Grótta vill fá víti!! María Lovísa var tekin niður í vítateig Aftureldingar. Ég sá þetta ekki nægilega vel.

Ragna Guðrún með skot sem Tinna Brá þurfti að hafa sig alla við í að hoppa upp í.

Lítið að gerast þessa stundina.

Sesselja með skot sem fer rétt fram hjá. Flottur leikur hjá fyrirliðanum í dag.

Tinna rangstæð???
Þetta er ég ekki viss um að hafi verið réttur dómur. Bjargey með sendingu inn fyrir á Tinnu sem er bókstaflega alein vinstra megin. Hún er hins vegar flögguð rangstæð.

VÁ!!
Þvílíkt skot, þvílík varsla!
Kaela Lee með geggjað skot sem Tinna Brá ver upp í slá og út.

Afturelding fær horn. Taylor fékk boltann í höndina og Grótta fær aukaspyrnu.

JAHÁ

Grótta nær boltanum á miðjunni. Tinna gerir vel og gefur boltann upp hægri kantinn þar sem María Lovísa er komin ein í gegn. Eva Ýr ver frá henni og Sigrún Gunndís kemur hættunni frá.

Alda reynir skot fyrir utan vítateig en það fer langt yfir.

Afturelding á aukaspyrnu á miðjum vallarhelming Gróttu.
Ég sá ekki alveg hver tók spyrnuna en Katrín Rut gerir virkilega vel og flikkar honum áfram inn í teiginn. Alda nær boltanum og reynir skot en Sigrún fer fyrir það.

Bjargey reynir skot rétt fyrir utan vítateig Aftureldingar. Sesselja hoppar fyrir það og Afturelding nær boltanum.

Fínn bolti inn fyrir vörn Gróttu frá Taylor. Alda er flögguð rangstæð og Grótta á boltann.

Diljá kemst fram hjá Önnu Báru á hægri kantinum. Hún reynir skot en það fer í hliðarnetið. Afturelding á markspyrnu.

Maeve er komin aftur inn á.

Maeve fær boltann í hausinn af stuttu færi á miðjum vellinum. Hún er staðin upp og labbar út af með sjúkraþjálfara liðsins.

Diljá með ágæta hugsun. Sendir boltann inn fyrir vörn Aftureldingar. Þar er Signý en boltinn hins vegar aðeins of langur og Afturelding fær markspyrnu.

Elena reynir skot eða fyrirgjöf. Ég er ekki alveg viss hvort, en Tinna Brá grípur hann og kemur honum strax í leik.

Þetta var virkilega skemmtileg pæling. Grótta á misheppnaða sendingu á vinstri kantinum. Elena nær boltanum og vippar boltanum inn fyrir vörn Gróttu. Þar er Tinna Brá á undan í boltann og grípur hann.

Tinna nær að snúa Sigrúnu Gunndísi af sér á miðjum vellinum. Hún setur boltann inn fyrir vörn Aftureldingar þar sem Signý Ylfa keur á harða spretti. Eva Ýr gerir hins vegar vel og nær boltanum á undan.

Afturelding er að pressa Gróttu virkilega vel á síðustu mínútum.

Taylor með skot sem að Tinna ver.

Grótta fær aukaspyrnu á miðjum vellinum. Rakel tekur hana og setur boltann inn í teig þar sem Diljá nær skoti. Það fer hinsvegar yfir og Afturelding á markspyrnu.

Þetta var mjööögg tæpt!
Tinna Brá og Sigrún Ösp spila á milli sín í vítateig þeirra. Afturelding pressa mjög vel, sem endar með smá klafsi og Sigrún nær að koma boltanum upp völlinn.

Gróttu stelpur spila boltanum til baka. Boltinn endar þó hjá Öldu sem er stödd fyrir innan línuna hjá Gróttu. Rakel nær henni og nær að trufla hana aðeins og setur boltann í horn. Ekkert varð úr horninu.

Diljá með flottan bolta upp á Tinnu sem er stödd uppi á hægri kantinu. Tinna setur boltann inn fyrir vítateig Aftureldingar en þar er engin frá Gróttu sjáanleg.

Geggjaður bolti frá Taylor Lynnet yfir Katrínu Rut, sem var uppi á hægri kanti. Afturelding hins vegar ekki nógu snöggar að koma sér inn í teiginn hjá Gróttu og Rakel hreinsaði í boltann.

VÁ!
Sigrún Ösp bjargar á línu!
Afturelding fær aukaspyrnu sem Elena tekur. Tinna Brá kýlir boltann út í teig. Ég sá ekki hver það var, en Afturelding nær skoti að marki sem Sigrún Ösp bjargar á línu!

Rakel sendir slæma sendingu til baka sem Alda kemst inn í. Þær fara hratt upp sem endar með skoti frá Sesselju.

Tinna reynir fyrirgjöf inn fyrir vítateig Aftureldingar en Eva Ýr grípur boltann.

Flott spil hjá Aftureldingu!
Sesselja gerir vel og finnur Maeve inn á miðjunni. Maeve sendir frábæra sendingu á vinstri kantinn þar sem Guðrún er. Guðrún nær að koma boltanum inn fyrir teig Gróttu en Sigrún nær að hreinsa boltann frá.

Aftur sama þríeykið!
Helga, Bjargey og Tinna. Sama uppskrift. Bjargey vinnur boltann, finnur Helgu, hún nær stungu inn fyrir vörn Aftureldingar á Tinnu. Eva Ýr gerir vel og kemur á móti og nær boltanum á undan Tinnu.

Fínt spil hjá Gróttu.
Bjargey vinnur boltann á miðjunni. Hún sendir hann á Helgu Rakel sem að skiptir yfir á Tinnu hægra megin. Tinna nær að koma boltanum fyrir mark Aftureldingar en Eva Ýr gerir vel og nær boltanu.

Fín sending frá Öldu upp hægri kantinn. Tinna Brá kemur út úr markinu og nær að koma boltanum í innkast.

Diljá reynir að skot fyrir utan vítateig Aftureldingar. Það fer langt yfir og Afturelding spilar út frá markmanni.

Anna Bára með flottann sprett upp vinstri kantinn og nær að koma boltanum fyrir. Emma Steinsen nær þó að hreinsa boltann frá.

Afturelding með ágætt spil sem endar með skotið frá Öldu. Tinna Brá ver skotið og kemur boltanum strax í leik.