Korter í leik og byrjunarliðin eru dottin inn.
Pétur Péturs gerir tvær breytingar á sínu liði frá síðasta leik, Arna Eiríksdóttir og Bergdís Fanney koma inn fyrir Ídu Marín og Lillý þar sem þær eru í sóttkví.
Nik Anthony gerir eina breytingu á sínu liði, Margrét Sveins kemur inn fyrir Jelenu.

Fyrri leikur liðanna fór fram 18. júní og þar áttu Valsarar nokkuð erfitt í leiknum og Þróttarar spiluðu vel. Leikurinn endaði þó með 1-2 sigri Vals þar sem Elín Metta og Diljá Ýr skoruðu mörk gestanna og Linda Líf minnkaði muninn þegar rúmar 10 mínútur voru eftir af venjulegum leiktíma.

Þróttur er í 8. sæti deildarinnar með 7 stig eftir 9 leiki og hafa komið nokkuð á óvart í deildinni í sumar. Þeim var spáð 10. sæti í öllum spám fyrir mótið. Stigin hafa komið úr sigri á FH og svo jafnteflum við Fylki, Selfoss, KR og Stjörnuna.
Markatalan er 14:22 og eru Breiðablik, Valur og Stjarnan einu liðin sem hafa skorað fleiri mörk.

Valur er í 2. sæti deildarinnar með 22 stig eftir 9 leiki. Þær töpuðu 4:0 gegn Blikum á Kópavogsvelli 21. júlí og gerðu svo jafntefli gegn Fylki 15. júlí. Þær hafa unnið rest. Sigur í kvöld er því nauðsynlegur ef Valsstelpurnar vilja reyna að halda í við Breiðablik.
Markatalan er 22:8 og hafa þær skorað næst mest og fengið á sig næst færst mörk á eftir Breiðablik (42:0).

McDaginn og verið hjartanlega velkomin í þessa beinu textalýsingu frá Origo vellinum þar sem Valur tekur á móti Þrótti Reykjavík í Pepsi-Max deild kvenna.