir hraustlegan slag við Danna Lax.

Ólafur Ingi Skúlason fékk svo rautt spjald í síðari hálfleik fyrir slæma tæklingu.
Eyða Breyta

Fyrir leik
Aðstæður

Það hefur ekki farið framhjá neinum að veðrið hefur verið með allra besta móti hér í höfuðborginni í dag. Hitastigið núna er líklega um 15-16 gráður, hægur norðanvindur blaktir fánunum við völlinn og sólin skín skært.

Eflaust margir sem væru til í að geta skellt sér á völlinn og notið fótboltans meðfram veðrinu. En svo er víst ekki í bili en við gerum okkar besta að miðla því sem fram fer hér á Wurth-vellinum til ykkar.
Eyða Breyta

Fyrir leik
Byrjunarliðin

Fylkir gerir þrjár breytingar á liðinu frá tapinu gegn ÍA. Daði Ólafsson, Hákon Ingi Jónsson og Micahel Kedman koma inn fyrir Orra Svein Stefánsson, Arnór Gauta Ragnarsson og Arnór Borg Guðjohnsen. Kedman er að byrja sinn fyrsta leik fyrir félagið, en athygli vekur að enginn Arnór er í byrjunarliði Fylkis. Arnór Borg er á bekknum en Arnór Gauti Ragnar og Arnór Gauti Jóns eru ekki í hóp.

Halldór Orri Björnsson, hetja Stjörnunnar gegn FH, kemur inn í byrjunarliðið í kvöld ásamt Emil Atlasyni. Guðjón Baldvins og Sölvi Snær Guðbjargarson detta úr liðinu.
Eyða Breyta

Fyrir leik
Spámaðurinn

Sjálf Röddin, vallarþulur Íslands Páll Sævar Guðjónsson er spámaður Fótbolta.net fyrir þessa 11.umferð Pepsi Max deildarinnar. Um leik kvöldsins sagði hann.

Fylkir 0 - 2 Stjarnan
Það er mikil stemmning í Stjörnunni eftir sigur gegn FH í síðasta leik. Fylkismenn verða engin fyrirstaða fyrir þá. Óli Jó og Rúnar Páll eiga eftir að skemmta sér vel á hliðarlínunni.

Eyða Breyta

Fyrir leik
Fyrri viðureignir

47 leiki hafa liðin leikið sín á milli samkvæmt gagnagrunni KSÍ.

Fylkir hefur haft sigur í 21 leik, 6 hefur lokið með jafntefli og Stjarnan hefur unnið 20. Það eru því takmarkaðar líkur á jafntefli í kvöld ef tölfræðina á að taka trúanlega.
Markatala liðanna er svo 84-79 Fylkismönnum í vil.

Síðasti leikur
Liðin hafa þegar mæst í Pepsi Max deildinni í sumar. Það var í fyrstu umferð þar sem Stjarnan hafði 2-1 endurkomusigur á Samsungvellinum með mörkum frá Hilmari Árna og Ísak Andra Sigurgeirssyni eftir að Valdimar Þór hafði komið Fylki yfir á 2.mínútu leiksins. Áhugasamir geta lesið skýrslu Fótbolta.net um leikinn HÉR
Eyða Breyta

Fyrir leik
Fylkir

Fylkismenn áttu góðan fyrsta þriðjung móts en hafa aðeins gefið eftir í síðustu leikjum. Liðið sem sat á toppnum eftir sex umferðir hefur ekki verið á sama flugi og hafa þeir tapað 3 af síðustu fimm leikjum sínum. Síðast 3-2 gegn ÍA á Skaganum.
Eyða Breyta

Fyrir leik
Stjarnan

Stjarnan hefur skinið skært í sumar svo um munar. Sóttkví og frestun mótsins hafa lítil áhrif haft á lærisveina Rúnars Páls og Óla Jó og sitja þeir í öðru sæti deildarinnar og enn ósigraðir fyrir leik kvöldsins. Fjögur stig skilja lið Stjörnunar frá toppliði Vals em Stjarnan á þó tvo leiki til góða á Hlíðarendapilta.

Áhugaverð greining birtist frá Wyscout nú á dögnum þar sem fram kom að Stjarnan væri það lið sem hefði fengið flest stig umfram það sem við mátti búast miðað við frammistöðu. En formúla Wyscout segir Stjörnuna hafa fengið 6,4 stigum meira en marktækifæri liðsins gefa tilefni til.

Áhugaverð greining það sem segir mér ekkert annað en að Stjarnan er hreinlega betri i að nýta færin sín en önnur lið í deildinni.
Eyða Breyta

Fyrir leik
Gott og gleðilegt kvöld kæru lesendur og verið hjartanlega velkominn í þráðbeina textalýsingu Fótbolta.net frá leik Fylkis og Stjörnunar í Pepsi Max deild karla.
Eyða Breyta